عاجل جدا...... تكفون يا شباب كم تسوى السيفك 2006
السلام عليكم جميعا
حصلت سيفك 2006 ماشية 49000كيلو م
اللون لؤلؤي
قير اتومتك
نظيفة بس صداماتها مرشوشة قدام و وراء
كم تسوى ياجماعة الخير
يبي فيها 40000ريال وش رايكم
اللي يعرف لا يحرمنا وله منا جزيل الشكر والدعاء جزاكم الله خير
يا خوي من رأي
تحط 40.000 هذي في هوندا سيفيك 2008 جديده
خذها اقساط
40.000 الف دفعة اولى مره مره ممتاز
ما يأخذوا عـليك أرباح واذا ياخذون ارباح بتكون مره مره قليلةاحتمال 300 ريال
والباقي كل شهر 1500 ريال خـلال سنة مخلص من التقسيط
مع العلم إن سعر السياحية 58 الف
نص فل اوبشن 62 الف
فل اوبشن 68 الف
وبالتوفيق
المشاركة الأصلية كتبت بواسطة أبو الريش
يعني تشوف ان 40000 كثيرة عليها
المشكلة عندي اقساط ولا ابي ازيد الاقساط اقساط
جزاك الله خير
بصراحة انا اشوف هذا السعر شوي ثقيل عليها
السيارة صار لها سنتين وماشيه واجد حوالي 49.000 كلم
ماشيه واجد
انا بستفسر مع عمي
واعطيك خبر كم تجيب له
أهلا وسهلا اخي دايما مستعجل
انا كلمت عمي قال ليي بالنسبة لسيفك 2006 أسعارهم في هذا الحدود
لكن المشكلة ان السيارة ما شيه واجد خـلال سنة ونص 49 الف كلم واجد السيارة ما تستاهل هذا السعر
قيمتها المعقولة توصل 33 الف
وقال ليي اذا خويك (شاطر في الشغلة )
يقدر يوصلها مـعاه 31 او 32 الف
------------------------------------------------
للأن يوم شرحت له السالفة
جاب لي مثال لسيارته هوندا اكورد 99 السيارة وكالة قيمتها كانت 58 الف (السيارة بدون مواصفات بس جنوط)
صارت عنده من 99 الى 2004 وكانت نظيفة
في سنة 2004 صار له حادث قوي شوي( الله يكفينا شر الحوداث)
واجهة السيارة الأمامية راحت وبالإضافة الى الأكياس الهوائية طلعت
ويوم عرضها للبيع وهي مصدومة جابت لها سعر 32 الف
مع العلم السيارة صار لها 5 سنوات و مصدومة
تدري لـيش؟
للأن كانت ماشية 51 الف
اي ان خـلاصة كـلام عمي ان مشي السيارة له دور
فاعمي يقول ان السيارة ما تستهال هذا السعر وماشيه 49 الف
وبين سعرها بهذي الحالة
و الخيار الأول و الأخير راجع لك اخي العزيز
وآسف عـلى الإطالة
ولك جزيل الشكر
تحياتي
اخوي ابو الريش جزاك الله خير وما قصرت انت وعمك
وكثر الله من امثالك
وفيت وكفيت
وما نستغني عن اي نصيحة من الاخوان الزوار الكرام
ضوابط المشاركة
مواقع النشر (المفضلة)