الموضوع: سيفيك 2008 للتنازل + مضاف عليها اكسسوارات

بسم الله الرحمن الرحيم
كيف حالكم يا أعضاء منتدانا الغالي
اليوم موضوعي عن سيارتي الحبيبة
أنا عارضها للتنازل للي حاب يشتري مستعمل بحالة ممتازة جدا
أنا محافظ عليها ومزبطها والله وهي مرة غالية علي
بس يوم نزلت تايب آر بالوكالة على طول انخقيت عليها

الحين بذكر مواصفات السيارة للجادين الراغبين بالشراء

1- النوع طبعا سيفيك
2- الفئة فل كامل ( جنوط أصلية + تندة + مقاعد جلد + مثبت سرعة ... الخ )
3- الموديل 2008
4- ماشية 40000 فقط (قابلة للزيادة)
5- اللون أزرق

بالنسبة للاكسسوارات المضافة

1- مركب عليها سيستم صندوق مفصل ( اوفر + 4 سماعات + امبر فاير + مصفي ) طبعا الصندوق بالشنطة يعني الديكور ابد مو لاعب فيه
2- كشافات ضباب مع زينون 6000 + زينون بالشمعة فوق 6000 بالاضافة لزوج زنون 10000 احتياط (طبعا مع لمبات الوكالة الاصلية)
3- مغير الاصطب الخلفي ومركب اصطب شرايح - خلايا اصلي (طبعا + الاصطب الاصلي)
4- مركب جناح صغير ومرشوش بلون السيارة
5- مركب الرموش فوق الاصطبات الامامية ومرشوشة كمان
6- السقف مجلد أسود زي البانوراما بالاضافة لزعنفة البي ام
7- استكرات هوندا سيفيك على اسفل الابواب الخلفية
8- الكفرات جديدة توني مغيرها مع دعسة رياضية
9- من الداخل ملبسة كامل لبس رياضي (يعني الجلد الاصلي نظيف) + جلد عازل للصوت بالابواب
10- طقم ستاير كامل ( 4 نوافذ + النافذة الخلفية ) على مقاس السيارة
11- لوحات طويلة

بالنسبة للصيانة كلها مسويها بالوكالة مافوت ولا صيانة (يعني تحت الضمان) ، واخر صيانة مغير اقمشة وعامل تنظيف مكينة + وزن اذرعة وترصيص كفرات + بطارية جديدة + جلود مساحات جداد , طبعا غير الباكيج الصيانة اللي هو فلتر وسيفون وزيت وتشييك مكيف وباقي الاشياء
وشي أخر للأمانة السيارة صار لها حادث قبل بس مغير كل القطع بالوكالة
والله السيارة مرة اوك وانا كنت محافظ عليها زين ولو ما نزلت الآر ماكنت بغيرها ابد

بالنسبة للبيع انا اخذ السيارة من شركة تاجير (تاجير منتهي بالتمليك)
وقسط السيارة 1500 انا مخلص منها سنتين وباقي 3
ودافع فيها دفعة اولى 10000 وباقي عليها دفعة اخيرة 14000 قابلة للتقسيط
طبعا السعر هذا قابل للتغير حسب جهة عمل المشتري
للي حاب يشوف السيارة رافع لها بعض الصور في ملفي

للراغبين بالشراء ارسال رسالة او الرد على الموضوع مع وضع قيمة الدفعة اللي وده يدفعها (مع العلم ان السيارة جابت 15000 طبعا ضامن لكل الاكسسوارات اللي بيها)
ودمتم بخير وود