طيب ممكن تحط صووووووورة لو سمحت !!!
السلام عليكم ورحمة الله وبركاتة ؛
عالطول وبدون مقدمات ؛
شاشة سيارة تركب على هوندا مكان الدرج وتقدر تركبها على أي سيارة تبي
:: الشاشة نوع أوبرا ::
:: الصنع صينية عليها ضمان سنة (( الضمان ما يشمل الكسور أو سوء الإستخدام )) ::
:: مواصفات الشاشة ::
1- تشغل Dvd.
2- تشغل Cd .
3- الشاشة تعمل باللمس .
4- ريموت كنترول لتحكم عن بعد ويوجد أزرار جانبة لتحكم اليدوي .
5- Tv (( القناة الأولى + الرياضية )) .
6- تشغيل جميع صيغ الفيديو المشهورة + Divx .
7- بلوتوث للمكالمات الصوتية كما بالإمكان تشغيل المقاطع الصوتية من الجوال مباشر وتشتغل توماتيك على السماعات .
8- منفذ Gps للملاحة . (( بس تحتاج تركب قطعة قيمتها حدود 600 أو 700 ريال ))
9- منفذ Usb لتشغيل الفلاش ممري.
10- منفذ قارئ ذاكرة جوال .
11- راديو .
12- تستطيع تشغيل الصور الثابتة والمتحركة .
13 - الشاشة كرستال (( يعني تشوفها من كل الإتجاهات + تكون واضحة في النهار ))
14 - شاشة متحركة .
15- تستطيع تركب شاشات إضافية للمقاعد الخلفية .
هذا اللي أذكره من المواصفات الرئيسية غير المواصفات البسيطة مثل (( عرض الساعة والتاريخ .. عرض الصورة على أربع أتجاهات .. توزيع الصوت وزن الصوت وأنظمة العرض والألوان .. وغيرها ))
:: مدة استخدام الشاشة ::
(((( يومين فقط )))) قد يستغرب البعض ليش ابيعها بصراحة مضطر ابي قرشين هاليومين
واللي ما يصدق بدله عالمحل ويسأله
:: السعر ::
أنا شريتها 2350 ريال وسيمة 1600 ريال وأنا ما نيب بعيد أبغى فيها 1700 ريال عايقتني هالمية
اللي يرغب في شرائها يراسلني عالخاص عشان أعطيه رقم الجوال .
.
.
طيب ممكن تحط صووووووورة لو سمحت !!!
صورة للشاشة الله يخليك
وهل هي إللي تجي مخشبة أو وحدة ثانية ؟
قصدك تركب على الأكورد محل الدرج ؟
الراجاء الرد على الأسئلة .
والله اشوف انها فرصة للي ناوي على شاشة
الله يوفقك اخوي ويسهل أمورك
ويبارك لك وللمشتري
أخوي أكورد 764
بحاول أضيف الصورة قريباً ..
(( هي غيرالشاشة المخشبة ))
المخشبة لازم يجي معها جهاز مشغل Dvd تركبة في الدرج الجانبي ولا فيها كل هذي المواصفات بس تشغل Dvd + Mp3 + Cd ومو متأكد هي لمس ولا لا .
الشي الثاني المخشبة ماهي مثل مايقول البعض أنها من الوكالة بل إن شاشة الأوبرا أفضل بكثير منها من ناحية السعر و المواصفات والجودة
ايه يركب مكان الدرج اللي فوق الطفاية
:: نسيت أضيف شيئين مهمين ::
(( حبيت أضيف شغله اللي هي أن القاعدة والديكور من الوكاله وطبعاً يجي لونها أسود وبالإمكان تخشيبة عند أي محل تخشيب وهي هدية مني للي راح يشتريها لأني ماراح أستفيد منها بعدين ولا يمكن تثبيت اي شاشة في الأكورد إلا بالقاعدة والديكور ))
وسعرها راح تلاقيه ما يقل عن 300 ريال .
يعني ياللي بيحسبها مع الديكور يلاقيه 2650 ريال وأنا ما شريت هو جاي مع مسجل السيارة يوم شريته من الوكالة وهو هدية مني للي بيشتريها.
::: الشغله الثانيه المهمة :::
(((( السعر شامل الشاشة مع الكيمرا ليلي (( لا تتأثر بالماء عند غسيل السيارة )) ))))
.... أظن أنها فرصة ما راح تتكرر للي جاد وناوي يشتري ....
التعديل الأخير تم بواسطة محب هنادي2007 ; 04-12-2007 الساعة 12:00 AM
يليت اخوي
لو تحط لها صور
وان شالله نتفاهم
أخوي محب هنادي 2007 ياليت بس تحط صوره للشاشه
ومن وين انت وانشا الله اني شراي و أنتظرك....
الصورة لمن طلب الصورة
وأعذروني يا شباب ترى التصوير من جوال
أبو وليد أنا من الرياض لكن ما عندي مانع أبيع الشاشة لواحد برى الرياض إذا كان جاد مرة علشان ما أطق مشوار ويهون ..
.
.
طيب بالنسبه للتركيب فيه تقطيع و فك للمسجل وحوسه
..
....
لا تزال يا شباب الشاشة معروضة للبيع حتى الآن
والله حرااااااااااام عليكم تطوفونها شباب انا مركب شاشة ولومومركب اجيك من الكويت واشتريها منك وانا مغمض الكاميرا لوحدها قيمتها فوق الـ450 ريال وديكور ب300
اللة يوفقك ونصيحة اذا مالقيت شراي فك المسجلة وعدتها واعرضها بمحل مسجلات او زينة معروف وتعرفة وبتنشال بيوم واحد وبأعلى من سعرك
حبيت اضيف معلومه( بعد اذن صاحب الاعلان )عن تقطيع الاسلاك فيه قطعه في الغرابي سعرها 50 ريال او 60 ريال اضافيه علشان مايقطع من اسلاك الوكاله
تم بيع الشاشة ..
.
.
.
انتهى
مواقع النشر (المفضلة)