طلب نصيحة

**Bas** · 26-08-2007, 02:56 PM

حسب ما سمعت ان الاكورد الموديل الجديد 2008 بينزل في رمضان

والان الوكالة عاملة عروض مذهلة و3 هدايا جناح ونور امامي ومسجل على موديلات 2007

هل اشتري السيارة كاش اليوم لموديل 2007 والا انتظر رمضان لما تنزل الاسعار في رمضان

شباب اللي عنده خبره يفيديني الله يخليه

والا يعرف احد في في الوكالة يقدر يسرب بعض الاخبار عن تخفيض السعر في رمضان

اذا كان في تخفيض والا لا

وكل عام وانتم بخير بمناسبة حلول شهر رمضان بعد اسبوعين

**V6 ACOORD** · 26-08-2007, 05:32 PM

السلام عليكم
من اللي لاعب عليك وقايل لك انهم يعطونك ثلاث هدايا
ياحبيبي يخيرونك بين هالثلاث وانت تختار وحده بس
وان كانك تبي تضيق صدورهم اختر الاغلى بينهم;)
والاكورد 2008 نازله صورتها بالمنتدى شفها واذا صلحتلك تراها بتنزل برمضان واذا ماصلحتلك انصحك نصيحه لوجه الله انك ماتشتري ذا الايام 2007 لانه بينقص سعرها في رمضان اذا (إذا نزلت 2008);)

وترى رمضان مابقى عليه الا قليل والله يبارك لك باللي تشتريه
تحياتي.......

**Bas** · 27-08-2007, 05:10 PM

شباب عدد الزيارات 32 والردود فقط 1 !!

**يامطنش** · 27-08-2007, 05:22 PM

المشاركة الأصلية كتبت بواسطة V6 ACOORD

السلام عليكم
من اللي لاعب عليك وقايل لك انهم يعطونك ثلاث هدايا
ياحبيبي يخيرونك بين هالثلاث وانت تختار وحده بس
وان كانك تبي تضيق صدورهم اختر الاغلى بينهم;)
والاكورد 2008 نازله صورتها بالمنتدى شفها واذا صلحتلك تراها بتنزل برمضان واذا ماصلحتلك انصحك نصيحه لوجه الله انك ماتشتري ذا الايام 2007 لانه بينقص سعرها في رمضان اذا (إذا نزلت 2008);)

وترى رمضان مابقى عليه الا قليل والله يبارك لك باللي تشتريه
تحياتي.......

نفس كلامه غصب عليهم يخفضون عشان يتخلصون من 2007 اصبر وشوف كلها فتره بسيطه

**الغصن** · 27-08-2007, 11:49 PM

السلام عليكم ورحمة الله...

حبيبي...أنا قبل أسبوع شاري هوندا أكورد 2007 ستة سلندر...
ولا يخيرونك ولا شي ، ويا ليت اللي ما يعرف المعلومة ما يجلس يفتي...
يعطونك مع السيارة : جناح ، أنوار ضبابية ، مسجل وكالة...
لما رحت أستلم سيارتي لقيت عالم معاي مشترين 2007...
نصيحتي لا تفوت 2007...
على الأقل عارفينه وعارفين اللي وراه وقدامه...
راح تاخذ 2008 وإنت ما تعرف عيوبه لأن ما أحد جربه...
ولو إنتظرت لـ رمضان يمكن ينزل السعر بس يفوتك العرض .

**V6 ACOORD** · 28-08-2007, 01:54 AM

((قويه والله بس ما عليه))
على العموم يالغالي رح انت بنفسك للوكاله وشف عرضهم وياليت ترد لنا...
وشكرا

**العــاشــق** · 28-08-2007, 03:48 AM

يا ابن الحلال اصبر ..

راس مالها اسبوعين ونص ورمضان داخل..

واذا نزلت 2008 بيطيح سعر 2007

والله بتتحسف لا تستعجل عشان شوية اكسسوارات..

الوكاله حاطين هذي العروض عشان تتصرف السيارات الي باقيه عندهم..

عشان اذا نزل 2008 وتكون 2007 شبه نافذه وبتكون بسعر اقل ..

عارف اني تفلسفت واجد ..

لكن انت الي طلبت النصيحه وان شاء الله انك تستفيد ..

تحياتــــي...

**accord 06** · 28-08-2007, 05:33 AM

قيمة الاكسسوارات اللي تجي مع السياره تقريبا 3 آلاف ريال

و التخفيض قبل نزول الموديل الجديد ممكن يوصل الى 10 آلاف ريال

فما فيه مقارنه .. الانتظار افضل

ترا كلها ثلاث اسابيع

و بالتوفيق

**accord_2006** · 28-08-2007, 06:05 AM

الله يعينك اصبر لحين نزول 2008

بس الخوف يقولون ان 2007 لم تعد متوفره لديهم بمواصفاتك:(

تأكد ثم أجل;)

**اتــشـــــ** · 28-08-2007, 06:22 AM

المشاركة الأصلية كتبت بواسطة accord_2006

بس الخوف يقولون ان 2007 لم تعد متوفره لديهم بمواصفاتك:(

ويمكن بعد ما يلقى اللون اللي يبيه

**الهادف** · 28-08-2007, 02:53 PM

المشاركة الأصلية كتبت بواسطة اتــشـــــ

ويمكن بعد ما يلقى اللون اللي يبيه

الوان الأكورد كلها حلوة ..

وانا تعجبني كل الألوان الي عندهم بعكس الوان الكامري الي كذا و كذا :d

**الاخطبوط** · 28-08-2007, 04:46 PM

والله اذا انك من الناس اللي تحب السيارات قانتظر لـ 2008 شكل جديد كليا من الداخل والخارج

مع ان شكل السيدان مادخل راسي أبد لكن الجديد دايم له طعمه الخاص

اما اذا مستعجل على السيارة ولايهمك شكل جديد أو قديم فتوكل على الله وخذ العرض