السلام عليكم ورحمة الله وبركاته كيف حال الشباب إن شاء الله مبسوطين شباب فيه منا من يحب يغير سيارته كل ثلاث سنوات والبعض كل أربع سنوات والبعض من كل خمس أو ست سنوات فلبعض منا يكون آخر العنقود ويكون مدلع فيقوم الوالد ويشتريه سيارة كل سنتين لا تستغربون لأنه آخر العنقود كل شيء يرخص له المشكلة الكبرى إذا كان الأب ما خذها تقسيط لكن البعض ياخذها الأب للولد كاش والبعض منا مخربها بالتقسيط كل ثلاث سنوات قرض وتقسيط وعلى هذه الحالة لي متى ما أدري والبعض منا يوعده أبوه كل خمس سنوات وإذا كانت الميزانية فائضة يغير سيارته ما عنده مشكلة أما بالنسبة لي فأنا والله ما غيرت سيارتي إلا يوم مر ست سنوات والله ألاحظها كثيرة لكن حلاوتها كاش ومن الوالد هدية مثل سيارتي الأولى صني بصراحة ماقصر الوالد الله يطول بعمره وفي ظل تغير السيارات هذي السنوات بين فترة وفترة تحس ودك تغير سيارتك كل سنتين لكن وش نقول العين بصيرة والإيد قصيرة وبعد في مثل يقول مد رجليك على قد لحافك البعض منا لحافهم ماله حد معين والبعض منا لحافه يقول يالله إن طعلت السيارة هاذي السنة تحس انه ماراح يغيره إلا بعد عشر سنوات المهم اللي حبيت اصول لكم للي يغيرون سياراتهم بين فترة والثانية اود ان اعطيكم بعض النصائح لعل الله ينفع بها وهي نصائح عند إرادة بيعك للسيارة :
1- حاول إنك تسويه لها صيانة دورية اقل شيء كل 10000كم .
2- انتبه تخرم السيارة وتحط فيها زعانف ولحية ونسافات وغيره ترى هذه من الأشياء
اللي تطيح سعر السيارة وتصغر وتبيخ عند الزبون خصوصا الشريطي آه يالشريطي .
3- إذا كانت السيارة ملعوب فيها بالتخريم لا تصلحها إلا في الوكالة لأن شغل الوكالة نظيف
وما يبين انتبه من الورشات .
4- اكيد كل واحد منا يكون على الاقل حاط إكسسوارات من الداخل مثل المسجل وغيره
حاول إنك ما تخلي الشريطي يستفيد من الإكسسوارات لأنه صدقني راح يفكها
ويبيعها ويستفيد منها خلك أذكى منه وفكها قبل البيع مثل المسجل والسماعات
الإضافية والجنوط وعودة وكالة زي ما كانت وإذا كان بها جنوط وغيره عوده زي ماهي
عشان تكون لها نظرة عدم التعديل وأنها وكالة ماعدل فيها اي شيء وجمع هذي القطع
اللي كانت إكسسوارات في السيارة وبعها واحد تلو الآخر واستفيد منها لو بنصف السعر
وخل الباقي في جيبك أو حظر فلوسها للسيارة الجديدة .
5- خل دائم ثابت على سعرك خصوصا قدام الشريطي لأنك صدقني لو تطيح 500ريال
راح يطيحك ألف أو ألفين وراح يستفيد من الألفين خلال عرضها في المعرض .
6- انتبه من اللي يحرشون خل على كلمة وحدة انا ابغى فيها كذا وكذا اتفقنا خلاص
انتهى الأمر ما انبعات السلام عليكم لا يحاولون فيك انك تنزل السعر زي ما صار معي
حتى قالوا لي عطنا سعي الصراخ والتحريش اللي سويناه قلت جبتوا السعر اللي
بغيته قالوا لا قلت السلام خير ختام .
7- حالوا تبين للزبون انك معتني فيها من حيث تنجيد المراتب إذا ما كانت جلد وفرش
الأرض والفرش والتغليف على الديكور مثل البيبان وفاصل المساحات والشمعات .
8- قبل لا توديها للبيع لمع السيارة بالكامل حتى تخف الخدوش وحتى لا يركز عليها
الزبون ولمع زجاجها بالتلميع الخاص ولمع الشمعات والإصطباتالخلفية لكي تعطيها
منظر وتغري الزبون .
9- ايضا حاول ان ما يكون فيها أي اصوات مثل صوت الفحمات والهوابات المنتهية صدقني
راح تصلحها بقيمة رخيصة وإن شاء الله الله بيعوضك دبلها .
10- كن صبوراً ولا تستعجل في بيعتها إذا ما أعجبك الزبائن اللي على الطريق دخلها
المعرض واعطها السعر اللي تبغاه لكن هذي المسألة تكون في حالة واحدة فقط
عندما تكون فلوس السيارة الجديدة متوفرة لديك .
(بس ياشباب أهم شيء وقبل هذا الكلام كله انتبه لا يكون هناك عرض من قبل الوكيل التابعة لنفس السيارة اللي ناوي تبيعها خصوصا اللي ماتدوم او اللي يملون من السيارة خلال سنة او سنتين يعني حتى مايمدي شكلها يتغير فيكون الشكل الموجود في الوكالة هو نفسه الموجود معك ويكون عليها عرض مغري بنقص حوالي مثلاً 5000ريال انتبه لا تودي سيارتك المعارض ولا تعرضها للبيع حتى ينتهي العرض في الوكالة ثم اذهب بها إلى المعارض للبيع حتى إذا تكلم عليك احد وقال شف سعرها في الوكالة رخيص قل رح للوكالة انتهى العرض وعادت الاسعار إلى طبيعتها وهذي المسألة ايضا ياشباب يبغى لها صبر لأن مدة العرض على السيارة ممكن تأخذ شهر أو شهرين فلا تستعجل في العجلة الندامة كن دقيقاً ومتأنياً في جميع امورك واستخدم عقلك دائماً واحسب حساباً للإيجابيات والسلبيات في جميع الأحوال وفي جميع مجالاتك في الحياة ) .
إن شاء الله بإتباعك لهذه الخطوات راح تبيعها بيعة ترضي ضميرك ولا تتحسف عليها و من جد راح تقول نفسك مبروكين مبروك البيعةالحلوة ومبروك السيارة الجديدة وبالتوفيق:d .
مواقع النشر (المفضلة)