مطلوب قفل جنوط هوندا

**هوندا 030** · 10-10-2009, 04:20 PM

مطلوب قفل جنوط هوندا

**اكـ2007ــورد** · 10-10-2009, 05:34 PM

الوكآلة وشوله حاطينهآ

**B Useful** · 10-10-2009, 06:56 PM

محلات الزينة لية فاتحينها :o

**Y.k.A** · 10-10-2009, 10:13 PM

امممم

طيب

وش صناااااعتها
وهل كل طقم له مفتاح خاص >> يعني شريت طقمين هل مفتاح يفتح الكل
وكم سعرها

**B Useful** · 10-10-2009, 11:18 PM

صناعتها ..
فية صناعة صينية وفية مصنوعة في موزنبيق وفية المصنوع في جزر القمر وفية امريكي ..
اسعارها بين ٤٠ الى ١٥٠ ريال حسب الجودة ..

اكيد كل طقم لة مفتاح خاص فية زي مفاتيح السيارات ..

**Y.k.A** · 10-10-2009, 11:58 PM

المشاركة الأصلية كتبت بواسطة كوكو كورد

صناعتها ..

فية صناعة صينية وفية مصنوعة في موزنبيق وفية المصنوع في جزر القمر وفية امريكي ..
اسعارها بين ٤٠ الى ١٥٠ ريال حسب الجودة ..

اكيد كل طقم لة مفتاح خاص فية زي مفاتيح السيارات ..

يعطيكـ الف عااااافية

اتوقع ان الافضل الامريكي

بس وين احصلها

**المباشر** · 11-10-2009, 01:22 AM

راجع قطع غيار عبدالله هاشم قبل كل شي يمكن عندهم وترى أرخص من الطلب من الخارج

انا ماخذ من عندهم ومركبهم على موتري لهم سنة ونص، وعادي حق 2007 و2009 نفس الشي << معلومة قلتها لأن اللي في قطع الغيار ماعنده سالفه يقولك يمكن فيها أختلاف ؛؛<< مادري ليش للحين ماجاه فصل هالموظف من عمله

**ن س ر 9** · 11-10-2009, 07:10 AM

محلات الكفرات بالغرابي موجود فيها الي تبيه سعره 95 ريال

**ن ع ر السعودية 0005** · 11-10-2009, 07:28 AM

^^^^^^^
حتى تنزرف بكل سهوله إلي بالغرابي دمار أحتمال تنزرف وأحتمال يخرب لك المسمار ويصير بايز وكذالك أنه يصدي بسرعه إذا حصلك خذ من الوكالة أضمن حتى لو كان غالي .

**ن س ر 9** · 13-10-2009, 08:11 AM

كل اللي بالسوق صيني ياعيوني

واللي معي له سنه وعليها زي العسل

**ن ع ر السعودية 0005** · 13-10-2009, 08:32 AM

أنا عارف أن كل إلي بالسوق صيني لكن أحتمال أنت أخذت شيء نوعه ممتاز لكن لو تروح للغرابي وخصوصا لمحلات الكفرات وتقوله عندك مفتاح للجنوط هذي علطول طلعه لك غير لو كان شيء أصلي وماخذه من الوكالة راح يلقي صعوبة في فك المسمار أو يحصل مفتاح لها .

**AL_ADMIRAL** · 13-10-2009, 12:31 PM

لي 8 شهور حاجزها من الوكاله
وألى يومك هذا كل مايدق جوالي أفرح , ومايطلعون هم خخخ

أذا حصلتها في الوكاله عطنا خبر

**B Useful** · 13-10-2009, 03:03 PM

المشاركة الأصلية كتبت بواسطة al_admiral

لي 8 شهور حاجزها من الوكاله
وألى يومك هذا كل مايدق جوالي أفرح , ومايطلعون هم خخخ

أذا حصلتها في الوكاله عطنا خبر

ياما حجزت من الوكالة اشياء كثير ... وبالصدفة امر عليهم بعد 10 ايام او اقل والاقيها موجودة <<<< الزبدة تراهم مايدقون .. بس ياخذون رقمك من باب ( نحن نهتم بكـ ) ..!

**ن س ر 9** · 13-10-2009, 02:57 PM

رح لمحلات هنكوك الكبيره وصدقني ماراح تندم وبنص سعر الوكاله

**الـمـسـافـر** · 14-10-2009, 12:37 AM

تلقاها بوكاله تويوتا ( عبداللطيف هاشم على قوله واحد من الشباب ):d

**عاشق أكورررد** · 16-10-2009, 02:27 AM

السلام عليكم ورحمة الله وبركاته

أخواني معليش استفسااار بسيط واعذرووني ولا تلوموني لأني غشيم بهالشي والله
اللحين القفل اللي تتكلمون عنه وش فايدته؟؟
وكيف شكله ؟؟؟
ووين يركب ؟؟؟؟

انا اللي فهمته انه يحمي الكفرات والجنوط من السرقه ؟! ولا وش المقصد
ولكم مني خالص الشكر والتقدير

**Ëńġ․ℱάίśάℒ** · 16-10-2009, 04:25 AM

^^^

القفل يحمي الجنوط من السرقة كل جنط تركب عليه قفل ويكون بديل للصاموله وله مفتاح خاص عشاان تفتحه ان شاء الله فهمت

**B Useful** · 16-10-2009, 04:26 AM

^^
تشيل صامولة واحدة من كل جنط بالسيارة <<< اجل الاستبنة بعني .. وتحط بدالها القفل اللي هو عبارة عن صامولة لكن لها مفك خاص فيها يختلف عن اي مفك آخر ( الطقم ٤ صواميل ومفك واحد لهم ) .. *

**Ëńġ․ℱάίśάℒ** · 16-10-2009, 04:29 AM

^^
سبقتك :d

**B Useful** · 16-10-2009, 04:39 AM

^^
خلال هالدقيقة الفرق كنت ادور صور في قوقل عن القفل ولا حصلتـ .،،. من القهر قلت مني حاذف الرد .. لأنة بيحذف من قبل واحدن الله يهدية ويصلحة ويفتح على قلبة ..

**عاشق أكورررد** · 16-10-2009, 05:56 AM

أخوي يعطيك الف عافيه

فهمت

بس سؤال

اللحين لازم المفك يكون معي صح ولااا لاأأأأ

طيب الحلو اللي بيسرقها اذا لقى عليها قفل وش بيسوي >>>>بيكسر القزاز
ثم يفتح الشنطه
ويأخذ المفتاح صح ولا لا او المفك الخاص فيهم
ولا وشلووون
سامحوني بس والله توني اعرف بسالفه القفل

**المباشر** · 16-10-2009, 03:07 PM

المشاركة الأصلية كتبت بواسطة عاشق أكورررد

أخوي يعطيك الف عافيه

فهمت

بس سؤال
اللحين لازم المفك يكون معي صح ولااا لاأأأأ

1- طيب الحلو اللي بيسرقها اذا لقى عليها قفل وش بيسوي >>>>بيكسر القزاز
2- ثم يفتح الشنطه
3- ويأخذ المفتاح صح ولا لا او المفك الخاص فيهم
ولا وشلووون
سامحوني بس والله توني اعرف بسالفه القفل

1- احتمال يكسر القزاز واحتمال مايبي الفضايح آخر الليل لأن صوت كسر القزاز فضيحة وصوته عالي ولكن تهون شوي قيمة القزاز أصلي ولا قيمة الجنوط

2- خلك مثلي 24 ساعة 7 أيام بالأسبوع قفل الشنطة الداخلي مقفل بالمفتاح وهذه ميزه حلوة بالأكورد

3- اذا مقفل الشنطة ومقفل المقاعد الخلفية فالحرامي راح يبطي عظم

وحياك الله يالغالي وان شاء الله أفدتك بالقليل ويسعدنا أستفسارك ولهذا تواجدنا ووجد هذا النادي

**عاشق أكورررد** · 17-10-2009, 04:12 PM

ولك يسلموووووووو يالغالي

عمووما بكرة ابنزل السيارة للصيانه 40000الف والله اعلم وش بيسوون فيها عاد ما ادري دايم اخوي يوديها انا هالمرة اللي بعملها

وبالمرة بشوف القفل

مشكورين حبايبي