مطلوب نور زينون فكس ار ^_^

**شعول البقمي** · 12-11-2011, 11:58 PM

السلام عليكم ورحمه الله وبركاته
كيف الحال ياخوان طيبون ..

كنت ابسئلكم لبى قلوبكم عن زينون الفكس ار
بكم سعره وهل فيه احد ركبه على كورد ؟ وهل يبي له توليف ولا شي :o
لاني بصراحه اعجبني وهو اقوى زينون الظاهر بين السيارات
شوفوا المقطع

[ame]http://www.youtube.com/watch?v=9E0yYielGcY[/ame][ame="http://www.youtube.com/watch?v=Tr4XwrVOcpY&NR=1"][/ame]

هاه رايكم
وياليت احد يفيدني لان ودي اركبه بالي هيبه ;)

ملاحظه / تم تعديل المقطع
هههههههههههههههههههههههههههههه

**Classic Design** · 13-11-2011, 12:45 AM

وعليكم السلام ورحمة الله وبركاته

حياك الله وبياك

وش دخل المقطع اللي انت منزل في الزنون :d

بالنسبة للزنون المستخدم في سيارات تويوتا ولكزس عموما هو محولات من نوع دينسو ( ياباني ) و لمبات من شركة فليبس المعروفة ( ألماني )

طبعا يركب على أي سيارة مو محكور على تويوتا فقط و فيه أعضاء كثير كثير هنا مركبينه على الأكورد و السيفيك و أنا واحد منهم ;)

بالنسبة للسعر :-

اللمبات الفليبس سواء للواطي أو العالي : 550 ريال

المحولات الدينسو : 850 ريال

لو أخذت طقم كامل أحسبه لك من 1300 ريال

بالنسبة للتركيب ،، تفك لمبات الوكالة الهالوجين ( الصفراء ) وتركب اللمبات و المحولات بدون توليف أو قص أو أي شي

عمر الزنون : الزنون هذا اللي قلت لك عنه ، فيه واحد شغال معاه للحين من 5 سنوات ماشاء الله تبارك الله

أي استفسار او للطلب ،، ارسال رسالة خاصه

تحياتي لك

**ماجد .** · 13-11-2011, 07:04 AM

سوال الاكورد الي في المقطع 6سلندر ولا اربعة سلندر

**شعول البقمي** · 13-11-2011, 01:54 PM

Classic Design

مشرفنا العزيز ^_^
انا سالت عن نور الفكس ار يقولون لازم توليف
طبعا سالت محلات الزينه يقولون لانه صعب تركيبه
وانا خايف يصير فيه تجريح اسلاك وا اي شي وهل اذا ركبته يطيح ظمان السياره
علما ان موتري 2011 سبيشل والزنون هذا عجبني وبقوووه
وياليت تحطلي مقطع للزنون اللي عندك = الي مركبه على موترك
وهل صادفت معاك مشاكل يعني لمبه تطفي شي ,,
وهل عليها ظمان وبس

هههههههههههههههههههههههههه
والمقطع طلع شطحه اليمه = وتم تعديل المقطع لعيونك

تحياتي لك ,,

**شعول البقمي** · 13-11-2011, 01:58 PM

المشاركة الأصلية كتبت بواسطة mjooody

سوال الاكورد الي في المقطع 6سلندر ولا اربعة سلندر

سته الظاهر

**Classic Design** · 13-11-2011, 02:13 PM

^^^^^^

هههههههههههههههه أنا حسيت أن المقطع جاي بالغلط :d

على العموم حبيبي بالنسبة لمحلات الزينة ويقولك لازم توليف ،، لا يهمك

حنا وش بلانا غير محلات الزينة و أبو يمن

أنا قلت لك و أقولك يركب على طول دايركت بدون قص ولا ترهيم ولا شي ،، فك و ركب بس

بالنسبة للمقطع ،، اللي انت منزل هذا واحد معانا هنا بالمنتدى و هذا نفسه الزنون اللي أقولك عنه

الرجال اشتراه عن طريقي قبل سنة تقريبا

**شعول البقمي** · 13-11-2011, 02:57 PM

دوم الضحكه :o ,,
طيب يالغالي لونه ثلجي ولا وش ,,
والشي الثاني لو تلاحظ في المقطع ان الزينون يصير عليه تدريج
يعني من قوة الى خفيف هل هو اللي يتحكم فيه
وانا ابيه فقط على العالي
واللي عندك هل عليه ظمان وكم سنه

**Classic Design** · 13-11-2011, 03:09 PM

لونه أبيض ناصع تقريبا

بالنسبة للتدرج اللي بالمقطع هذا من الكاميرا نفسها مو من الزنون

بالنسبة للضمان ،، لمعلوماتك فقط الزنون الأصلي مايجي عليه ضمان لا للمحولات ولا اللمبات

لكن أنا من واقع تجربه أضمنها لك سنة كاملة ( و متأكد انا انها تعيش اكثر و اكثر ) و مستعد ابدلها لك بجديدة لو حصل أي خلل لا سمح الله

أنا الحين لها 3 سنين و نص تقريبا و الحمد لله مايرمش ولا يضعف ولا تغير لونه ،، أخو الجديد ماشاء الله تبارك الله

تحياتي لك

**كوكو2009** · 14-11-2011, 12:29 AM

الى اعرفو ان الشمعه الاصلي تجي مقاس واحد .. ds2 , dr2 وماتركب الا بغراء

اذا عندك شماعات اصلي معدله لمقاس 9005 للعالى عطني خبر على الخاص

**دنيآ الغرور** · 14-12-2011, 07:53 PM

أنا شريت زينون فكس آر أصلي وعلى كلام البائع انه نفس الي بالفكس آر بالضبط ولو وجدت اختلاف رجعه

والحمد لله من اروع مايكون وركبته بدون لاتوليف ولا شي !

لكن الموضوع يكمن بان الشمعة حقت الوكالة تجي مقاس دي 3 مدري وشو المهم مو مخصصة للاكورد

وفيه ناس يولفونها بحيث تركب مثلها مثل الوكالة وهذا الي عندي

لكن السؤال هنا محول الفكس ار الدنسو يجي اسود ولا فضي ؟؟

**غاب القمر** · 15-12-2011, 03:09 PM

والله شوف ياولد العم انا مركب بالعالي .. وماشاء الله تبارك الله ياويل اللي يكشح في وجهي

الاجهزه هو الدينسو الاسود ... وشمعات هاريسون توشيبا d4s

وركبتها بغراء طبعا .. لكن عند واحد فنااان بمعنى الكلمه

ماحبيت ارهم بالشمعه واغير قواعدعا عشان اضمن انها تعطيني اقوى اداء

^^^

طبعا سويت كذا بسبب تجربه سابقه وللاسف ماكملت الشمعه اسبوعين الا وهي خربانه كل شوي تطفي

الاجهزه من دبي اخذتها بـ 500 ريال .. ومع شمعات افالون تقليد

الشمعات الاصليه طلبيه من امريكا.. واذا تبي شمعه جاهزه بقواعد 9005 للعالي.. شوف كلاسيك ديزاين اكيد عنده

وهذا فرق بين الصيني والاصلي الفرق في قوة الاضاءة

الموضوع: مطلوب نور زينون فكس ار ^_^

أدوات الموضوع

عرض

مطلوب نور زينون فكس ار ^_^

المواضيع المتشابهه

مطلوب زينون اصلي

مطلوب زينون أو شكمان

مطلوب انوار زينون

مطلوب زينون

مواقع النشر (المفضلة)

مواقع النشر (المفضلة)

ضوابط المشاركة