هوندا فل كامل اللون اسود وش رايكم ؟؟

**ابوتركي11** · 14-10-2009, 10:22 PM

السلام عليكم ، اتشرف بالمشاركه واستشارتكم لان هذا اول موضع لي في الموقع ولا تحرموني من خبرتكم يااهل الهوندا

انا حصلت هوندااكودر 2008 اللون اسود فل كامل جلد ماشيه 60000 كم على يد صاحبها من الوكاله مسوي لها تشييك كل

10000كم مافيها شي ماشالله تبارك الله اللي ودي اعرفه مثل هالسياره كم تسوى ، ووش رايكم في اللون الاسود على الاكورد.وسامحونا على الاطاله ومشكورين حبايبي..

**ابو مجاهد** · 14-10-2009, 11:23 PM

اخوي ماقلتلنا كم سعرها وبعدين الاسود حلو ورسمي لكن الحرارة مشكلة وانت عارف اللون الاسود انا اخوي معه اللون الفيراني وصراحه تمام اذا كنت تبغى التميز خذ اللون غريب عشان تنعرف بين اخوياك وتكشخ فيها وانا اختارلك اللون العنابي وللك الاختيار وشكرا ..........

**kakashi-san** · 14-10-2009, 11:36 PM

وعليكم السلام ،

اذا كانت سليمه من الحوادث

يوصل سعرها إلى 76 ألف اذا كانت نظيفة مرةْ ،

واللون الاسود بططل على الشكل الجديدْ ،

توكل على الله ولا تنسى تسوي برنت عن تشيكااته في الوكالة ، !

**فيصل بن محمد** · 15-10-2009, 12:25 AM

الاسود بيبهذلك فلغسيل:d

**f a w a z** · 15-10-2009, 12:54 AM

للمعلوميه ترى الاسود مرغوب بالسوق بعد اللؤلؤي هو على طول

وبالنسبه للون كلن وذوقه وانا عن نفسي اشوفه اطلق لون

وبالنسبه للي يقول حر .... وصخ ... غسيل ...

هاذي اشاعات انا ماشوف انه يجيب حر

يعني ما اشوف ذاك الحر علماً اني كنت استخدم سيارة فضيه اول واشوف انه نفس الشي طبيعي

ووصخ ويتوصخ ... عن نفسي كل اربعاء غسل بمغسله ويقعد 3 ايام نظيف

الا اذا كان الجو غباار على طول يتوصخ ..

اما تقولي فضي لؤلؤي مايتوصخ ومايشهب كلهن يتوصخن ويشهبن
بس مايبين مره

واللؤلؤي اذا شهب يصير اصفر مدري وش يبي

يعني لازم تلمع السيارة كل 6 شهور اذا كان غامق

واذا فاتح كل سنه

حفاظاً ع البدي ونظرته ;)

**إتـحـادي(7).** · 15-10-2009, 01:26 AM

انا اقول السيارة تجيب من 70 الى 75 وانا محصل سيارتين نفس المواصفات الاولى ماشيه تقريباً 50 الف بـ 75 الف ريال والثانية ماشيه 65 الف بـ 70 الف ريال ونفس اللون ,,,

اما بخصوص الالوان .. فانا ارشح اللون الاسود ثم اللؤلؤي ثم الفيراني .. واما بخصوص الحرارة مع اللون والغسيل فهذي معلومات صحيحة ولكن مبالغ فيها بزيادة والمسألة ومافيها ان اللون الابيض يحمي السيارة من الحرارة اكثر من غيرها من الالوان اما النظافة فجميع الالوان تحتاج العناية ,,,

**اكورد 003** · 15-10-2009, 02:13 AM

**اكورد 003** · 15-10-2009, 02:15 AM

خذها وتوكل على الله وفلها ووسع صدرك

**ابوتركي11** · 15-10-2009, 07:12 AM

يعطيكم الف عافيه ياشباب وبصراحه استفدت من اللي قلتوه ، وبالنسبه للسعر اللي قالي عليه يقول 77000 لانه على كلامه مركب

عازل حراري من ليو مار ومغير كفرات ميشلان جديده رغم ان الاوله نص عمر بس شكله محافظ بزياده بس مااخفيكم احس اللون

الاسود صحيح انه لون قوي بس اعجبني الؤلؤي على الاكورد خطير دورت في المعارض بس طحت في الشريطيه تتفاجئ بالسياره

فيها شي او غاليه بشكل مبالغ فيه لكن ابستاخير واذا الله كتب وشريتها باستشيركم كيف احافظ على اللون لانه حساس شوي ،

الله لا يحرمنا منكم ومن مشورتكم

**kakashi-san** · 15-10-2009, 08:48 AM

سعره كويّس ،

بس حاول فيه وأكيد بيرضى بالـ 75 ولا 76 ألف ..

ولا تنسانا بالصور أو ما تاخذها ،

يعطيك من خيرها ويكفيك من شرهاا مقدماً ..

**ابو شهد** · 15-10-2009, 01:56 PM

اذ كان سيارت صاحبك وعلى يده كانك شاريهاء من الوكاله اقوللك اخوي توكل على الله وخذها وفلها وربك يحلها

**ابو مجاهد** · 15-10-2009, 10:57 PM

موفق خيرلاتنسانا بالبيعة نبي السعي ههههههههه الله يعطيك خيرها ويكفيك شرها وشكرا...................

**ابوتركي11** · 16-10-2009, 05:52 AM

من هنا للاسبوع الجاي الله يكتب الي فيه الخير بيبين معي ولو ان عندي تحفظ على اللون احسه ماتبين ملامح الموتر فيه بالاضافه الى العنايه باللون بتكون اكثر ماادري ولؤلؤي هو اللي عاجبني برغم انه منتشر بشكل كبير مررره يعني لون الشعب ،
اذا شريت السياره وانكتبت لي kakashi-san ان شالله بانزل الصور ، ابو مجاهد انت تامر امر بس توقعت بتقول بنعاونك لو نقصت دراهمك :d ،وبقية الاخوة تقبلو خالص تقديري .......