الموضوع: ابغا شوركم ونصايحكم....................(عاجل)

اخوي ارجوا توضيح بعض التفاصيل :
كم سعر السياره
كم ماشيه
هل تعرضت للرش او حوادث لاقدر الله
واحنا نفيدك ان شاء الله

ابد ما فيها لا رش ولا شي والبودي نظيف مره ما شاء الله وماشيه 70 الف
السعر:50الف بس الي محيرني انوا الصدام الخلفي تجاري بس
وسلامتكم

اخوي انا من رايي الشخصي بانك تزودها شويه وتاخذ 2007 فل ونظيف اما سعرها في الحراج لايتعدى 45 الف حتى لوكانت بالنظافه اللي تقول عليها والاسبوع اللي فات شرينا فل كامل 2005 ابيض ب 46 الف ماشي 84 الف ولافيها إلا صدمه خفيفه في الرفرف

طيب فيها صدمة انتا تقول ،وبعدين انا ررحت للحراج كثير كل ما احصل وحده اقول لصاحبها نفحص وكالة يقولي لا افحص كمبيوتر هنا
وبعدين انا اخذت اكورد من الحراج قبل كذا وطلع فيها عيوب الدنيا .

اما ناحية زود وخذ 2007 شكلها بايخ جدا من الخلفية 2005 شكلها احلى واجمل ورايقه وهي افضل انواع الاكوردات
وبعدين الي انت تقول عليها اخذتوها من الحراج فل ابيض كم ماشيه......

والله شوف ياخوي انا ماخذ سيارتي فل كامل ابيض 2005 بـ 49 الف وماشي 147 الف والموتر خالي من الصدمات تماما

بس انا اقول حدها 43 الف ولاتنسى انها سبشل يعني لا مثبت ولا جلد ولاسيت كهرب ولا ست سيديهات ولا مكيف الكتروني ولا مرآة تعتيم
وانت تقول انه مركب كشافات فهو مخرب شكل الصدام لان الـ 2005 احلى بواجد بدون كشافات

اخوي لوتصبر بعد العيد يكون افضل وتلقى الي يعجبك واذاكنت مستعجل ما انصحك تشتريها هذي وجهة نظري وشكرا.

أنا أقول غاليه بالحيل
لكن إذا أعجبتك وناسبتك شتريها ولا تلتفت لأحد
وإذا تبي الوناسه خذ لك فل كامل 2005 لون لؤلؤي
وبكيفك,,,