بما اني اول وااااااااحد يرد لازم تسويلي خصم <<<<< لا ياااشيخ
على العمووووووم نقوووول 1200
السلام عليكم
آيبود فيديو 80 قيقا اسود .. شاريه قبل شهرين او اقل
و استخدامي له قليل .. باختصار الجهاز شبه جديد
و اغراضه كامله و بقراطيسها ما فكيتها
فيه تقريبا 20 قيقا افلام و مسلسلات اجنبيه
وصل سومه لحاله بموقع ثاني 1050 ريال
---------------------------
وصلة آيبود USA SPEC PA11-HON2y
طلبيه من النت .. مستخدمها تقريبا 9 شهور
و اللي بيطلبها جديده الحين بتكلفه بحدود 650 ريال
--------------------
مساكه للايبود للجوال و اجهزة الملاحه الصغيره
شكلها حلو و ضابط مع الديكور .. و تقدر تعدل عرضها على كيفك
طالبها من النت قبل 3 شهور .. بس انها جديده ما ركبتها
مكلفتني تقريبا 220 ريال
-----------------
جميع القطع للبيع مع بعض لاعلى سوم
بما اني اول وااااااااحد يرد لازم تسويلي خصم <<<<< لا ياااشيخ
على العمووووووم نقوووول 1200
إلا عندي لك فكره حلوووووووة مره
وش رايك تبيع الآيبود ووصلة الآيبود وتعطيني الحامل هدية هههههههههه
لأن عندي الآيبود وعندي الوصله بس ناقصني الحامل وانت الحين فككت كل عدتك وانا برجع بعد فتره بركب عدتي
تراك صديقي
وتقبل تحياتي
اخوك
عبدالله
wald 3rb
سومه طيبه من وجه طيب اخوي
لكن ما هي حق الاجهزه و الله
نشوف سومات باقي الشباب
Accord V6
خلاص بما انك صديقي بعطيك الحامل بـ 300 ريال بس :d
لا جد و الله اذا جيت للرياض و الحامل ما انباع .. اعطيك اياه بسعر حلو اذا تبيه
لو فيه احد غيرك يستخدم السياره يقدر يستخدمه للجوال او اي شي ثاني
ما هو مخصص للايبود بس
اباخذ منك الوصله ب350 ،،،وانا بالرياض
بس فيه سؤال ،،التحكم من الايبود والسيدي بنفس الوقت ،،،اذا ركبتها على سيدي واحديركب على طول
التعديل الأخير تم بواسطة ل م س 3 3 4 ; 17-11-2007 الساعة 04:15 PM
يالله انا باخذه 1250
مع اغراضه
قول تم :d
قيمة الأغراض : 1050 + 650 + 220 = 1920 ريال ..
لو انا منك يا accord 06 ما ابيع بأقل من 1700 حتى لو احذفهم بالبيت
على العموم الله يوفقك بالبيعة
Honda Inspire : The other face for German Currency
الهادف والله من التخريب خربت علينا البيعه :d
خلاص الوصله راحت يا شباب .. اخذها عضو اليوم العصر
باقي الايبود و الحامل
المشاركة الأصلية كتبت بواسطة الهادفالمشاركة الأصلية كتبت بواسطة الهادف
الله يسمع منك :d
الايبود 1050 ريال سوم .. و الجديد اعتقد بحدود 1350 ريال
الوصله الجديده بـ 650 ريال .. و اللي عندي مستخدمه 9 شهور
الحامل جديد و مكلف 220 ريال
طيب خلني احسبها
150 ريال القطعه + 100 ريال شحن = اغلى من قيمة القطعه جديده
تصدق مافكرت كيف توصل
خل نشوف الشباب اللي بالرياض كان واحد وده يجي يسوي معنا تجمع بالشرقيه هالويكند :d
والله مدري ابشوف الشباب وارد عليك وان كان حد يبيها قبل لارد عليك عليه بالعافيه:d
فوتكووو بعافيه
التعديل الأخير تم بواسطة Accord 4 EvEr ; 19-11-2007 الساعة 12:03 PM سبب آخر: كنت ابجيب العيد
اقول شايفني هندي تبي تبيعه علي بـ 300 ريال
انا قلت لك هدية قل تم لاتردني
لكن تدري خلاص زعلت الحين بسوي Order لواحد جديد وارخص من اللي تبي تبيعه علي :p:p
برررررررررررررررررب بروح اطلب لي قاعده <<<<<< نصااااااب
لا امزح معك انا ما احتاج الحامل لأن تواجدي بالرياض بيكون ان شاء الله شهر وراجع بريطانيا فما احتاج الحامل والله يوفقك في بيعه كل اغراضك
اخوك
عبدالله
انا ارسلت شمعات الاكورد الثنتين من الرياض للشرقية بالفيدكس .. بـ 60 ريال ((شوف الحجم والوزن ))
فية شركة اسمها زاجل ...
توصل كرتون حجمة وسط لأي مكان بالمملكة بـ 10 ريال ...
وبعدين زي ما انت عارف .. فية واحد من الاعضاء .. تمسك معة يطلع الشرقية ويرجع بنفس اليوم ..
Accord 4 EvEr
شيكت عليها .. للاسف ما تركب على الفورد
Accord V6
آمين .. و ياك ان شاء الله
مشكلتك انت اذا عصبت ما ترحم :d:p
كوكو كورد
يعطيك العافيه يا مصعب
بس ممكن توصف لنا مكان مكتب زاجل
وانت طالع من وكالة هوندا (( الخالدية ))
الوكالة بتصير على يمينك ..
اطلع ..
ديور .. (( بتجيك الاشارة وعلى يمينك محطة والكوبري على يسارك ))
امش سيدة بعد الاشارة..
بيجيك الدائري الجنوبي ... (( يمين تطلع علية ويوديك على الدائري الغربي )) ويسار يطلع على جامع الراجحي والعيال اللي هناك ))
المهم انت اطلع يمين بيجيك مكتوب مكة المكرمة ..
خلك في الخدمة لأن المكان قريب ..
بيجيك على خبري مسجد ..
وبعدة حوش مكتوب علية (( الزاجل لترحيل البضائع ))
ازين شي انهم رخيصين ..
عيبوبهم ..
الاهتمام بالبضاعة مش ولا بد ..
للأحتياط : غلف الشي اللي بترسلة بأسفنج او اي شي اخر ... وحطة في كرتون ...
يعطيك الف عافيه يا مصعب
من اول ملعوب علينا بـ فيديكس و ارامكس
up
الايبود و المساكه ما زالت موجوده يا اخوان
الوصله اشتراها مشرفنا كوكو كورد
الظاهر انها من نصيب Accord V6
اللهم اغفر له وارحمه . وعافه واعف عنه . وأكرم نزله . ووسع مدخله . واغسله بالماء والثلج والبرد .
ونقه من الذنوب والخطايا كما ينقى الثوب الأبيض من الدنس . وأبدله دارا خيرا من داره . وأهلا خيرا من أهله
وقه من فتنة القبر وعذاب النار
وانا لله وانا اليه راجعونرحمـــك الله يا " صلاح الغامدي "
http://slah-alghamdi.com/Quran/
ترى مازلت اكرر لك اقبل الهدية ( المساكه )
واذا ماتبي تعطيني هدية :d:d
تبيع بـ 30 ريال وجاد جداً بالشراء بعد اسبوع راجع السعودية ان شاء الله
:p:p
قطعتك معك وفلوسي معي فكر باالموضوع واذا في نصيب شريتها منك ياحلو
اخوك
عبدالله
التعديل الأخير تم بواسطة Accord V6 ; 28-11-2007 الساعة 10:07 PM
^^^
اقول عسى ما تكلفت بس :d
اعطيك اياها هديه و لا ابيعها بـ 30
اقول شيك على الخاص بس << فيه مفاجئه لك :p
^^^
هذا و انا طالبك رابط الموقع بس .. تبي المساكه
اجل لو انا طالبك الدرج كامل وش تبي تطلب ؟ .. اكورد كامله مثلا ؟ :p
مواقع النشر (المفضلة)