الموضوع: طفا في طغا بصراحه وش الحل

بسم الله الرحمن الرحيم
السلام عليكم ورحمة الله وبركاته
وبعد ماشفت الويل البارح وقبله ياشباب رحت لم المعارض بس وش اقول وانا داخل البارح وقبل البارح في معارض الرياض بحي النسيم ولاها مليانه من ربع ابو عيبد العزٍيزٍ وانا دار راسي وادورلي هوندا صرت اسميها خوندا من الدوران يمين يسار فوق تحت اشويت صوت خخخخخخخ والاسعار فوق شاطحه في السما لقيتلي 2004سبشل هي تقريبا انظف 2004لقيتها بكم يالغالي ويصكني في وجهي ب44000الف ياولد عدل بدل بس الموتر يفشخ الوجه نظيف بس عيبه اللون فيراني وانا مايعجبني الغامق من جوا لأن نفسي بلؤلؤي بصفته سيد الوان ال ACCORDوانا الي القى 2005بـكم يابو يمن قال بـ56000 ياعـــــــــــــليٍ خرجلوه المفتاح خليه يشوفها قلتله وجع لو انها 2006 سبشل والارباق طالع بعد قالي فل كامل ياعلي قلت ريح معليش المهم شفته ماهوب حولي وقالي سوم ياجني قلت جني يسكنك ان شالله ب43الف قال وين بعيد جدا جدا ياعلي قلت اجل خلها عندك وتفرج عليها والقالي 2004 بس لونها مايأهل ذهبي سياحي بدي خذ بدي بس يوم عطيتها الدي قامت ترج علي قلت ريحي معليش وزقت معي ويالله طلعت من هالمعارض الى بعد صلاة المغرب واصل بيتنا والله يتوب علي يالله يالله صليت العشى وهي التاديبه ينوم في بيت الشعر من التعب مادريت الى الساعه ثلاث الفجر الناس نامو وانا توني صاحي وبكرى جامعه ودوام والحاله حاله خلها على الله وهذاني يالله اشوف الدرب هالحين قلت ابختمها بالموضوع هذا والله يوفق الجميع .

أخوكم الاصغر
شايل الظبي