الصراحة محتار بين إلي أسمع وإلي أشوف ,ارجو اقتراحاتكم وأرائكم يا أصحاب هوندا أكورد

**أبوهيثم** · 08-09-2007, 02:29 AM

السلام عكيكم ورحمة الله وبركاته
أنا من المعجبين بسارة هوندا أكورد 2007 فل كامل V6 وما أدري عن السيارة من ناحية القوة والخدمة والعزم والرساوة وقطع الغيار وهذه الصراحة هي أول مشاركة لي وأتمنا من جميع المشاركة تزويدي بالمعلومات عن السيارة..

ولكم جزيل الشكر

**أبو عــزوز ..** · 08-09-2007, 03:12 AM

# القوة والخدمة # والعزم والرساوة وقطع الغيار : كلها على المستوى المطلوب ..
ولا أروع

إلا قطع الغيار .. ناااار .. لكن جودة عالية

# هذي مواصفات خاصة ب V6 .. من سابع المستحيلات تحصلها ب VTIE 2.4

والله مسكين :( متعقد من الأربعة سلندر

**B Useful** · 08-09-2007, 05:09 AM

قطع الغيارة اشوف الشعب يقولون مرررررررررررررررررررة نار ,,,

بنفسي رحت الوكالة وسألت عن اشياء واجد ,,, ( بمناسبة اني صدمت بسيارتي ويجب على تغيير الجنب اليمين كامل ) لقيت القطع اخذها من الوكالة اوفر علي بأكثر من 50 % من التشليح ,,, خاصة قطع البدي حق السيارة الرفارف والسمكة والتندة عدا البيبان ,,,

ابو عزوز علمني ليش قلت القطع نار وتو سيارتك جديدة ولا حتى غيرت فحمات ؟؟؟؟؟

**أبو عــزوز ..** · 08-09-2007, 02:53 PM

المشاركة الأصلية كتبت بواسطة كوكو كورد

ابو عزوز علمني ليش قلت القطع نار وتو سيارتك جديدة ولا حتى غيرت فحمات ؟؟؟؟؟

خال واحد من زملاي .. يحذر من قطع غيارها ...حلو
قبل أسبوع رحت أشتري سيفون حصلت واحد بيشتري قطع غيار ..
عطوه برنت عن قطع الغيار اللي محتاجته سيارته ..
الرجال شوي إلا يفقع وجه الفلبيني اللي يشتغل .. ويقوله ليش غالي ..
ما أطول عليك .. الناس كلها تقول الكلام هذا .. ولا اي ناس ..ناس مجربه ..
وأي واحد يروح الوكالة ويسأل عن شي بسيط وتافه .. ويشوف

**B Unique** · 08-09-2007, 03:04 PM

قطع غيار الـ V6 اغلى من الاربعه سلندر
وانا مجرب وذايق الويل مع سيارتي

حتى آخر ما اذكر .. شريت فحمات امامية وخلفية وطلعت علي بـ 700 ريال تقريياً

صحيح غاليه بس والله الـ V6 تستاهل كل ريال يندفع فيها
واللي ما ساقها يسمح لي .. لانه ما بعد عرف الاكورد

;)

**أبوهيثم** · 08-09-2007, 05:51 PM

أبو عزوز - كوكو كورد ـ B Unique
مشكوريييييييين على المرور والمعلومات الرائعة ويعطيكم ألف عافية
بس كم ممكن يكون سعر أكورد V6 2007 وياليت إذا فيه صور تزودوني بها عن السيارة

""""""""""""" ودمتم سالمين"""""""""""""

**البروكسي.** · 08-09-2007, 08:46 PM

المشاركة الأصلية كتبت بواسطة B Unique

قطع غيار الـ V6 اغلى من الاربعه سلندر

وانا مجرب وذايق الويل مع سيارتي

:(

BUnique

فضفض علمنا عن خراباته لاتوهقنا تكفى

بعدين وش تفرق عن اربعه سرندل من كل النواحي غير الموصفات...

**الغصن** · 09-09-2007, 02:17 AM

السلام عليكم...

حياك الله أخوي...

أنا توني شاري سيارة هوندا أكورد 2007 v6 ....
سعرها كاش 92000 ريال...
صار لها معاي شهر تقريبًا...
سيارة ما شاء الله تبارك الله...
شكل وقوة وعزم...
أما الرساوة على الخط...خيااااااااااااااااااااااااااااال...بصراحة.. .تفاجأت برساوتها...
والله ما أبالغ لك إني أحطها مع رساوة السيارات الفخمة (المرسيدس وغيرها)...
قطع الغيار اللي أعرفه إنها غالية بس بصراحة ما جربت...
الإنطباع الأولي عن السيارة بحمد الله طيب ، وأحس إن بعض الأعضاء مبالغين ببعض المشاكل...

العيب الوحيد اللي صادفني وأقدر أقول لك إنه عيب مع الأسف كبير على شركة هوندا...
هو تنسيم الهواء ونظام العزل الصوتي سيء...
تحس كأنك فاتح الأبواب...
ما عدا ذلك فالسيارة راااااااائعة...
وأخص بالذكر V6

**أبوهيثم** · 09-09-2007, 02:24 AM

البروكسي ـ الغصن
ألف شكر على المشاركة والمعلومات الجديدة، والصراحة السيارة رائعة جدا بس ما توقعت يكون فيها تنسيم زي الكامري وهذا عيب كبير صراحة.
والله يباركلك يا أخوي الغصن في سيارتك وإن شاء الله ما تحتاج تجرب قطع غيار فيها.

**accord 06** · 09-09-2007, 04:48 PM

المشاركة الأصلية كتبت بواسطة B Unique

قطع غيار الـ V6 اغلى من الاربعه سلندر

وانا مجرب وذايق الويل مع سيارتي

حتى آخر ما اذكر .. شريت فحمات امامية وخلفية وطلعت علي بـ 700 ريال تقريياً

صحيح غاليه بس والله الـ V6 تستاهل كل ريال يندفع فيها
واللي ما ساقها يسمح لي .. لانه ما بعد عرف الاكورد

;)

بي يونيك فحمات الاربعه سلندر الاماميه و الخلفيه سعرها بالوكاله بحدود 420 ريال

و اللي اعرفه ان فحمات الاربعه و السته سلندر نفس بعض

صحح لي بالله اذا كنت غلطان

**الهادف** · 09-09-2007, 05:08 PM

المشاركة الأصلية كتبت بواسطة accord 06

بي يونيك فحمات الاربعه سلندر الاماميه و الخلفيه سعرها بالوكاله بحدود 420 ريال

و اللي اعرفه ان فحمات الاربعه و السته سلندر نفس بعض

صحح لي بالله اذا كنت غلطان[/center]

Break Pad for 2.4L

Break Pad for 3.0 L

اخوي Accord 06 قماشات الستة تختلف عن الأربعة .. راجع البارت نمبر ..

اتصلت في محل لقطع الغيار لزيادة التأكد قالي أن قماشات الأربعة سلندر قدام بـ 215 ريال والستة قدام بـ 260 ريال .. طبعاً السعرين بعد الخصم ..

**B Unique** · 09-09-2007, 05:33 PM

المشاركة الأصلية كتبت بواسطة accord 06

بي يونيك فحمات الاربعه سلندر الاماميه و الخلفيه سعرها بالوكاله بحدود 420 ريال

و اللي اعرفه ان فحمات الاربعه و السته سلندر نفس بعض

صحح لي بالله اذا كنت غلطان

هلا مشمش

توني مكلمهم ويقولون الفحمات الخلفية في الاكورد الاربعة والستة سلندر زي بعض
بس الامامية تختلف وحتى الهوبات تختلف

قيمة الفحمات الامامية للاكورد السته سلندر حول 600 ريال
والهوبات الامامية حول 700 ريال

مهما يكون ما زالت الـ V6 تستاهل

**accord 06** · 09-09-2007, 05:43 PM

اها يعطيكم العافيه على التوضيح

لا جد 600 ريال على الاماميه بس غاليه جدا

اقول وش رايك نرجع لحبيبنا النت بس ;)

PAD SET, FR. (17CL- 15VN,FM NF86) =

37$

هنا

**B Unique** · 09-09-2007, 05:58 PM

المشاركة الأصلية كتبت بواسطة البروكسي.

BUnique

فضفض علمنا عن خراباته لاتوهقنا تكفى

بعدين وش تفرق عن اربعه سرندل من كل النواحي غير الموصفات...

من ناحية خرابات انا بأتكلم لك عن المشاكل اللي واجهتني في سيارتي لان السيارات تختلف عن بعضها وحتى الاستخدام يختلف

كان عندي مشكلة في الفرامل دايماً ترج وتطلع صوت اذا دعست الفرامل على سرعات عالية .. سويت خرط وغيرت الفحمات لين زهقت وبعدها غيرت الهوبات وسلكت معي فترة لكن الرجه رجعت مثل اول

بعدها خرطت الهوبات وغيرت الفحمات عند ورشة الجنوب في الرياض والحمدلله لها معي حول شهر بدون اي مشاكل

وكان عندي مشكلة في مفصلات وزنية البيبان دايماً تطلع صوت مع فتح الباب والتقفيل .. غيرت المفصلات الاربعة بـ 400 ريال والخمدلله اختفت المشكلة

والمشكلة الاخيرة كانت في المكيف كان يطلع لي صوت غريب جداً (وووووووووووط !!) كل ما يشتغل الكومبريسور .. بعد ما تجننت من الصوت رحت لشركة دينسو المصنعة لمكيف الاكورد وغيروا الثلاجة ومعها كم قطعة وكلفتني الشغلة حدود 3000 ريال .. واللحين المكيف الحمدلله ثلج وبدون اصوات غريبه

مع هذا كله ما زلت مبسوط بسيارتي
والمشاكل هذي مثل ما قلت لك يمكن تكون عندي انا بس والـ 2007 اكيد تلافوا فيها معظم المشاكل

واذا جيت اتكلم عن الفرق بين الاربعة سلندر والستة بأقول لك ما ينفع الكلام لازم تسوقها
الـ V6 راسيه اكثر وعزمها قوي واذا ركبتها تحس انك راكب سيارة فخمة مو اكورد

وفوق هذا كله يكفيك صوت المكينة وقت التشغيل

**toOowWwt** · 09-09-2007, 06:45 PM

انا شكلي اليوم بروح استأجر اكورد سته سلندر حمستني يا ((BUnique
))

إلا بكم ايجارها؟؟

**B Unique** · 09-09-2007, 06:58 PM

المشاركة الأصلية كتبت بواسطة toOowWwt

انا شكلي اليوم بروح استأجر اكورد سته سلندر حمستني يا ((B Unique))

آسف والله ما كان قصدي احمسك

:d

وبالنسبة للايجار ما اعتقد تحصل 6 سلندر
لكن اذا لقيت لاتنسى تجي وتأكد كلامي

;)

**B Unique** · 09-09-2007, 07:02 PM

المشاركة الأصلية كتبت بواسطة accord 06

اها يعطيكم العافيه على التوضيح

لا جد 600 ريال على الاماميه بس غاليه جدا

اقول وش رايك نرجع لحبيبنا النت بس ;)

PAD SET, FR. (17CL- 15VN,FM NF86) =

37$

هنا

والله ما هيب شينه يا مشمش
ان شاء الله الاقمشة الجايه من عندهم

;)

**BLK** · 09-09-2007, 08:00 PM

^^^^^^^^^

الحين القطع غيار غالية عندنا بس ؟؟؟؟

ولا وش السالفة ؟؟

**B Unique** · 09-09-2007, 08:29 PM

المشاركة الأصلية كتبت بواسطة BLK

^^^^^^^^^

الحين القطع غيار غالية عندنا بس ؟؟؟؟

ولا وش السالفة ؟؟

الظاهر ان الغلا عندنا بس
لان الاسعار في الكويت اعتقد ارخص بكثير

اذكر كانوا مسوين عرض 50% خصم على قطع الغيار
يقدر عبودي بن هاشم يسوي كذا ؟!

والله ما ظنيت

:p

**أبوهيثم** · 10-09-2007, 03:42 AM

الله يعطيكم العافية يا شباب على المشاركة الجميلة.
بس يا أخوي B Unique بالنسبة للمشاكل إلي قلتلي عليها الفرامل والمكيف في سيارتك عيب من الوكالة ولا اشتريت السيارة مستعملة.
"""""""" ودمتم في رعاية الله""""""""

**accord 06** · 10-09-2007, 08:25 AM

هذي بعض اسعار القطع قارنتها من فتره

ازرار الدركسون ( مثبت السرعه و الصوت ) للاوديسي كنت ناوي اركبها
على سيارتي لانها تجي باغطيه نيكل << تنفع لك يا بي يونك

سعرها بالوكاله 680 ريال .. و بالنت 250 ريال

منظم الهوا ( الثروتل بودي ) للاكورد V6 خرب عند العضو عاشق 2003

و طلع سعره بالوكاله 2800 ريال .. و بالنت 750 ريال
مع ان القطعتين بنفس الرقم يعني مستحيل يكون بينها اختلاف

و هنا فحمات السته سلندر من 600 ريال الى 150 ريال

**أبوهيثم** · 10-09-2007, 10:09 AM

مشكور أخوي accord 06 ويعطيك العافية
يس الصراحة قطعها غالية ما توقعتها بالشكل هذا، لكن ما أقول إلا الله يعين:( أصحاب الأكورد V6

**البروكسي.** · 10-09-2007, 10:00 PM

المشاركة الأصلية كتبت بواسطة B Unique

من ناحية خرابات انا بأتكلم لك عن المشاكل اللي واجهتني في سيارتي لان السيارات تختلف عن بعضها وحتى الاستخدام يختلف

كان عندي مشكلة في الفرامل دايماً ترج وتطلع صوت اذا دعست الفرامل على سرعات عالية .. سويت خرط وغيرت الفحمات لين زهقت وبعدها غيرت الهوبات وسلكت معي فترة لكن الرجه رجعت مثل اول

بعدها خرطت الهوبات وغيرت الفحمات عند ورشة الجنوب في الرياض والحمدلله لها معي حول شهر بدون اي مشاكل

وكان عندي مشكلة في مفصلات وزنية البيبان دايماً تطلع صوت مع فتح الباب والتقفيل .. غيرت المفصلات الاربعة بـ 400 ريال والخمدلله اختفت المشكلة

والمشكلة الاخيرة كانت في المكيف كان يطلع لي صوت غريب جداً (وووووووووووط !!) كل ما يشتغل الكومبريسور .. بعد ما تجننت من الصوت رحت لشركة دينسو المصنعة لمكيف الاكورد وغيروا الثلاجة ومعها كم قطعة وكلفتني الشغلة حدود 3000 ريال .. واللحين المكيف الحمدلله ثلج وبدون اصوات غريبه

مع هذا كله ما زلت مبسوط بسيارتي
والمشاكل هذي مثل ما قلت لك يمكن تكون عندي انا بس والـ 2007 اكيد تلافوا فيها معظم المشاكل

مشكور على الشرح الوافي للاعطال الي واجهك وزي ماقلت
على حسب الاستخدام للسياره واكيد انهم تلافوها ب2007
وانشاء الله انهاء اخر الخربات الي تواجهك والله يعوضك

سوأل/ بالنسبه لك كم مره تغير الفحمات بالسنه الواحده..؟

واذا جيت اتكلم عن الفرق بين الاربعة سلندر والستة بأقول لك ما ينفع الكلام لازم تسوقها
الـ V6 راسيه اكثر وعزمها قوي واذا ركبتها تحس انك راكب سيارة فخمة مو اكورد

كلامك تمام بV6 تصدق تذكرت قبل سنه ونصف سقت
سياره خالي لكزس GS 300 2006 الصراحه
خطيت وماودي انزل منه ماشاء الله مقصوره فخمه وراحه غير طبيعيه
واستجابه سريعه ولاتسمع صوت ولا تنسيم كانك واقف ماشا الله,,

وفوق هذا كله يكفيك صوت المكينة وقت التشغيل

يعني وشلون زي صوت تشغيل VXR ..:d

**BLK** · 10-09-2007, 10:06 PM

المشاركة الأصلية كتبت بواسطة accord 06

هذي بعض اسعار القطع قارنتها من فتره

ازرار الدركسون ( مثبت السرعه و الصوت ) للاوديسي كنت ناوي اركبها
على سيارتي لانها تجي باغطيه نيكل << تنفع لك يا بي يونك

سعرها بالوكاله 680 ريال .. و بالنت 250 ريال

منظم الهوا ( الثروتل بودي ) للاكورد V6 خرب عند العضو عاشق 2003

و طلع سعره بالوكاله 2800 ريال .. و بالنت 750 ريال
مع ان القطعتين بنفس الرقم يعني مستحيل يكون بينها اختلاف

و هنا فحمات السته سلندر من 600 ريال الى 150 ريال

والله مشروع ناجح 100%

محل قطع غيار هوندا :d

كم تكون شاملة تكاليف الشحن و النقل و كل شي ؟؟

**accord 06** · 11-09-2007, 02:59 PM

المشاركة الأصلية كتبت بواسطة BLK

والله مشروع ناجح 100%

محل قطع غيار هوندا :d

كم تكون شاملة تكاليف الشحن و النقل و كل شي ؟؟

الشحن داخل امريكا + اجور خدمه = 14$

الشحن للسعوديه اول نص كيلو 15$ و كل نص كيلو اضافي 6$

اغلب القطع ما يتعدا وزنها كيلو وا حد يعني تقريبا الشحن يكلف 21 $

لو حسبنا فحمات ال V6 مثلا

37 + 14 + 21 = 72 $ = 270 ريال

بالمقارنه مع سعرها هنا 600 ريال

باختصار بتوفر على الاقل نص قيمة القطع

و ممكن توفر اكثر من النص بقطع مثل منظم الهواء