الموضوع: لمن يملك سيارة تاجير منتهي بالتمليك او تقسيط ... يدخل للاهمية

أخوي أنصحك انك تبعد عن التأجير لأنه مشبوه فيه وفيه تلاعب من البنوك

لكن انصحك بتقسيط من نفس شركة عبدالله هاشم واهم ميزه ان السيارة تكون بإسمك بعكس التأجير بسم البنك
وعمولة الشركة 9% واذا انك منتظم يلغو اخر قسطين يعني العمولة تصبح 7 %
وعادي يمديك تفع اي دفعة
لأن واحد من الشباب دافع 51000 دفعة اولى والباقي اقساط 2200 لمدة 24 شهر فقط بدون دفعة اخيرة لأن الأقساط مافي دفعة اخيرة
أتمنى اني افدتك ومبروك مقدما

مــــســــاء الخير على الجميع اخوووي بالنسبه للاجار المنتهي بتمليك عند بنك الريااض يمدحوونه وفيه كم شركه بعد لكن اهرب عن البنك الاهلي من تجربه شخصيه تعامل مره بايخ ومرمطه ولكن من الناحيه الشرعيه مدري بس فيه شيووخ مفتين عليه والله اعلم وبالنسبه للتقسيط من الشركة يطلبوون كفيل ودفعه جاامده شووي وانت راح اسال اهم شي ماتكوون النسبه فووق الثمانيه

اسمع كلامي وخليك في الاقساط احسن من التاجير
وقد ما تدفع دفعة ينزل القسط وما في دفعة اخيرة
والله يوفقك

طيب بالنسبة للتاجير المنتهي بالتمليك هل بنك الرياض يشترط تحويل الراتب .. وفي حال رغبت بالتاجير عندهم وين اروح ؟؟

انا طلعتها من شركه اليسرر ...نظام تاجيرر ... طلع اجمالى المبلغ مع الدفعه الاخيره 115.000 اللف ..على 5 سنوات ..

نصيحتي لك قدم على قرض من البنك وزيد عليه المبلغ اللي معاك واشتريها كاش
وراح توفر مبلغ لان فائدة القرض اقل من فائدة التمليك بكثييييير والقرض ما يحتاج كفيل مثل التقسيط
والراي الاول والاخير يعود اليك

اذا انت ناوي على التاجير منتهى بالتمليك ابعد عن الاهلي واليسر ((نصيحة)) ليش؟ من كل النواحي
ومن ناحية اقل البنوكـ فائدة هو بنكـ الرياض
التقسيط اكيد احسن من التاجير بس عيبه اجرات معقده والقسط شي طبيعي بيكون مرتفع بس احسن ميزه بالتقسيط انكـ يمديك تبيع السيارة يعني ملككـ مو ملكـ الشركة المؤجره

والله يعينكـ على الفوائد البنكية

بالتوفيق

انا ماخذ من شركة اليسر, الصراحه رهبين وتعاملهم رهيب. القسط الشهري 1685 ريال موديل 2006.

طيب وين شركة اليسر بالرياض ؟؟ كذلك بنك الرياض هل اجيهم بالبنك وهل يشترطون تحويل الراتب ؟؟

اذ كنت تبي سيارة هواند اكورد رح الى الصاله حقت هونداء اكورد الي على خريص تلقاء اكثر من شركه موجودين وموجودين بعد مندوبين للبنوك ومنهم بنك الريااض واقول ونصيحه لك ابعد عن بنك الاهلي ولا يشترطون تحويل الراتب

اخوي انصحك بالبنك الأهلي عندهم التاجير مع الوعد بالتمليك وهذا جائز شرعا وموقع عليه المنيع عضو هيئة كبار العلماء انا اعرف واحد اشترى منه دافع دفعة 12000 ورسوم ادارية حول 3000 وبدون دفعة اخيرة ويقصد كل شهر 1782 ريال لمدة 60 شهر

والله ياخوك انا ماخذ اكورد 2008 اسبيشل من البنك الاهلي وتعاملهم جدا رائع والفايدة 40000 على خمس سنوات انا دافع 20000 الف دفعة وقسطي 1551 لمدة 60 شهر وفي حال الانتظام ممكن تنخصم الدفعة الاخيرة وفي ميزة انه ممكن يصبروا عليك الى 3 اشهر في التاخير عن السداد

اليك هذا الموقع ممكن يفيدك في حساب الاقساط http://www.uis.com.sa/UISWebSite/Takseera_ar.aspx

نصيحة ياخوي لاتاخذ من البنك الاهلي
انا اخذت منهم وسددت كاش بعد اقساط سنتين
واتفاجاء بعد التسديد بفترة اربع شهور ان المرور يمسكني ويقول السياراة مبلغ عليها من البنك الاهلي يقولون ماسددت ووريته الاستمارة بأسمي برضوا ماصدق
اراجع البنك وبلقوه عطوني ورقة للمرور
(بالعربي انحاش من الاهلي)

الافضل تاخذ قرض وتكمل عليه
بنك الرياض او اي بنك ما يشترط تحويل راتب في التاجير بس تفرق في النسبه اذا كان الراتب محول او لا
ومناديب البنوك تلقاهم في نفس الوكالات غالبا او اسال موظف الوكاله عن المندوب
والفرق بين التاجير والتقسيط غير ان السياره باسم البنك ا اسمك الفرق بالتامين الشامل
شركة عبد الله هاشم التقسيط نسبته 8ونص في الميه والبنوك غالبا تكون 9 ونص في الميه يعني فرق التامين بس واحد في الميه
الله يختارلك اللي فيه الخير

انا ماخذ من البنك الاهلي
لكن انصحك تاخذ قرض لان الفايده اقل بكثير من نظام التاجير او الاقساط
ونظام التاجير اقل فايده من الاقساط
واهم شي اذا بتاخذ نظام تاجير يكون عندك دفعة تملك لو ريال عشان يكون عقدك صحيح شرعا وبدون مايجبرك البنك على الشراء لك الحرية في الترجيع او الشراء هذا حسب ما سمعت من الشيوخ والله اعلم
ولاتنسى فايدة نظام التاجير ان السياره مأمن عليها شامل والشركة مئمنه عليها والذنب عليهم

انا اخذت سيارتي من البنك الاهلي والفايده عادية ٤.٥
السيارة كاش ٨١ الف وطلعت علي ١٠١ الف يعني ٢٠٠٠٠ الفايدة خلال ٥ سنوات
دفعة ١٥٧٥٠ ريال والقسط ١٣٥٣ ريال

نصيحة اخو ابعد عن البنك الأهلي

يازينهم وقت البيع وياشينهم بعد البيع اقسم بالله واحد من الزملاء مطلع كابرس وبعد فتره جا يتنازل فيه لاخوه عسكري عيو عليه قالو لازم العمر فوق ثلاثين وين وش دخل العمر وغير كذا لا جيت تتنازل ورحت لفرعهم اللي طريق اخريص كنك والله داخل ادارة الاحوال من الزحمه والمرمطه ولموظف ما يشوفك شي قمت الاهانه وارقام وسرى تكره عمرك ومره التنازل بداية الشهر مره التنازل نهاية الشهر مره وقفنا التنازل لبداية السنه والانسان وانا اخوك مايدري وش يجيه من ظروف سفر بعثه سياره من العمل لازم تحسب هالنقطه في صالحلك الا هي ( الرغبه في التنازل بالسياره لشخص ثاني ) .
توكل على الله وخذ من الرياض او الاهلي . وراح تدعيلي

بالتوفيق يالطيب

بالعكس ياشباب انا مع اخوي ماهر والباقين اللي مدحو البنك الاهلي بصراحه كلامهم صحيح ولكن فايدتهم كبيره مره
انا اخذت سيارتي بنظام التاجير بدفعه اولى 13000 وقسط 1553 ودفعه اخيره 17000 وسعرها كاش كان 87الف وطلع الاجمالي 125 الف الفرق الكبير شامل التأمين والفوائد السنويه للبنك وانا بصراحه كنت ناوي اتنازل وبعدين هونت وتراهم يصبرون عليك إلى الشهر الثالث زي ماقالو الشباب