الموضوع: جنوط المحجوبة للبيع ( مقاس 18 )

بسم الله الرحمن الرحيم

السلام عليكم ورحمة الله وبركاته

معظمكم يدري اني بعت سيارتي قبل مدة وجيزة

وأحين خلاص طبعا ناوي ابيع اغراضها وهذي اول القطع

جنوط مقاس 18 انش رافقتني معظم ما كانت السيارة معاي .. وانا اللي فكيتها من قراطيسها لما كانت جديدة ..

ايش اصلها ؟
طبعا الجنوط انا ما شفت زيها هنا في السعودية الا على سيارة وحدة هوندا CR-V موديل 2005 مرة وحدة ولا شفتها مرة ثانية ... وأنا ماخذها طلبية عن طريق محل جابها لي من الامارات .. والجنوط محفور عليها من الخلف MADE IN GERMANY .. وللأمانة أنا ما ادري مدى صحة ومصداقية هالعبارة .. لكن على العموم فـ الجنوط من شركة J.Z ..

ايش تاريخها ؟
عاشت معاي السيارة قريب 4 سنوات ... تقريبا 3 سنوات منها كانت برفقة الجنوط .. لكن مع ذلك ما اركب الجنوط الا في اوقات الاجازات والمناسبات لكثرة مشاويري ايام الدراسة ..

الحدث الأول: أول مرة فكيت الجنوط عن السيارة .. كلمني ولد خالتي وقال يبي يجرب الجنوط على سيارته .. وللأسف أقل من يوم واحد ورجع لي الجنوط و واحد منها مضروب (مكسور) .. أخذت الجنط ودرت صناعية القطيف والدمام الى ان حصلت افضل محل يصلحه وعطاني ضمان على جهة اللحام طوول العمر .. قال لي ان صار تنسيم او خلافه من جهة اللحام رجعه لي .. والحمدلله عشت معاها 3 سنوات بدون مشاكل من يوم صلحتها .. وركبت الجنط (للاحتياط) في احد الكفرين الخلفيين وما كان في رجة غريبة او شي من هالقبيل ..

الحدث الثاني: كنت مركب قفول اصلية على الجنوط طالب القفل من امريكا .. صار اللي صار وضاع مفتاح القفل .. سألت يمين ويسار ووصلت الى أني : يا أني أطلب مفتاح من أمريكا والسالفة تطوووول .. أو أني أوديها ورشة يفكو القفول بحرارة ... فوديتها للورشة وفكوا الاقفال بحرارة شديدة اثرت على الجنوط بأنها سوت حرق خفيف مرة على وحدة من فتحات البلوط (الفتحة اللي كان فيها القفل) ..

الحدث الثالث: طلعت يوم من الايام ولقيت اغطية 3 من الجنوط الأربعة مسروقة ... فاضطريت اني اركب لها اغطية تجارية لا تمت لماركة الجنوط بـ صلة ..

ايش وضعها الحين ؟
عدا ذلك .. الجنوط وحتى من مسافة قريبة نظيفين جدا ولا توجد فيها الا خدوش بسيطة جدا جدا جدا جدا جدا لا تذكر تقريبا .. ... الكفرات اللي عليها تويو ناعمة وهادئة واعطيها جيد جدا في الثبات على المنعطفات بسرعات عالية .. وفيها تقريبا نصف عمر .. ولما اشتريتها كان سعر الواحد 450 ريال يعني الاربعة بـ1800 ريال ..

اترككم مع صورها :















حالة الكفرات الأربعة:








الثلاثة الجنوط السليمة كذا من الداخل:


وهذا الجنط المضروب والصورة هذي مصورها امس وهذي حالته من 3 سنوات:


صناعة الجنوط:


صورة توضح الحرق في شفة حفرة البلوط (الحفرة اللي تحت على اليسار في هذا الجنط):


نوعية الكفرات تويو TOYO ومقاسها :


وهذي صور لجنوط ثانية لقيتها في قوقل من نفس شركة هذي الجنوط (J.Z) :





وهذي صورة الجنط تبعي واسم الشركة واضح :


كم صورة لسيارتي والجنوط راكبة عليها :






معلومة اخيرة .. الجنوط تركب على موديلات الاكورد 2003 الى الآن .. وتركب ايضا على سيارات اخرى مثل السيفيك والالتيما والكامري والموستنج ..

بالنسبة للسعر ... فـ الجنوط انسأل عنها كثير بس كنت دايما اقول انها مو للبيع فـ ما احد سامها بسعر .. السومات عليكم ..

وبالتوفيق للجميع ..


تحديث بتاريخ 15/08/2009 :
المطلوب في الجنوط مع كفراتها 2200 ريال
المطلوب في الجنوط بدون كفراتها 2000 ريال
غير قابلة للتفاوض