سؤال محيرني؟؟

**هونداوي للنخاع** · 25-06-2009, 09:00 PM

ودي اعرف الي عنده سياره هوندا اكور2006 بنظام التأجير المنتهي بالتمليك يمديه يبيع السياره ولا لازم لين ينتهي التاجير ويتملك السياره ؟؟ او عادي يبيع ويقعد يكمل دفع ايجار السياره حتى تنتهي ؟؟

**اكوردوبس** · 26-06-2009, 01:35 AM

السلام عليكم اول شي مايمديك تبيعها لين ماتخلص او انك تحول القرض باسم الي بيشتري يعني تنازل وشكرا

**المـــــلكـ اكـــــورد** · 26-06-2009, 01:44 AM

على حسب الشركه
فيه شركات ماتقبل بالتنازل لشخص اخر نهائيا واذا ماعندك رغبه تكمل اقساطها ياخذونها منك ويحسبوها عليك كالايجار العادي <<بالكيلو
وكل اللي دفعته يروح عليك ويمكن زياده

وفيه شركات تقبل بالتنازل لشخص اخر شرط انه يكون من نفس المدينه وراتبه يتوافق مع شروط الشركه او البنك المؤجر

ايضا بامكانك اذا كنت تمتلك سياره بنظام الاقساط بيعها لشخص اخر (بعد الاتفاق بينك وبينه على مبلغ معين يدفعه لك ) وبعدها يتحمل تسديدها كاش مع الشركة ويعطوك مخالصه نهائيه

ارجو اني اكون افدتك واي استفسار انا في الخدمه

تحياتي