للبيع يايات أيباخ (أكورد 2003-2007) 4 سلندر

**AliAhmed** · 27-12-2009, 05:40 PM

السلام عليكم

عندي يايات أيباخ مركبهم على سيارتي الاكورد

وناوي أبيعهم بسبب حاجتي للمبلغ ..

اليايات مشترينهم بـ 1500 ريال قبل 6 شهور تقريبا ..

وركبتهم بعد ما اشتريتهم بـ بشهر تقريبا .. يعني مدة الاستخدام من 5-6 شهور ..
وبصراحة اليايات لايعلى عليها من ناحية الثبات + الشكل ..

يعني اذا اي واحد ناوي يهبط لايفكر في غير الايباخ .. تهبيط بدون تنقيز

واجهتني مشكلة وحدة مع بداية التركيب انه اذا حملت السيارة بوزن .. وبسبب ان اليايات قصيرة .. اللفات الخلفية تلمس بعض ويطلع صوت طقة خفيف مع المطبات .. ورحت الى شخص فاهم وركب لي حول الياي مثل الربل .. والحمد لله انحلت المشكلة .. وصرت اذا اركب اي وزن واركب أي مطب لا أصوات ولا شي ..

والحمد لله مشيت عليهم مايقارب 25 الف والامور كلها تمام التمام ..

افتح السوم بـ 250 ريال

أي أسئلة .... حاضرين ....

**ي ح ق السـعوديـة 0 0 3** · 27-12-2009, 09:38 PM

عزيزي تركب على الv6
اذا تركب انا شرااي

تحيااتي..

**AliAhmed** · 27-12-2009, 11:33 PM

اهلين اخوي..

هي تركب على الـ v6 ... بس في موقع الايباخ نفسه يوجد نوع للـ l4 ومقاس للـ v6 لكل نوع تنزيلة محددة ..

فما ادري كيف بيكون الاختلاف .. ان شاء الله الشباب يفيدونك من هالناحية ..

واذا انت صامل ... حط سومتك .. وان شاء الله مانختلف

**AliAhmed** · 29-12-2009, 03:36 AM

سبحان الله وبحمده .. سبحان الله العظيم

**ي ح ق السـعوديـة 0 0 3** · 29-12-2009, 11:40 PM

سومتي 300 يخاارج؟

تحيااتي..

**AliAhmed** · 30-12-2009, 08:12 PM

أخوي ي ح ق

لو ترفع سومتك شوي لان 300 ريال حرام على الايباخ وانا شاريها بـ 1500 ومستخدمة 6 شهور بس

... وان شاء الله مانختلف ...

**اكورد 07** · 31-12-2009, 04:31 PM

هلا علي احمد
لو ركبتهم ويش بستفيد تنزل السيارة؟
وطيب لو ركبتهم تحك في المطبات
وبكم حدك فيهم ؟

**أبوكرم** · 31-12-2009, 04:53 PM

وعليكم السلام

طيب أخوي اليايات إيش نوعهم
يهني pro-kit ولا sportline
إزا هيا pro-kit أنا أسوم بـ 350

**AliAhmed** · 31-12-2009, 05:03 PM

المشاركة الأصلية كتبت بواسطة اكورد 07

هلا علي احمد
لو ركبتهم ويش بستفيد تنزل السيارة؟
وطيب لو ركبتهم تحك في المطبات
وبكم حدك فيهم ؟

هلا بيك

استفيد 1- شكل احلى للسيارة 2- ثبات في المنعطفات

وانا حادها في حدود الـ 500

وشكراً

**AliAhmed** · 31-12-2009, 05:04 PM

المشاركة الأصلية كتبت بواسطة أبوكرم

وعليكم السلام

طيب أخوي اليايات إيش نوعهم
يهني pro-kit ولا sportline
إزا هيا pro-kit أنا أسوم بـ 350

اخوي اليايات برو كيت ..

سومة طيبة بس انا متطلع الى اكثر شوي

وشكرا

**اكورد 07** · 31-12-2009, 05:20 PM

اسوم بـ 370

**أبوكرم** · 31-12-2009, 06:47 PM

طيب ما جاوبتني إيش نوع اليايات؟؟؟

**سكــون اللــيل** · 31-12-2009, 07:06 PM

المشاركة الأصلية كتبت بواسطة أبوكرم

طيب ما جاوبتني إيش نوع اليايات؟؟؟

المشاركة الأصلية كتبت بواسطة aliahmed

اخوي اليايات برو كيت ..

يمكن ماآنتبهت آخوي ابو كرم

**أبوكرم** · 31-12-2009, 07:54 PM

**أبوكرم** · 01-01-2010, 02:54 AM

أجل أرفع سومتي لـ 420ريال

**AliAhmed** · 01-01-2010, 02:17 PM

سومة طيبة ...

ان شاء الله راح أبيع بأي سعر يجيني فوق 500 ريال

الي يسوم بـ 501 اليايات بتكون له والي يسوم بـ 502 اليايات بتكون له

**أبوكرم** · 01-01-2010, 03:58 PM

طيب يا عسل
تمينا بـ 500
بس تضمنلي إنو اليايات ما فيها عيب

**AliAhmed** · 02-01-2010, 06:14 PM

السلام عليكم ..

اخوي اليايات سليمة 100% والى الان راكبة على سيارتي .. ومافيها اي مشكلة ..

السوم خارج المنتدى وصل 600 ريال

وبالمقارنة مع سعر الشراء (1500) ومدة الاستخدام 6 شهور .. وسعرها جديدة الان (1500) تستاهل 600 ريال وزود وبعد ..

بانتظار السومات الطيبة واسمح لي اخوي ابو كرم بس والله اني ابي ابيعها عشان المبلغ ومحتاج بأعلى مبلغ تجيبه لي

**أبوكرم** · 03-01-2010, 01:33 AM

^^^^^^^^^^^^^^
يا عمي عادي :d
كل شيء قسمة و نصيب

إن شاءالله تبيعها بالسعر المطلوب

**ابوخالد2010** · 04-01-2010, 11:49 PM

مساء الخير اخوي انا ودي اشتري اليايات بس حبيت اسئلك هيه تضر عضلات سياره ولي لاسيارتي اكوارد 2007 4س لني انا قبل كذا نزلت سيارتي وسارة مشاكل عندي وخسرت على سياره مايقارب 7000 ريال وانانكويت من تنزيل سياره بس ودي انزلها ثاني مره بس بدون مشاكل وعلى فكره انا حطيت يايات تجاريه وقصيتها في جده ولي زاد المشاكل اني ساكن في مكه وشوارع مكه ماتصلح لتنزي كلها مطبات عشان كذا ودي اركب يايات تفيد ماتضرني ثاني مره اذا بتنصحني فيها انا شاري الله يسعدك اخوك ابو خالد من مكه