الموضوع: ابي شوركم يا اهل الخبره

السلام عليكم ..
كيف الحال ؟ انشاء الله بخير..
المهم مابي اطول عليكم
اليوم وانا بالمعارض
طبعا معارض النسيم اللي بالرياض..
وانا رايح ادور لي اكورد..,
ودخلت معرض وشفت كورد 2005 لؤلؤي فل اوبشن
4سلندر
الممشى 55الف.
النظافه /مانقول الا بسم الله ماشاء الله
اما البدي والله مدري عنه ولو اني اشوف الصدام اللي ورا مايل بس البدي باين عليه نظيف انا والله ماتأكدت عن السمكره اذا فيه ولا لا
وسألت عن سعرها وتفاجات
سعرها يقول انها بـ48الف
ويقول راعي المعرض ان الرجال مستعجل
ويقول قبل ماتأخذها افحصها من الصدام للصدام
وان لقيت فيها عيب خذها بلاش
مع اني لقيت بالمعرض نفسه كورد سبشل فضي 2005 ماشيه 84الف بـ59الف
حبيت اسألكم ان كان فيه الاعيب يلعبونها هالشريطيه واحنا ماندري
ولا الفحص بالوكاله يكفي لاثباتها ما اذا كانت نظيفه او فيها عيوب


وحبيت اسألكم عن اكورد سبشل 2005 مرهمه الى فل اوبشن مركب جنوط يقول انها وكاله
وصابغ اللي تحت اللي يجي لونه اسود الى فضي يقول بـ 45الف
الممشى 111الف



اسفين عالاطاله وانتظر ردود اهل الخبره بالمعارض
وسلامتكم



للمعلوميه ( المعرض اسمه معرض فيصل للسيارات بالنسيم )