للجادين فقط ..:: هوندا اكورد 2006 للبيــــــع ::.. العداد 67000 الف كيلو فقط

اخواني اعضاء منتدى نادي محبي هوندا .. الكرام

السلام عليكم ورحمة الله وبركاته

راح ابيع سيارتي هوندا اكورد 2006 الون لؤلؤي فل كامل 4 سريندل ..
العداد ماشي 67,500 كيلو الى اليوم
اسباب البيع اخواني والله يشهد على كل حرف راح اكتبه لكم ..
أولآ انا من رواد الهوندا من موديل 2002 ثم 2005 ثم 2006 وكان اعجابي بالهوندا وحبي لها
هو سبب عدم تغييري للهوندا .. والان خلاص طابت النفس لما نزلت سيارات من ماركات مختلفه
وهي جيب .. لان الجيب عز مثل ما قالو .. << نوى ع التطعيس خلاص خخخخخ
المهم حبايبي الحين بقولكم وش فيها ووش صار لها ووش مركبه فيها بكل صدق
أولآ راح تسألون عن البودي هل هو نظيف او جاته صدمه .. البودي جته صدمه خفيفه واليكم الصور
طبعآ الصور كلها هي نفس الصدمه بس للتوضيح من عدة جهات ..





هاذي هي الصدمه تقدرو تقولو شي مقدر ومكتوب من عند الله .. طبعآ الي صادمني قاطع اشاره
الله يسامحه خرب علينا الاجازه .. المهم الحين
بعد الحادث كان بالجنوب والي ذبحني ان هوندا بالجنوب خدماتهم الله يكرم السامعين زفت زفت
ماعندهم ورشه فقط قطع غيار وطلبيه من جده بعد تنتظرها .. المهم رحت لهم وطلبت
1- صدام امامي
2- كبوت
3- رفرف يسار
4- قاعدت نور ايسر
5- كلبسات صدام

اما الانوار والشبك مثل ماتشوفو كنت مركب تجاري .. جبت شبك بلدها وانوارها معي بالبيت محتفظ بيها مع العدد من القطع الي مغيرها ..
بس المشكله الي واجهتني السمكري الي يضبطها .. وانغريت بواحد تركي المشكله هو افضل واحد بالمنطقه .. ووصيته يضبط لي السياره ولا قلت له كم المبلغ .. وقلت له المبلغ ( .. مفتوح ..)
تدلع انت بس اضبطها لي لا اوصيك وما لك الا واحد يعطيك حقك وفوقه زود يبيض الوجه ..
لاكن للأسف تفاجأت بأن شغله اي كلام .. رش السياره وطلعتها بليل .. وسافرت للرياض
ولاحظت انه ما رش ..(( الكر )).. الي هو لمعة البويه .. وحقدت عليه 1000 والله بس خلاص هذا الي مكتوب لي من الله وانا راضي بيه .. اقدر ادخلها الوكاله والا فيه ورشه افضل من الوكاله
لاكن فضلت ابيعها لان النفس طابت يوم انصدمت .. وحبيت ابيعها على ماهي عليه ..

طبعآ ..
(( جنوط بلدها وكفراتها موجده عندي ولا مشيت عليها الا 2 كيلو )) ..
وعندك الدرج الي تحت المسجل مركب مكانه شاشه دي في دي صوت وصوره
(( والدرج شد بلد موجود عندي )) ..
تكايات الراس مثل ماتشوفو بالصوره مغيرها ..

مركب لها تكايات رنج روفر الرياضي طلبيه اخذتها .. وليست تفصيل مثل الي تباع بمحلات الزينه
تكايات بلدها غير متوفره لدي .. وان لابد منها راح اشتري لها من الوكاله بالفواتير ..

بالنسبه للمكينه والقير والعده الي حولها كلها سليمه 100 % وع الضمان والشرط
مركب فقط قطعه مزوده للسرعه صغيره جدآ تركب في ضغط الهواء الي طالع من المكينه
لها سلكين احمر واسود طالبها من امريكا طلبيه بـ 1500 ريال .. ميزتها زيادة 30 حصان فقط
وموفره لإستهلاك البنزين والفرق بين اول وبعد ماركبت القطعه واضح من دعست البنزين
ولا لها تأثير ابدآ ابدآ والتعليمات موجوده لدي ضمن الفواتير ..

وعندكم الأن الشي المميز الي مسويه للمسجل .. طبعآ شد بلد تركب 6 اسطوانات سي دي
ومركب اجهزة وسستم مضخمات للصوت كلفتني مبلغ 5500 ريال .. ومع الضمان على كل شي

اليكم الصور صورتها والوضوح مو كافي بس يفي بالغرض لانه بليل صورتها ..
الصوره الاوله (( صندوق السستم زجاجي وبداخله 4 سماعات كبيره واصليه )) ع الشرط

هذي صوره قريبه الصندوق جزئيين كل مربع فيه سماعتين مثل الصوره

وهذي صورة للجهاز الأمبر فايف الأوفر مضخم الصوت النوع سوني اصلي

المبه الحمراء تضيئ عند تشغيل المسجل على الاوفرات .. كما في الصوره

والصوره التاليه بالاسفل شكل السماعات الداخليه وهي عدد اربع سماعات
من نوع ممتاز واصلي ومضمون ولو ماتبي تشغل الاوفرات هذي السماعات
تغنيك بصوتها عن الاوفرات نوعها كلير وتركيبها ممتاز مره ..


وهذي الصوره عبارة عن (( زرار التشغيل الاوفرات ان رغبت يعني الفاصل ))

اذا تبي تشغل السماعات الداخليه فقط تضغط ايقاف .. واذا تبي تشغل السستم كامل وتبي رجه
اضغط تشغيل فقط .. وفيه اجهزه صغيره مركبه لمنع التشويش وسماع صوت دعست البنزين بالسماعات .. والتوصيلات كيبل مقاسه 4 مل قوي جدآ ونوع ممتاز مع محول بجانب البطاريه لتنظيم وصول الكهرباء للأجهزه ..

(( وهذه فاتورة السماعات والاوفرات والقطع ))

.....................................

طبعآ الشغل مضمون 100% ولا راح تطلع اي ملاحظات على الشغل لان (( مركز احد ))
ما عليه كلام ومعروف حتى لدى اهل جده ومع الضمان يركب لك والضمان ماله فترة محدوده
يقولك اي وقت تحصل مشكله انا هنا موجود حياك الله ..

التسليك مخفي ومنظم تنظيم ماعمري شفت مثله وكثير محلات بالشرقيه وجده والجنوب
تشهد على هذا الشغل وانه شغل رجال متفنن بشغله ..

ع العموم اخواني مبي اطول اكثر من كذا ..

مختصر اقولكم ..

الي يبيها بحالتها الراهنه الله يوفقه ..

والي يبيها شد بلد بدون هالامور ماعندي مانع .. فقط حبيت اوفر على اي شخص يبي
هالامور ويحبها لان شغل مضمون 200%

طبعآ انا ماسمتها ابد والله .. السوم عاد عليكم وحبيت اعرضها هنا لمحبين الاكورد
افضل من ان اعرضها بالمعارض للشريطيين ..

وصدقوني ماهمتني الفلوووووس ابد والله .. الي همني ان الي يبي يشتري هوندا مستخدمه
لايتردد لانها على يدي انا والله من الوكاله ومحافظ عليها اكثر من نفسي لان الاكورد غاليه علي
وفعلآ سياره تنحب .. ووالله يعلم ان غرضي من البيع هو اني راح اترك السيارات الصغيره نهائيآ
وراح اشتري جيب .. والله يشهد على كلامي ...

للمفاهمه ارجو مراسلتي على الاميل للجادين فقط يا اخوان


الاميل برقم لوحة السياره راح اعطيه الي بيكون من نصيبه البيع :d
وبالتوفيق لكم جميعآ ..