وعليكم السلام والرحمه تبي رايي لا تشتري لاني امس كنت جالس ادور قطعه بالتشليح ولقيت اكورد 2008 فل ابيض ما فيها ولا حكه وقالي قيمتها 70 واذا تبيها اراعيك يعني لا تجزم من اول سيارة تشوفها دور وتلقا ارخص منها .....
تقبل مروري
السلام عليكم
منذ فترة وانا ابحث عن هوندا اكورد 2008 او 2009
للذلك تعرفت على هذا المنتدى الطيب جزاكم الله كل خير
واليوم وانا ابحث هنا وهناك
وجدت على جانب الطريق واحدة معروضة للبيع
مواصفاتها
موديل السيارة : 2008 وارد دبي
4 سلندر
اللون اسود
فل اوبشن جلد
الممشى 20000 عشرون الف كيلو (يقول صاحبها انه استعملها لمدة شهرين وكانت 18 الف كيلو )
السيارة نظيفة ماعدا بعض الخدوش البسيطة في الصدامين الخلفي والامامي
المبلغ المطلوب 70 الف مع التخليص
سبب البيع بسبب الحاجة للمال
السؤال هنا
1- هل السعر مناسب او مرتفع
لو ذهبت الى دبي هل اجد هناك السعر المناسب والنظافة المطلوبة ام اشتري من هنا
وهل هناك فرق في الاسعار والموصفات
جزاكم الله خير
:o
وعليكم السلام والرحمه تبي رايي لا تشتري لاني امس كنت جالس ادور قطعه بالتشليح ولقيت اكورد 2008 فل ابيض ما فيها ولا حكه وقالي قيمتها 70 واذا تبيها اراعيك يعني لا تجزم من اول سيارة تشوفها دور وتلقا ارخص منها .....
تقبل مروري
اسعارها الوقت هذا هنا .. من 60 الف الى 65 واذا مرة نظيفة 67 ..
لكن ماادري عن اسعار الخليجي هناك ..
طيب من 60 الى 65
هل هي الى الفل اوبشن او نص فل
انا اللي شدني ان الممشى قليل وفل كامل
اليوم سمت وحدة نص فل يبغاها راعيها ب 64 موديل 2008 وماشية مائة الف اللون لؤلؤي
راح ابحث لكن متردد اسافر الى دبي يمكن اروح وارجع بلا فائدة
سمعت ان هناك الاسعار ارخص
شوف يالغالي .. دور وراح تحصل .. بين الاسعار هذي وفل كامل ..
بس لا تستعجل .. اذا بالرياض شيك ع معارض الشفاء تحصل اللي تبيه ..
وبالتوفيق
لاتستعجل في الشراء تايم..
والله يكتب اللي فيه الخير لك..
بالنسبه لدبي اسئل مجرب لا تروح الى اذا كنت تعرف احد والله يشوفونك سعودي تشوف النصب عيني عينك..
بالنسبه للأسعـار مثل ماقالو الشبــاب
من 60 - 75 الف
انا رحت الشفـا لقيت 2008 فـل فيراني بـ 62 الف
وفـل كامل ماشي 10 الاف لؤلؤي بـ 76 قآبل للتفـاوض
وهي ماتطلع عن هالاسعــار ..!!
انت حاول تروح وتجي وتسـأل يمكن تلقى نظيف وبسعر مغري بعد
والله يوفقك بالموتر اللي تبيه
تحيتي
وعليكم السلام
يا هلا فيك اخوي ..
سعرها أشوف أنه مناسب بس فاوض معه ..
لان السيارة وارد دبي ما راح تكون من ضمن ضمان عبدالله هاشم ..
بس تقدر تسوي الصيانة بالوكالة على حسابك ..
اما تصلح اي شيء على الضمان ، انسى ..
ولو طلعت لدبي ممكن تحصل لك بسعر أنسب من هذا بس تقدر تقول نادر ما تحصل ..
بالتوفيق لك
جد هالموضوع راح عن بالي
شكرا على التنبيه
طيب بالنسبة الى الصيانة في عبدالله هاشم كم المبلغ
وكيف هو استعمل الهوندا
البعض خوفوني من مسالة قطع الغيار انها غالية وصعبة التصليح
نصحوني في الماركيز 2008
انا في حيرة صراحة
انا ابي سيارة استخدام
علما ان معدل يوميا اقطع مسافة 100 كيلو من البيت الي العمل
طيب اخوي سؤال ثاني لاهنت
الحين هو قال المبلغ قابل للتفاوض طيب لو اخدتها الصدامين يحتاجون رش مع ان الخدوش بسيطة
هل ارش في الوكالة لو اشوف ورشة جيدة
يا هلا فيك اخوي مرة ثانية ..
انا اشوف ان السعر المناسب لها 67 - 68 الف ..
الرش تقدر ترشه في ورشة كويسه لان اللون اسود وبياخذون عليك تقريباً 400 ريال بالكثير ..
سعر الرش في الوكالة غالي وغير كِذا انت بترش صدام فيبر جلاس ، لو رفرف ولا باب كان فلت لك وكالة ..
وبالنسبة للاستخدام ، معنا 2005 اذكر الشيء الوحيد اللي غيرنا فيه هوز علبة الباور وعلى الضمان بعد سعره حدود 1539 ريال ..
لكن مشاكل 2005 والشكل هذا كله اختفى في 2008
2008 صارت اسعارها في قطع الغيار رخيصه كثير واكسسوراتها متوفرة في كل مكان ..
واسعار الصيانة بوكالة هوندا
كل 5000 بـ 119 ريال < تغيير زيت ، انصحك تغيره خارج الوكالة حدود 70 ريال مع ضرورة استخدام زيت هوندا ..
كل 10,000 تقريباً بـ 449 ريال لضرورة تغيير اشياء كثيرة < لكن مب متأكد من الاسعار
من ناحيتي اشوف الصيانة راح تحتاجها في 40 ألف - 80 الف - 100 ألف ... الخ
اذا انت تشوف السيارة اللي عرضها عليك نظيفة توكل على الله لان ممشاها حلو ..
مشكور اخي يوسف على سعة البال وتحملني لكثرة الاسئلة
الان موضوع الصيانة شغل بالي يعني اشتري من داخل السعودية افضل بسبب الصيانة
طيب الصيانة المجانية ماذا تشمل وبعد كم ينتهي الضمان
لو شريت وارد دبي هل اتوهق مع الصيانة (يعني لازم اصين في الوكالة او اشوف ورشة جيدة )
الصيانة ما تهمك ذاك الاهتمام ..
40 ألف صيانة عاديه ..
60 ألف تغيير زيت القير والفلتر ..
80 ألف تغيير البواجي ... ألخ
100 ألف تغيير الزيوت والاشياء المهمه ..
كلها مذكورة في الكتيّب الخاص بالسيارة ..
يعني حتى لو سويتها خارج الوكالة في ورشة مع اخذ القطع من قطع غيار الوكالة كِذا بتكون الربحان ..
السلام عليكم ورحمة الله وبركاته:-
نصيحتي لاتاخذها والسبب تلقى هنا افضل للصيانة المجانية والضمان والصيانة مهمة لأنها فيها تغيير هوبات وسيور وفلاتر قبل ال100 ألف
واتذكر واحد من الشباب يبي يبيع سيارته ومواصفاتها كالتالي:ابيض لؤلؤي فل اوبشن كامل حتى الجلد ولافيها اي سمكره اوخدوش وماشية 77ألف
وباقية على الضمان والصيانة المجانية .
حادها ب74 ألف ويمكن ينزل شوي
صحيح ماشية اكثر من اللي معروضة لك بس لاتنسى اللون الؤلؤي ارفع بالسوق زيادة على ذلك من الهاشم وكيل هوندا بالسعودية والضمان والصيانة موجود وبعدين الهوندا مايضرها الممشى خاصة اذا ماجاها حوادث
هذي نصيحتي لك ولا لي بالبيعه شي فقط اود مساعدتك واختيار الأفضل راجع لك
اذا بغيت اسألك الرجال ان كانت موجودة ارسلت رقمه وتفاهم وياه ومابي شي لتمت البيعة غير انك تدعيلي ..
مواقع النشر (المفضلة)