والله فعلا قليل من تجده عنده ضمير ويكلم المشتري بكل صدق
الله يعطيك العافية ع النصيحة
بسم الله الرحمن الرحيم
ربح سهل يبحث عنه الكثير، انعدام في الضمير، وضعف في الوازع الديني، جعلهم يغشون ويدلسون، آملين بربح سريع من جاهل في السيارات أو قليل خبرة.
محبيتي للسيارات جعلتني أغير أكثر من سيارة مؤخراً، ونظراً لأنني لست من أصحاب الدخل العالي فقد اكتفيت بالمستعمل، رأيت الكثير ولففت في المعارض لساعات وساعات، تابعت الوسيلة ورأيت المواقع، كل السيارات التي تباع أو أغلبها تكون: "نظيييييفة"، رأيت مرة في جريدة الوسيط في بلد عربي شقيق إعلان كتب به: سيارة موديل 58 نظيفة بحالة ممتازة!!!!!!!، صحيح أن الأمور نسبية لكن ليست إلى هذه الدرجة ، في جوالاتي بالحارج اكتسبت بعض الخبرة بالمستعمل لأدرك السيارة المرشوشة بإهمال من غيرها، دون أن أعلم إن كان الرش إحترافياً بالطبع، لكن من نعم الله أنه من النادر إيجاد ورشة تعمل بضمير، فأغلب السيارات المرشوشة تظهر لمن كان لديه دراية بسيطة، في أحد المرات رأيت أكورد معروضة في الحراج، سألت البائع أهي نظيفة، أجاب سريعاً: حالة وكالة!، طيب فيها رش؟!، أجاب: لا طبعاً على الفحص!!، اقتربت قليلاً وتلمست السيارة فأدركت أن الصدام الأمامي والكبود والرفارف كلها مرشوشة!!!، فسألته: كأن الصدام مرشوش؟!، قال: آه صحيح الصدام به رش لكنه نظيف!، انتظرت قليلاً وسألته: كأد الكبود فيه رش؟!، قال: نعم فيه رش بس كان فيه مخوش بسيطة يعني للتنظيف فقط!.... وهكذا حتى اعترف برش الوجهية كاملة!.
للأسف لكن الأمانة تكاد تكون معدومة، إما بسبب انعدام الأمانة فعلاً، أو بسبب جهل وظن ذلك شطارة!..
ذهبت اليوم إلى المنطقة الصناعية (منطقة ورش السيارات) فرأيت سيارات كثيرة من هوندا في الورش وحالتها يرثى لها! أكورد 2008 سيفيك 2006!!، فتساءلت أين ستذهب هذه السيارات بعد سمكرتها ورشها؟!!! (أترك لكم الجواب)
لذى نصيحتي للجميع إذهبوا بأنفسكم إلى الورش وانظروا حالة السيارات الجديدة ولا يغركم سنة التصنيع، فمن الممكن جداً أن تصدم سيارة جديدة، ويعاد إصلاحها لتظهر كالجديدة لكنها متهالكة!.
توجد عدة حلول، من بينها: يباع جهاز في أمريكا صغير جداً لكنه يظهر لك سماكة الدهان (فتعلم المرشوش من غيره)، يمتلكه القليل جداً من المعارض، ومن الممكن شراؤه بحوالي 4000 ريال، الحل الآخر أن تأخذ معك خبيراً بالمستعمل (إما قريب أو صديق) ولا تتسرع أبداً بالشراء، ولا تثق أبداً أبداً بأي شخص!
والله فعلا قليل من تجده عنده ضمير ويكلم المشتري بكل صدق
الله يعطيك العافية ع النصيحة
يعطيك العافية ..
الافضل في الشخص قبل مايشتري اي سيارة .. انة مايروح لحالة .. ويصبر لين ما يطيح في السيارة اللي تعجبة ،، واذا عجبتة لا يستعجل ،، صح انك بتطيح عند الموتر طيحة شنيعة وتبية بكل مافيك من قوة ... لكن ،،، قد تندم في استعجالك ..
اما عن الجهاز هذا اللي تقول ...
شوف كم سعرة هنا :
http://www.mstaml.com/section/item.php?i=559519
350 ريال فقط ،، لكن فية انواع وانواع .. قد جاني جهاز يعمل فقط على السيارات اليابانية بكفاءة .. اما على السيارات الامريكة فلا يكشف اي شيئ ..
تحياتي لك ... نص ربعين الرد نفس كلامك
يعطيـك الف عافيـه اخوي ابان الطبع
بصرااحه موضوع مهـم ومفيـد
خاصه للي يشترون مستخدم < مثلي ومثلك:d
ان شاء الله الجميع يقـرا هالموضوع ويستفيـد منه
وترى الدنيـا مابها خير هاليومين:(
تحيتي
جزاك الله الف خير ,,,
فعلا تطرقت لموضوع حساس جدا وهو التلاعب بتجاره السيارات ,,,
الكلام هنا سيطول ويطول ولكن بما أن خير الكلام ماقل ودل ,,,
عده نقاط مختصره أحب أذكرها لكم ,,,
1- لاتشتري من شريطي بتاتا البته
2-افحص السياره فحص كامل انت واخوياك والوكاله ان امكن ومحلات الفحص
لانه باختصار من ابسط حقوقك
3- لاتثق بالبائع فاحتماليه كونه شريطي كبيره جدا وسيحاول اخفاء عيوب السياره
بالكلام اللي ينقط عسل نظيفه وابد وخذ موتر والخ
4- لاتشتري سياره من معرض الا اذا كانت موقفه وباسم احد الاشخاص من غير صاحب المعرض
لانه باختصار سيرفع السعر لكي يربح اكثر ولعدم اهتمامه بنظافه السياره
5- حاول ان تأخذ سياره استعمال شايب متحضر أو شخص عاقل جدا ومنظره يدل على ذلك
لانها نقطه مهمه جدا الأخذ والعطاء مع السائق سيكشف لك ان كان من النوع
المحافظ ع السياره او العكس
مثال : شخص ببيع سياره طاقيه ربع كسرات بالمسجل الدخان بيده وبكت المالبورو الاحمر
ع السيت شعر طويل اسنان صفراء ثوب وصخ مصوفر او ثوب نوم ومشمر السواعد
مهايطي يعني جميع انواع النقص فيه او بعض منها فحاول تتجنبه
وعلى ذلك قس ,,,
آآآآآآآآآسف جدا ع الإطاله ,,,
لهذا السبب شريت سيارة مصدومة وصلحتها
<<مافي سياره في المستعمل الا فيها رش ونادرا تلقى النظيف وسعره مرتفع جدا
بس الحين انا اقتنعت بجزئية وخاصة اني مريت في تجربة استفدت منها الكثير الكثير
السياره مايعيبها اذا كانت مرشوشه في احد اجزائها الخارجيه <<كالرفرف او الكبوت او الصدامات او حتى الابواب
اهم شي في السياره هو الهيكل الداخلي وجسور الابواب الداخلية اذا كانت سليمه فلا خوف من السياره اطلاقا
بعدين مدينة مثل الرياض او جدة .. السيارات فيها معرضه للحوادث وان لم تتعرض لحادث لاتخلو من خدوش في البدي
كفانا الله واياكم شر الحوادث
وترى سيارتي للبيع :d
تقبل تحيتي
والله كلام سليم يا أبان وكذالك الجميع لاكن أحسن شيء لك أنت أيها البائع أن تبيع السلعة أوالموتر بذمة إذا كان الموتر جاية شيء ولا لا وإذا بعت الموتر من غير ذمة فا أنت ما راح تظل بدون موتر وراح تدورلك على موتر ويمكن تشتري موتر وتصير مغشوش فيه و على قولتهم ما سويت يسوابك يعني راح تغش اليوم من بكرى تصير مغشوش .......
كفيت ووفيت صراحه المعارض كل اللي فيها عندهم الحلف شي عادي
يقعد يحلف لك انها نظيفه وكاله ومدري ايش وبالخبر تصير معدومه ..
يعطيك العافيه على التوضيح
و الله انك صادق يا ابان
على قد ما درت بالورش و محلات الزينة و شفت اشكال و انواع من السيارات
بلاحظ راعي السيارة بيحلف 100 يمين ان السيارة ماجاها شي ؟ و لما يفتح كبوت السيارة تلاقي حديد الواجهه تم تعديله في احد الورش
و بالنسبة للرش .. انا ماعندي مشلكة ان السيارة تكون مرشوشة .. بس اهم شي تكون مرشوشة بدون صدمات مثلا واحد عنده سيارة لها 15 سنة اكيد بيرشها .. و تكون مرشوشة رشه نظيفة
شكرا لك
لكل صاحب سيارة مستعملة يريد بها مبلغ مرتفع وتجده يتحدث ويمدح لك السيارة وقد تجد بعض الكلام المعسول
لصطيادك بشبكته الكاذبة , وقليل منا يأدي الامانة بكل صدق ووفاء
ووجدت هذا الحديث الفضيل
" أخذ بيدي رسول الله صلى الله عليه وسلم فمشى ميلا ثم قال : يا معاذ أوصيك بتقوى الله وصدق الحديث ووفاء العهد وأداء الأمانة وترك الخيانة ورحم اليتيم وحفظ الجوار وكظم الغيظ ولين الكلام وبذل السلام ولزوم الإمام والتفقه في القرآن وحب الآخرة والجزع من الحساب وقصر الأمل وحسن العمل ، وأنهاك أن تشتم مسلما أو تصدق كاذبا أو تكذب صادقا أو تعصي إماما عادلا وأن تفسد في الأرض ، يا معاذ اذكر الله عند كل شجرة وحجر وأحدث لكل ذنب توبة السر بالسر والعلانية بالعلانية
الراوي: معاذ المحدث: الهيتمي المكي - المصدر: الزواجر - الصفحة أو الرقم: 2/236
خلاصة الدرجة: [ رواه ] الطبراني بسند حسن لكن فيه انقطاع والبيهقي بسند فيه مجهول "
مصدر الحديث
( الدرر السنية )
أشكرك أبـان على التنبية
:(
100% وبالاصح دور لك شريطي شريطي يعني اصلي وارح تنجن من الكلام اللي بتسمعه اي (الكذب) والنصابين واجد ولهم الف طريقه في الاحتيال الله يسهل لكم كل امر انشا الله بالتوفيق للكل
الف شكرا على الموضوع المفيد
شكرا
الله يعطيك العافية على الموضوع الرائع ولا يزال النصب والغش على المشتري جااري لكن الله المستعان
تحياتي لك اخوي ...
الشغلة ما تحتاج :
1-امسك بيد مقبض الباب الخارجي اذا كانت السيارة مرشوشة تجده خشن غير المشوش املس وناعم
2- حواف الكبوت ولأبواب اذا كانت السيارة مرشوشة تلمس حبيبات البوية موجودة على عكس غير المشوشة تجدها ملساء لأنه مهما كان السمكري بارع لايستطيع ارجاعها كما كانت
تسلم على هالنصائح والتوجيهات الطيبه
اشكرك على النصحيه
بالفعل كلامك صحيح انا قبل حوالي ثلاث اشهر رحت اشتري سياره حصلت 2005 فل الفل نظيفه مره من جوه كلمت راعيها واحد مصري قال السياره مافيها ولاصدمه ولارشه وانا خبرتي في السياره ضعيفه قلت باروح افحصها قال لي اعرف واحد يفحصها ب 150 قلت له لا انا بافحصها رحت عند البيان اللي في الشفا عنده محل فحص السياره بالكميوتر قلت افحصلي السياره من الى قال 250 قلت اوكيه فحص السياره معه جهاز يمرره على البدي حق السياره وفيه اشارات بعدما انتها من الفحص طلع بسياره برى وخذ بها دوره رجعنا قالي السياره مصبوغه من الى يعني امكن تكون مقلوبه وهو اكيد وعندك خرابات اخرى ناظرت في الولد المصري قلت له ليش تقول مافيها رشه والسياره مرشوشه قال ان تفاجات السياره مافيها شي ويحلفلي قلتله الله لا يعطيك العافيه يعني لو شريتها ومسكت بها خط وهي مقلوبه وكل شي معدوم فيها وش يصير ترى اكثر الناس يشترونها تشليح ويضبط فيهها ويبعها انتبهو والله اني يوم ركبت السياره قلت ماشاء الله نظيفه يزبرقونها وماخفي كان اعظم تلقها ملعوب فيها فانصحكم انكم تفحصون السياره قبل ماتشترونها عند واحد تثقون فيه ترى بعظهم متفق مع واحد يعطيه خمسين ريال علشان يقول السياره مافيها شي
تقبلوا تحياتي
نفس احا حصل معي
كن انا خبرتي جات من كثر احوادث اي سارت لي خخخخخخخخخخخخخخخخخخ
الحمدالله كلها كنت انا المصدوم يعني ما صدمت احد :d
جاتني خبرة بالرشات واشغلات هذي
وعلى قول احد الأعضاء زي ما تفضل جدة والرياض لازم تنصدم فيها السيارة واذا ما انصدمت لازم خدوش
اللي حصل اني رحت الحراج
ولقيت كابرس 2006 ماشي 40000 بس وقعد يقول لي نضيف ومن الكلام هذا بس يبغاله فلتر هوا جديد وكفرات
وتسير اسيارة زي الفل
لمن قعدت اطالع لقيت الواجهة كلها مرشوشة الى اخر الكبوت
ركزت شوي في الصطبات لقيت في فراغات تطلع لمن تنفك الصطبات يعني بين الصطب والصدام
غالبا تطلع لمن يتسمكر الصدام
الزبدة عشان لا اطول عليكم في النهاية طلعت السيارة مصدومة
يعني جايبة واجهة
وسلامتكم
اخوي جزاك الله الف خير على الموضوع اللمميز جدا
انا فبل قتره لقيت عند تشليح النهدي عدد 3 اكورد 2007 فل كامل ووحده 6سليندر ما شيه 7 كيلو بس ولسه باوراقها يعني زيرو والسيارات بويتها كلها معدومه من الشمس الاسود تحول الى اللون الابيض وعارضينها للبيع بسعر مغري
عندها سالت نفسي السيارات هذي بعد الرش مين يشتريها ؟
يعني تخيلوا لو لقيت اكورد فل ماشيه اقل من 50 كيلو تعتبر جديده اكيد انك بتشتريها ولكن فين الامانه
الله يعطيك العافية على الموضوع المفيد.
من فترة كنت أبحث عن سيارة أشتريها ، وأبحث عن ماكسيما تحديداً ، وخلال بحثي في معارض النسيم حصلت ماكسيما موديل 2006 وقفتها ما شاء الله ، سالت البائع عنها قال ب 36 ألف .... طيب كيف نظافتها ؟ قال عالشرط ... أنا ذبحني الفضول (( ويمكن الطمع)).. والسيارة فل... أخذت المفتاح وقعدت فيها وشغلتها ... لاحظت إنه فتحة السقف مولفة... صوت الماكينة غريب... بعد أخذ نظرة فاحصة على البودي وجدت السيارة مرشوشة بالكامل... لما بدأت أسال البائع .. بدأ بالاعتراف... السيارة قالبة>>مرشوشة بالكامل>>الفتحة مولفة>>افحصها على ضمانتك>> أنا أقول إنه ممكن يبيعها بكل بساطة لشخص ليس عنده خبرة بالسيارات على أنها نظيفة جداً.
عذراً عالإطالة ولكن أحببت أن أذكر تجربتي
أشكرك بعنف يا إبان الطباع
فعلاً مواضيعك شيقة ، و الحقيقة أنك كاتب مبدع
يعطيك ألف عافية على الموضوع
وأنا الشباب محتاجين من مثل هالمعلومات
ننتظر جديدك......
لاتشتري مستعمل ورايح نفسك
الجديد new وبس ..!
تدفع كم الف زيادة على موتر يستاهل ويعيش معك وحتى لوتتسلف ..
ولاتدفعها في تصليح موتر كل يوم خرابات ..
حسبي الله على كل بائع غشاش ..
مدري هم نسو الحديث ( من غشنا فليس منا )
والا انعدام الضمير وحب الدنيا اعمى بصيرتهم ؟؟
الله يهديهم ويكفينا وإياكم والمسلمين شر كل من فيه شر .
والله يعطيك العافيه .. ماقصرت ..
كل الود لك ..
مواقع النشر (المفضلة)