ماهي السيارات التي ملكتها منذ ولادتك .. !!
.
.
.
.
.
السلام عليكم ورحمة الله وبركاته ..
حياكم الله شباب ..
كيف حالكم ان شاء الله طيبين ؟؟ ..
شباب في هذا الموضوع نبي نتكلم عن السيارات الي قد جت معك منذ ولادتك :d ..
طبعا بصراااحة لايجي واحد ويقولي اول ماسقت كان معي لكزس ولا بانوراما :p ..
عادي انا عارف الوضع يعني من اول حدنا ددسن ولا L 200 هع هع :) ..
ولا كرسيدا ولا ألتيما القديمــه هع هع :cool: ..
المهم أنا أبدئ أول واحد واتمنى اي واحد يدخل يقرى الموضوع لازم يرد ولا ترى بزعل عليه ..
طبعا انا سقت السيارة وعمري 16 سنة وكان معي ددسن 84 في البيت وكنا شارينه وكالة من زمااان ويقول الوالد شارينه ب 9500 ريال الله يديم الرخص والله المواتر من اول بلاش طبعا هذاك الددسن مافيه شارع الى فحطت فيه ولا فيه بر الى دخلت فيه ولا فيه واحد الى دعى علي :mad: .. (( طبعا انتهي به المطاف وخبطت مكينته )) ..
وبعدين شريت ددسن 98 وعمري 17 سنة غمارتين وبرضوا نفس سالفة ال 84 لدرجة اني مامشي فيه الى وادعس البنزين كله .. الله يرحم جدتي كانت اذا ركبت معي اصاقط فيها واذا سمعت صوت الجرس قامت تترجاني هد السرعه يالمهبوووول هع هع ;) .. (( وانتهي به المطاف وخبطت مكنته هع هع شهيد الواجب لحق خويه الأول )) ..
وبعدها قلت لازم اشتري موتر قوووي وكان عمري وقتها 18 قلت وش اقوى موتر وش اقوى موتر قلت مالك الى الماكسيما هع هع .. وش اسوي ابي مكينة صح واخذ الوالد وادخل ع الوكالة قلت ابي ماكسيما المهم قام يبربر راعي الوكالة وفيها وفيها قلت مايحتاج تكمل انا ابي ماكسيما قالي تعال اركب فيها شوفها قلت مابي ابي ماكسيما لدرجة اني ماركبتها والى ادري عن داخليها الى بعد ماشريتها هع هع .. والحمدلله شريتها وبعد شهر من شرائها توني اعرف ان فيه فروق بين ال 2003 وال 2004 ..... اسمع بشي اسمه ماكسيمااا هع هع .. (( الحمدلله الى الان موجوده الله يخليها لي ولا تلحق الي قبلها امين امين ..)) ..
((((( شباب الله الله في الردووووووووووووووووووووووووووووووووووووووووووووود .. ))).
.
