اخوي الحين الشباب يروحون يشترون من عندكم وانت تبي من عندنا
السلام عليكم
شخباركم ان شاءالله بخير,,,
مابطول عليكم
بس احد عنده فكره عن احد ايب قطع غيار هوندا اكورد من السعوديه او الأمارات لي البحرين؟ والسعر وسعر التوصيل؟
الي عنده فكره يطرش لي عالخاص ,,
وفي ميزان حسناتكم
اخوي الحين الشباب يروحون يشترون من عندكم وانت تبي من عندنا
اغلب الي في البحرين يشترون جيمع المقاضي من الخبر
وارخص من البحرين
وانا افضل انك تروح انت بنفسك كلها نص ساااااااااااااااعة من البحرين الى الخبر
المشكله يختك انه ابنيه ماقدر اروح !!
ويالسه اسأل حق خطيبي ويعني اهوه دايمن مشغول بالدوام وحاله ماعنده جانس
فمن جي قلت جان احد يقدر يعرف احد شغلته يوصل قطع غيار
وش القطع الى انتي تبين اختي
والله انا اشوف مافي فرق في القطع الا اذا كان على القطع اذا ارخص عندنا في السعودية
تعال هنا افضلك
وعليكم السلام
انا كم مرة أجي البحرين واخذ من عندكم قطعْ ،
أسعاركم أرخص بكثييييييييرْ ،
وفيه أشياء اسعارها مقاربه للي عندناْ ،
انا اشتريت كور ( اللي تحت الرفرف الامامي ) من البحرين بـ 260 تقريباً ،
وعندنا سعره بـ 350 وحولهاْ ،
يعني اخذي من عندكم افضلْ ،
واذا فيه قطع غير متوفره عندكم ، ممكن نوفرها لكم ونجيبها لكم في جيتنا للبحرينْ ،
بالتوفيق ،
معلوماتي تقول بان القطع ارخص في السعوديه ... لهذا السبب اهل البحرين يجونا الخبر وياخذون كل اللي يبوه ...
السبب على ماعتقد بان اللي يمول وكالات البحرين بقطع الغيار هي وكالات السعوديه ...
فالقطعه اللي ب 100 ريال الى ماتوصل البحرين تاخذ 200 ريال وكذا ...
اذا عندك اختي قطع معينه ممكن اشوف لك اسعارها ..
وفي محل لقطع الغيار .. كان فيه بحريني يشتغل ... وكل مايرجع البحرين يعبي سيارته قطع ...
*
اللهم اغفر له وارحمه . وعافه واعف عنه . وأكرم نزله . ووسع مدخله . واغسله بالماء والثلج والبرد .
ونقه من الذنوب والخطايا كما ينقى الثوب الأبيض من الدنس . وأبدله دارا خيرا من داره . وأهلا خيرا من أهله
وقه من فتنة القبر وعذاب النار
وانا لله وانا اليه راجعونرحمـــك الله يا " صلاح الغامدي "
http://slah-alghamdi.com/Quran/
مواقع النشر (المفضلة)