هلا بك ياغالي
أنا أسوم 150 ريال
لأنه مستخدم
وكيف طريقة تركيبه ؟؟
ووين موقعك ؟؟
الله لا يهينك
## للبيع فلتر k&n اصلي استخدام 5 ايام ##
السلام عليكم ورحمة الله وبركاته
للبيع فلتر K&N اصلي من الشركه
وهو استخدام 5 ايام اليوم هو اليوم الخامس
وسبب البيع اني محتاج ولا صراحتا ما افرط فيه
لاكن الشكوى لله
طبعا يوم اشتريه كنت ناوي اشتري فلتر سموتو
لاكن نصحني واحد طقت مكينته بسبت السموتو
يقول انه تايواني وما يحمي المكينه بالعكس يدخل
فيها التراب والوسخ >> اكرمكم الله
ملاحظاتي :
الصوت وكاله لاكن اذا عطيت الموتر تسمع الطرب
الاداء :
جربت مع التيما قير عايدي 4 سلندر
عطيتا سيارتين يوم الثلاثاء
جربت مع هوندا اكورد 2005
عطيتها 3 سيارات وشوي >> نص عمود
موقعي الرياض
وللاستفسار
0553111776
طبعا عشان تكونون على بينه سعر الشراء 350 ريال
وسعر البيع على السوم
وهذي صوره لنفس الفلتر
التعديل الأخير تم بواسطة مليح الجبين ; 11-03-2010 الساعة 12:59 PM
هلا بك ياغالي
أنا أسوم 150 ريال
لأنه مستخدم
وكيف طريقة تركيبه ؟؟
ووين موقعك ؟؟
الله لا يهينك
انا اسوم 160 ريال ..
اذا على كلامك نظيف ومافيه اي عيوب ..
اهم شي المصداقية بالبيع ..
حبيت اسال يركب على
الـ 6 سلندر
او حق 4 بس
مرحبا اخوووي ياليت تحط لنااا مقطع صوووت له وطريقه تركيبه وهل يركب على اكورد 2008
السلام عليكم
اسف للتاخير
اخواني اللي سامو الفلتر
سوماتكم على العين والراس
لاكن هضمتوا حقه
لاكن من ثقتي بنظافة الفلتر ما اقدر ابيعه بسوماتكم
واللي يبي يشوف ما عندي مشكله
والفلتر يركب على 4 او 6 سلندر ان شاء الله
والفلتر يا اخوان ما فيه ولا نص عيب
ما شاء الله
لانه اصلي من شركه مضمونه
اخوي وسيم قابلني اشوف موترك هل يركب او لا
او حط صوره لمكان فلتر الوكاله
وطريقة تركيبه ما تأخذ 10 دقايق
واللي يبي يسمع صوته يقابلني واخليه يسوق موتري ويجرب براحته
ويعطيكم العافيه
طيب هل معه صله ؟؟
ولا يركب على طول بدون وصله
اخوي ابو نايف
معه الوصله
واليوم جربت ادائه مع هوندا اكورد 2006
في مخطط الجوهره
عطيته عمود وسياره زعل !!!
وحلف علي اني افتح كبوتي لين علمته ان علي فلتر
والله اللي بيشتريه انه كسبان
انا ان شاء الله اول ما تتيسر اموري
شاري واحد باذن الله
طيب يركب على نفس موديل موتري
موديل 2000
^^^^
ممكن صوره لمكان الفلتر بالمكينه
وتقريبا الفلتر هذا حجمه يركب على 90 % من السيارات
و الله و اقسم من كلامك لو انا في السعودية كان ساعدتك في المبلغ اللي تحتاجه و لا خليتك تبيعه
من كلامك حسيت انك من جد محتاج قيمته .........
يا جماعة الخير احنا اخوان مو بس اعضاء و لا تبخسوا السلعة حقها
حرام اقل من ٥ ايام و الله لو شهر الفلاتر هذي لها مادة خاصة ما تعتبر استهلاكية يعني ياليتكم على الاقل تفتحوا سومكم من ال ٢٥٠ و الله ارحموا اخوكم:(
اخوي انت مجرب الفلتر على سيارتك بإنتيك لو بدون إنتيك ..
لان لو كان بدون انتيك ويعطيك هذا العزم ... ماشاء الله
انصح الى بيركبه يركب معاه انتيك بعد
ولان انتيك الوكالة بلاستيك ومايعزل الحرارة وماراح تستفيد من الفلتر بشكل كامل
موفق في البيعة أخي
doabil
صراحتا احرجتني يا الغالي انت لي اخو وعزيز وغالي
وما راح تقصر فيك الخير
ووالله اني اول ما تتيسر اموري شاري واحد باذن الله
تخيل اليوم عمود وسياره عطيت راعي الاكورد بس بالفلتر
وانا واثق من نضافته عشان كذا انا صابر ابي سومه تعطيه حقه
الله يعين ومشكور وما قصرت يا الغالي
طيب ممكن صورة له وهو راكب في موترك
مع الوصلة ؟؟
مليح راح بـ180 ريال
موافق ارسل لي ع الخاص
اخوي علي احمد انا مركبه بدوون انتيك
بس الفلتر اللي بالصوره
اخوي مجود
بخست لي سعر الفلتر واللحين ابصوره لكم
وانزل صورته
بـ200 ريال وهذا حدي
وبالتوفيق
حدد موقعك اخوي مليح
موقعي الرياض
ننتظر صور للفلتر مع الوصله وهي راكبه
بسم الله
وهذي الصور
اسف لردائتها
تكفون قولو ما شاء الله تبارك الله
ما شاء الله تبارك الله
هذي صوره الوصله لاخوي ابو نايف
وهي الوصله السوداء بين الفلتر والرامير
التعديل الأخير تم بواسطة مليح الجبين ; 12-03-2010 الساعة 10:08 PM
طيب قلي كم حدك ..؟؟
ارسلها لي خاص وماراح نختلف بإذن الله اذا اعجبني السعر
ماشاء الله تبارك الرحمن
كم حدك فيه يالخوي ؟
انا اسومه بـ 220 ريال
واذا اعجبتك السومة كلمني عا الخاص
>> متابع للموضوع بصمت
230 ريال
ضوابط المشاركة
مواقع النشر (المفضلة)