الموضوع: مطلوب أكورد 2008 - 2009 سبيشل

عندي هوندا اكورد 2009 فل كامل 4 سلندر
خالي من الرش والصدمات وباكياس الوكالة
وبسعر جدا مناسب .

اذا رغبت ارسلك صور عطني ايميلك
وابشر ..

المشاركة الأصلية كتبت بواسطة أسد تاروت

عندي هوندا اكورد 2009 فل كامل 4 سلندر
خالي من الرش والصدمات وباكياس الوكالة
وبسعر جدا مناسب .

اذا رغبت ارسلك صور عطني ايميلك
وابشر ..

اتوقع الطلب واضح انا طالب سبيشل نص فل ..

وتكون فـ الرياض

مـا زال الطلب جاري ..

عندي 2009 سبيشل في الشرقية عادي اوصلها
اتفضل سوم

المشاركة الأصلية كتبت بواسطة معشوقتي هوندا

عندي 2009 سبيشل في الشرقية عادي اوصلها
اتفضل سوم

ياليت تنزل صور لها ترسلها ع الخاص او هنا بالموضوع .. وكم ماشيه ؟ و لونها ؟ فيها سمكره رش اي عطل

اذا لونها لؤلؤي وخاليه من السمكره والرش وممشها اقل من 100 الف كيلو

اسومها بـ 55 الف ريال
------------
لاتقول لي بخستها والسومه قليله هاذي سومتي على حسب السوق والمعارض انا من قبل رمضان ابحث لي عن أكورد لؤلؤي 2008 او 2009 سبيشل وعارف الأسعار زين .. بس كل الي احصلها رمادي او ذهي او اسود ماحصلت للحين لؤلؤي نظيفه احصل لؤلؤي سياحي بس انا ابي سبيشل .. ترا السياحي فرقه عن الفل كامل مابين 3 الى 4 الآف و مره حصلت سبيشل ارخص من السياحي على حسب النظافه لأن انت عارف فرق فتحه وجنوط بس بين السبيشل والسياحي واغلب الي اشوفهم مركبين جنوط يعني فرق فتحه فقط
هاذي اسعار المعارض لـ السبيشل و الفل كامل
السبيشل بالخمسينات . والفل كامل بالستينات طبعا v4 .. هذا بالنسبه لمديل 2008 و 2009 وترا المديل ماله دخل مدام هي نفس الشكل لأن حصلت مديل 2008 انظف من 2009 واقل ممشى وسعرها اعلى من 2009

انا كتبت هل كلام كله عشان يستفيدون الي ودهم يعرفون اسعار الأكورد المستخدمه 2008 و 2009

اذا بعتني بسومتي 55 الف ارسل لي رقمك على الخاص او بالموضوع هنا وراح اتصل عليك وما راح نختلف


وذا مو مقتنع بسومتي انزل المعارض وشوف .. امكن تنزل وتتعب وبالأخير ياتجيك نفس سومتي او اكثر بـ الف او الفين .. انت روح فيها للمعارض وشوف


آسف على الأطاله ... موفق بالبيعه ..

اخوي اكورد انا بتجيني سلفه من البنك وحبيت اعرف اسعار الاكورد المستخدمه 2008 او 2009 في المعارض
انت متاكد ان اسعارها في الخمسين فئة سبشل انا بروح معارظ الدمام ومايهمني اللون بس على كلامك اقدر احصل سياره سبشل نظيفه في الخمسينات .....؟؟؟

المشاركة الأصلية كتبت بواسطة wood2

اخوي اكورد انا بتجيني سلفه من البنك وحبيت اعرف اسعار الاكورد المستخدمه 2008 او 2009 في المعارض
انت متاكد ان اسعارها في الخمسين فئة سبشل انا بروح معارظ الدمام ومايهمني اللون بس على كلامك اقدر احصل سياره سبشل نظيفه في الخمسينات .....؟؟؟

اذا مايهمك اللون راح تحصل ترا اغلبها الي في المعارض نظيفه لأنها 2008 مالها الا سنتين بس انت افحصها واغلبها ماشيه تحت 100

السياحي : بتحصل بـ 50 الف ممكن تزود الف الفين على حسب النظافه و اللون

السبيشل : بتحصل بـ 55 الف ممكن تزود الف الفين على حسب النظافه و اللون

الف كامل v4 : بتحصل بـ 65 الف ممكن تزود الف الفين على حسب النظافه و اللون


شوف الفرق مابين السياحي والشبيشل خمسه الآف تقريباً وبس تفرق جنوط وفتحه وبعضهم مركبين جنوط يعني بس فتحه .. اما الفرق بين السبيشل و الفل كامل 4v عشر الآف بس الفروقات كبيره بينها بالمواصفات
ونا افضل السبيشل سعرها مرره ممتاز

انت دور ترا مره حصلت سبيشل بـ 53 الف راعيها محدود يبي يبيعها بسرعه بس اللون كان مو عاجبتي

هاذي الأسعار الي حطيتها لك تقريبه ممكن تزود الف او الفين ممكن تحصل صيده وراعيها محتاج فلوس يبي يبيعها بسرعه انت وحظك هاذي اسعار معارض الرياض النسيم و الشفا


بالتوفيق أن شاء الله تحصل السياره الي تعجبك

سومة طيبة من رجال طيب
لا و الله يا خوي السومة بعيدة انا ما افكر ابيع بس شفت الاعلان و قلت اذا سومة حلوة بعت و ضفت عليها اشوي و شريت 2010 سيارتي ما صار ليها 6 شهور و ماشية 16 الف و شوي 24 ساعة في الكراج عملي جنب البيت
بالتوفيق ان شاء الله تشوفلك سيارة احسن منها

شكرا اخوي اكورد

معليش ياخوي انت فاهم الاسعار غلط

2008 سبشل لؤلؤي اسعاره من 59 الى 64 على حسب النضافه

و2009 اسعارها 65 الى 72 على حسب النضافه

معليش مستحيل تحصل 2009 او 2008 سبشل نضيف ب 55 !!

المشاركة الأصلية كتبت بواسطة ا ع ط

معليش ياخوي انت فاهم الاسعار غلط

2008 سبشل لؤلؤي اسعاره من 59 الى 64 على حسب النضافه

و2009 اسعارها 65 الى 72 على حسب النضافه

معليش مستحيل تحصل 2009 او 2008 سبشل نضيف ب 55 !!

حبيبي انا الأسعار ماجبتها من عندي ترا انا لي اكثر من شهر من قبل رمضان ونا ابحث لي عن سياره

وترا اغلب الي اشوفها نظيفه وممشها من 60 الى 80 الف اغلبها .. واسعرها بـ 55 الف .. ممكن تحصل بـ اكثر بـ الفين 56 او 57 .. وعلى كلامك 64 الف انا حصلت مره لؤلؤي فل كامل مخمل نظيفه بـ 64 الف فل كامل مو سبيشل


يالغالي انا ما احب النوعيه هاذي لاتفتي من عندك وانت مارحت المعارض ودرت فيها فتره طويله .. ممكن انت معك أكورد وعشان كذا ودك تطير اسعارها .. انت روح يوم الخميس بعد صلاه التراويح لمعارض النسيم وشوف الي يدورون كم اسعارهم تحصلها تبدء من 50 و انت طالع بس ماتوصل ابد 58 بالنسبه لسياحي والسبيشل

فيه واحد اعرفه مثلك مو مقتنع بهاذي الأسعار يوم نزل المعارض صدقني ...

وترا السبيشل والسياحي ماتفرق اسعارها ابد .. راح تحصل سبيشل ماشيه كثير ارخص من سياحي ماشيه اقل
لأن اغلبهم ماتهمه الفتحه والجنوط كل السياحي الي شفتها مركبين جنوط وانت عارف السياحي من مديل 2008 مثبت سرعه وتحكم بالمسجل .. يعني بس تختلف فتحه سقف ..

اذا تبي انا اشوف لك بـ 56 لونها رمادي سبيشل ماشي 87 الف كيلو مافيه رش ولا شي ودخليتها بـ اكياسها
عند واحد حصلته قبل اسبوع مدري اذا للحين باعها او موجوده بس انا الرمادي ما احبه داخليته اسود

بـ اختصار


سبيشل متوسط اسعارها 55 الف .. ممكن تحصل بـ اقل بـ الفين او اكثر بـ الفين هاذي بالنسبه للي يدورون بسيارتهم في المعارض


اما المعروضه في المعرض راح تحصلها بـ 58 ممكن تحصل بـ اقل بـ الفين او اكثير بـ الفين



ياليت تفهم ان الي يدرون بسيارتهم تكون اقل في حدود 3 الآف .. والمعروضه دخل معرض وواقف تكون اغلى بـ 3 الآف من الي يدورون وترا كلها نفس النظافه بالعكس انا اشوف الي يدورون بسيارتهم تكون على يده وكاله ويعرف كل شي فيها وتفحصها صح


اذا نزلت المعارض لا تنزل الا يوم الخميس او الجمعه بعد صلاه التراويح .. ولا تروح للمعرض شوف الي معهم أكور يدورون فيها يبون يبيعونها بتحصل بالقيمه الي قلتها لك 53 - 54 - 55 - 56 - 57 الف راح تصل سبيشل بهل قيمه


اما المعروضه بالمعرض بتحصلها 56 - 57 - 58 - 59 - 60 الف




ياليت تفهم المعلومه هاذي ..


ونا ترا ما احب اتناقش مع احد .. بس ابي الي يزورون هل موضوع يستفيدون


الله يوفق الجميع

معليش أخوي | أكورد | بالنسبة السعر 55 ألف 2009 مستحيييييل تلقها نظيفة
أكيد فيها شي
أخوي باع سبشل قبل أسبوعين 2009 66ألف ريال
يعني 55 ألف ريال تحصل فيها سياحي 2008

بالتوفيق

المشاركة الأصلية كتبت بواسطة معشوقتي هوندا

عندي 2009 سبيشل في الشرقية عادي اوصلها
اتفضل سوم

السلام عليكم
ياريت اخوي معشوقتي هوندا تقولي كم حدك فيها
و اسف للمداخلة