السلام عليكم ورحمة الله وبركاته........
اخواني اعضاء منتدى نادي محبي هوندا
اكتب موضوعي هذا وادري انه ليس في محله لكن انا قلت اكثر اعضاء وزوار اكيد على هذا القسم
فطلبي هو الحصول على هوندا 2006 / 2007 فل او اقل من الفل ويفضل الابيض اللؤلؤي
والممشى يكون معقول والسعر كذلك_شرط النظافة والفحص_
لاني بصراحة لي فترة ليست بالقصيرة وانا ابحث فقلت مالي الا الله ثم اعضاء وزوار هذا المنتدى
ماقول الله يجازي كل صاحب خير على المعروف
والعذر والسموحة اذا كنت ضايقتكم بالموضوع
ls9001
والله العظيم حاس بمعاناتك وقد مريت على مشاركاتك بس للأسف ما بيدي شي عشان أخدمك
لكن عندي لك نصيحه أخويه
إذا منت مستعجل على الشراء إصبر حتى ينزل الموديل الجديد في رمضان ان شاء الله (زي ما ذكر أخونا أكورداوي) . فيا إن الموديل الجديد يدخل مزاجك وتشتريه أو ان قيمة الموديلات اللي قبله تنزل أسعارها وبكذا تكون انت المستفيد .
هذا رأيي الشخصي
وإن شاء الله تلقى لك بنت الحلال اللي توديك وتجيبك سالم معافى وبدون أي مشاوير للورش
.
.
.
جزيت خيرا
وشكرا على الحساس
والمشكلة الي يقولك من رمضان العام وانا اجمع يوم اني جمعت القريشات ما حصلت الي ابيه
وصراحة حصلت وحده 2006 فتحة قير اتوماتيك ونفس اللون المطلوب لا ومركبلها جنوط وملبسها جلد وماشيه 25 الف كم ____ مع ان قيمتها غويليه 65 الف ريال قلنا ماهي مشكله نستخدم لكن الرجال قام يماطل ويبي يستفيد منها قبل مايبيعها بيروح فيها جده (هو من اهل الدمام) ومواعدني الاسبوع الجاي وبنفس القيمة وصراحة منحد_قلت ولا منته عساني احصل احسن منها عند اخواننا في المنتدى
عليكم السلام ورحمة الله وبركاتة
شف اخوي اذا كنت تبي تشتري هوندا اكورد فانصحك تشتريها جديده اما اذا كانت تبي مستعمله فانصحك لاتشتري هوندا ابد دورلك سياره ثانيه مثل التيما مواصفاتها افضل من مواصفات الاكورد وسعرها اقل بكثير , ان واحد من اصدقائي اشترى التيما 2006 سته سلندر فل كامل فتحه زنون جلد قير عادي ب70 الف.
اتمنى اني ماكون حطمتك بالالتيما مع اني انا معي اكورد 2007فل كامل والحمد الله الى اليوم ماندمت اني شريتها وانشاء الله الاخوان في المنتدى ماراح يقصرون
اشكرك يا ابو سعيد على ردك وعلى النصيحة
لكن الرغبة تجبرني على الاكورد
عندي أكورد لؤلؤي 2006
ماشية مائة ألف
تشتري
عندي اكورد 2006 وماشيه 45000
نص فل مركب لها جنوط لؤلؤي فتحه وسبق ونزلت لها اعلان للبيع قبل يومين في المنتدى
مركب جلد ومخشبها تخشيب غامق اغمق من حق الوكاله شوي ومخشب الطاره ومركب لها جلد في الطاره اذا ودك تشوف السياره ماعندي مانع .
للتواصل Wound_1@hotmail.com
وهذي صوره وعندي صور احلى بس غير متوفره حاليآ لكن بجيبها بإذن الله
الله يجازيكم كل خير......
بالنسبة لك يابو سارا مالي رغبة لسيارتك شكلك ماشاء الله عليك ماخليت ديره الا جيتها
وبالنسبة لك ياعاشق اكورد ابي منك معلومات كاملة عن حالة السيارة ....
وين مكانك.......
وكم حدك
يا حبيبي إذا كنت تقدر على إنك تدفع 65 ألفالمشاركة الأصلية كتبت بواسطة LS9001
فـ الافضل يا غالي إنك تزيد المبلغ شوي وتشتري سيارة جديده وبسعر 71 ألف ريال
والله يالغالي السياره بحاله ممتازه واذا على نظافة البدي فوالله ما اكذب عليك مافيها ولله الحمد الا مخشتين في الصدام الامامي وغير واظحه ورحت للصناعيه ولقطتها وهي اصلآ غير واظحه اسفل الصدام من الزاويه اليمنى
وانا طال عمرك بالرياض الشقيقه:d (مالها دخل صح)
واذا انت برى الرياض يمكن اقدر اشوفك
وفيه صوره للمزيونه على شاطئ النخيل بالشرقيه روعه ماشاء الله بس اذكرو الله على الصوره ثقه بزياده:d
التعديل الأخير تم بواسطة عاشق Accord ; 05-04-2007 الساعة 07:28 PM
ياشباب حاولت اصغر بس ماقدرت والعذر والسموحه.
عاشق
ولا عليك أمر
ممكن تعطينا صوره للتخشيبه ؟ وتخشيبه الطاره ؟
وبكم مسويها ؟
وهي بويه وإلا غير كذا ؟
ياعاشق اكورد
مرة وحده لو سيرت علي منها اشوفك واقهويك ومنها اشوف السيارة!!!!!!
لان الصوره هذي في الجبيل الصناعية يعني منت بعيد عن البيت
ياليت ياعاشق ترسلي رقمك على الخاص علشان نتفاهم
ولك مني جزيل الشكر والاحترام_ ولا يهون ابو سارا
يالغالي والله من الرياض بس انشاء الله بعد اسبوع او اسبوعين بجي للجبيل وانشاء الله ما اتعداك حتى لو ماشريت الموتر نكسب شوفتك ومعرفتك واذا على التخشيب تراها بويه والطاره خشب بس راشينه بويه عكس بعض المحلات اللي يحك الطاره ويحط لك معجون ويرش المعجون اللون اللي تبيه وانا بصراحه مو هذا اللون اللي ابيه انا كنت ابي زي الوكاله بس غمقوها شوي ولابغيت اطول السالفه لان الموتر قعد اسبوع عندهم بسبب الطاره عقدهم تركيب الجلد بس ولله الحمد ضبط اسف على الاطاله.
التعديل الأخير تم بواسطة عاشق Accord ; 06-04-2007 الساعة 03:01 AM
ضوابط المشاركة
مواقع النشر (المفضلة)