مطلوب جيب هوندا mrv فاتح اللون نظيف جداً !

**ابو علاوي** · 23-06-2009, 08:10 PM

السلام عليكم ورحمة الله وبركاته

مطلوب جيب هوندا mrv نظيف جداً لون فاتح وسعره معقول
للمفاهمة جوال 0555447883
وفق الله الجميع لكل خير

**ابو علاوي** · 25-06-2009, 06:42 PM

ياكرام
اذا تعرفون احد عنده جيب نظيف احيطوني علماً ولكم السعي على قولتهم مايخدم بخيل !

**ابو علاوي** · 29-06-2009, 07:43 AM

يا إخوان عبرونا الله يرحم والدينكم !

**المباشر** · 29-06-2009, 10:41 AM

الصبر مفتاح الفرج

**ابو علاوي** · 30-06-2009, 07:48 AM

المشاركة الأصلية كتبت بواسطة المباشر

الصبر مفتاح الفرج

تسلم يامشرفنا الكريم ويسلم الطيبين
اي والله الصبر مفتاح الفرج الله يصبرنا وإياكم على طاعته واجتناب معاصيه
والحقيقه مستعجل على الشروه اخاف تطير هالقرشين التي جمعتهم بشق الأنفس :d
تحياتي لك ولاتنسوننا من دعائكم بالتوفيق بسيارة جيب نظيفه

**ابو علاوي** · 05-07-2009, 08:08 PM

ياجماعة الخير مافيه حس ولاخبر عن جيب نظيف ؟
من يدلني على موتر نظيف ويوفق الله بيننا يبشر بالسعي الطيب

تحياتي لكل عشاق هوندا

**ابو علاوي** · 07-07-2009, 07:34 AM

ياجماعه وينكم ترى السعي طيب ويدسم الشارب :d

**ابو علاوي** · 09-07-2009, 11:17 AM

للتذكير بالموضوع ، الله يذكرنا وإياكم بالشهادة عند الممات

**E r O o O r** · 11-07-2009, 05:22 AM

مرحبا اخوي اخبر لك واحد معه جيب m r V

ذهبي فل كامل فتحه ومثبت فل الفل .. والموتر ماشي حوالي 60 او 40 ..

الموتر نظيف ولا جاه رش .. وبكلم الرجال وبشوف اخبره بيبيع .. والله يوفقنا ويآك ..

**ابو علاوي** · 12-07-2009, 01:24 PM

المشاركة الأصلية كتبت بواسطة e r o o o r

مرحبا اخوي اخبر لك واحد معه جيب m r v

ذهبي فل كامل فتحه ومثبت فل الفل .. والموتر ماشي حوالي 60 او 40 ..

الموتر نظيف ولا جاه رش .. وبكلم الرجال وبشوف اخبره بيبيع .. والله يوفقنا ويآك ..

هلا بك ياطيب وابشر بسعدك إذا الله يسر لنا السياره
ماذكرت موديل السياره والسوم
وافني عنها بالتفصيل الممل

انتظرك وفقنا الله وإياكم لكل خير

**E r O o O r** · 13-07-2009, 03:26 AM

ياهلا والله اخوي ابو علاوي ..

الموتر سألت رآعيه .. قلت الموتر مديله وكذآ ..

وقالي الموتر ماشي 37 .. فاكه وكالة !! والموتر تشيكاته فالوكاله وتغيرات كل شي فالوكاله ..

والموتر مديله 2006 .. الدفعه الاخيره فل كامل كشفات .. تخشيبه .. وسيدي يقبل 6 سيديات .. تماتيك دبل .. اممم فتحه .. واللون ذهبي .. وجلد الموتر

يعني فل الفللل ..

والموتر سألت راعيه كم سيم قال سيم من زميل له ! بـ 75 ..

وعلى فكرة الموتر موقف في مضله يعني مخزن ! وراعيه معه موتر سبير يعني مايحتاج كانك تدور نظافه ..

وعلى فكرة بعد الموتر جديد فالوكاله مثل الموتر اللي فوق .. بـ107 2007 الظاهر !!

والشكل الجديد بـ 117 الظاهر .. والله اعلم ..

وفق الله الجميع لما يحبه ويرضآهـ ..

وانتظر ردك كان الموتر جاز لك

اطرح سومتك وبكلمه لك لأن الرجال موب راعي نت مره !

سلآم

**ابو علاوي** · 13-07-2009, 12:18 PM

تسلم اخوي الكريم e r o o o r على اهتمامك وسرعة تجاوبك
الموتر ماشاء الله ممشاه ومواصفاته رائعة جداً
لكن ياطيب الميزانيه ماتسمح لي بالوصول لهذه القيمه ولا ماترددت بفرق السوم .
تعرف وانا اخوك ( لهطوا فلوسنا بالأسهم ) :d وضحكوا علينا ونفظوا جيوبنا وشقا العمر الهوامير
اسال الله تعالى أن يعوضنا وإياكم خيرا ويوفقنا ويوفق صاحبك لكل خير
وإذا خبرت لي نظيف جداً موديل 2003 ، 2004 ، 2005 والسعر مناسب لا تتأخر علي وابشر بما يسرك
تحياتي لك ولكل الطيبين

**E r O o O r** · 13-07-2009, 05:06 PM

يآهلآ والله اخوي ابو علاوي هناء اغلب المشاكل فالميزانيه هههههه الله يعينا ويآك :d

ويعوضنا قروشنا اللي راحت :d

الله يوفقك لما يحبه ويرضآهـ ..

ويرزق الموتر اللي فبالك ..