وش السيارات اللي أمتلكتها قبل الهوندا؟؟ نرجو المشاركه من الجميع

اول سيارة جتني وكانت قبل الاكورد اللي معي الحين ..


كان معي باث فايندر 2003 مقلوب 2005 فضي فل كامل ..

آهـ بس راح وراحت ايامي معه .. انواع الخرابات شريته مستعمل وماقعد معي الا اسبوعين والباقي 3 شهور مابين ورشة الوعلان اللي بالمصيف والوكالة .. في الاخير خسرت عليه 13 الف ريال .. لانه يطلع من خراب ونقول الحمدلله صلح .. يطلع لي من بكرهـ على طول خراب ثاني .. :( ..

يله الله يعين بس ..

وطبعا يوم بعته دورت دورت وبغيت اشتري التيما 4 سلندر فل كامل .. بس تعقدت من النيسان عموما .. مع اني الى الان اموووووت في شي اسمه باث ..


يعطيكم العافية ع الموضوع ..

انا كان عندي قبل السيفك اكوورد 97
وقبل لا ادخل في عالم الهوندا كان عندي
ددسن 180bالمعروف بـ Sss موديل 1983

السلام عليكم
انا اول سيارة اتعلمت عليها تويوتا كروان 87 رويال صالون و أول سيارة اشتريتها هوند بريليود 83 جلست معاي 3 سنوان وشريت بعدها بريليود 98 والحين كامري 99 بسبب الظروف لكن الهوند راجع لها

والله الموضوع حلو ,,

انا بالترتيب

- كابريس م 91 (صابونه)
- فولفو S40 T 2001
- رجعنا للكابريس واعلمكم السبب ( المرفقات )
- كراون تويوتا م 95 ( وراثة )


وان شاء الله قريبا 2007 اكورد

انا كانت سيارتي كامري موديل 2000
بعدها شريت أكورد 2007 ولله الحمد :)

السلام عليكم
اول شئ اشكرك على الموضوع الرائع
انا كان عندي سفيك موديل 2005
والحمدالله ذحين عندي سفيك موديل 2007

اخوكم / عبودي

:d انا كان عندي سيفك 96 رقم 2 ماشي 300 الف وشي بعتها بسبب كثر خرابها واشتريت سيفك 2007 اسبشل

أنا معي الآن أكورد 2000
وابشتري أكورد 2008

واخوي معه أكورد 2005

:cool:

سلام عليهم...:rolleyes:

قلبت المواجع وانا اخوك....:(
قبل الهوندا كان معي هايلكس 2004 كانت اول سياره اخخخخخخ يازمن...
قعدت معي حول ثلاث سنين (ايام الثانوي كلها)
وحدث ولاحرج من اللي جاها مقاومات وترهيم وشغل عدل بس الحمدلله ماجاها تفحيط لاني ماكنت افحط;)
جاها من التطعيس والمجاكر ما الله به عليم وقبعت عليها كم مره بس كان الهلي معي معي زي الفل ما اذكر اني غيرت فيه الا الزيت والفحمات والكفرات والسيفون وديته مره او مرتين للوكاله
اشهد اني الهلي سياره
وبعدها تخرجت من الثانوي وقعد معي الهايلكس ترم وانا في الجامعه وكنت احتري موديل 2007
ونزل 2007 وكنت ناوي التيما سته سلندر قير عادي ناوي مجاكر وتفقيع بس مانزلت قير عادي قالو اوتو بس
وشارو علي كثير من العيال والاهل بالاكورد :cool:وتمت الشريه بحمدلله
وماتندمت عليها صبوره وحقت كرف
وتطرح الاتيما السته سلندر اوتو;):p
والله يبارك لي فيها
ودمتم سالمين:rolleyes:

السلام عليكم ايه والله قلبت المواجع
(((((( والله من الافلام اللي بجي )))))
بسم الله
1-اول سياره تعلم فيها كبسوله حقت ابوي والله ياهو قيره ثقيل
وكنت صغيرون كان عمري 14سنه
2-ثاني شي طبعا توني ماشريت سياره وكنت اسرق سيارت اخواني ونقزها بالسكينه :d
ددسن وماركيز هع هع مره صادني اخوي وانا البق الموتر عند الباب:eek:
<<< تراه ماجاه تهزيء ذاك اليوم:mad:
هههه ويقول اخوي وانا اقولك وشفي البنزين ينزل الربع وانا مفلله هع هع هع
3-ثالث شي تم وبحمد الله شراء سيارت الاحلام
فلفو 87 حقت الشرطه قديم تذكرونها
بس ياهي قويه
<<< تراه ماكان يحط علبتين زيت كل ثلاث ايام:eek:
والله ياهي دخنه:p
تطعيس-تفحيط-وانواع القشعات بس حديدها اوكيه
4-شريت ددسن موديل 90 والله انه موتر
5-بعدين شريت جمس 83 قير عادي شكمانين 450 المكينه:cool:
6-شريت اكسنت 2001 انواع التنطيل عليه
7- بعدين شريت برميرانيسان 2001
8 واخيرا اكورد 2004 ياحبيلها:cool:
واسف على الاطاله
سلملم

والله عن نفسي كان عندي كابرس 2002 اس اس

المهم اذا جا البرد يطلع معي اوكيه :cool:

بس اذا جا في عز الحر اسمع انواع الاصوات وكل شهرين يبيلك طرمبة بنزين

يعني اذا جلس شهر معي زين احب الارض يا شيخ يعني خسرنا عليه اكثر من قيمة شراه واخر شئ اتلها في طريق الملك فهد قشعة فيه ذيك القشعه الصدام علي الكبوت علي المكينه راحت وطي ومن عقبها طقينا نضر عيني الاكورد وامشي واباري الساس فيها

شكلنا طولنا عليكم بااااي:rolleyes:

السلام عليكم
أول ما شريت كان قبل 6 سنين وأنا بالثانوية BMW 325 موديل 1982 لون برتقالي وحطيت عليها السوبر شارج وحولت الماتور ل بيبي 27 .
بعدها قلبت فيها واشتريت ديهاتسو شاريد تيربو موديل 1993 وبعتها بعد 6 أشهر وأشتريت هونداي سوناتا موديل 1995 2000 سي سي لون أبيض وبعتها باخر السنه .
إشتريت بعدها ميتسوبيشي جالنت موديل 1992 وحولتها ل GTi مع تحويلة تيربو كاملة ودفع رباعي وكام شفطات دفعت دم قلبي عليها ووصلتها لقوة 460 حصان وبادلتها ب بيجو رياضية دفع رباعي حق راليات 206 .

وقبل سنه بعت البيجو ورجعت إشتريت BMW 325 ماتور أسود فينوس وعدلتها بالأردن كامل التعديل وكان موديلها 1991 .

وقبل 4 أشهر وتحت رغبة الوالد والأجبار بعتها وأشتريت الهوندا السيفك ويا ريتني إشتريتها من زمان ... وهذي قصة حياتي

السلام عليكم ورحمة الله وبركاتة

أول موتر جمس صالون موديل 1978 كنت في ثالث متوسط
دجيت من البنزين:mad:
بعده بكم شهر جمس صحن دفرنسين موديل1983 مكينة 450
نفس الحالة

بعدة هايلوكس موديل 90:7bteen:

بعدة هايلوكس موديل 99:7bteen:
كنت كاشخ فيهاعند الشباب

بعدة هايلوكس وكالة موديل 2000
كان عليها غبار الميناء اسبوع وانا جالس اناظر فيها من الوناسة
بعته بعد ماصدمته من قدام وجهيه 3 مرات

بعدة هايلوكس وكالة موديل 2002
كان توه نازل البخاخ لان الي قبل الموديل كلبليتر
قلبت بالتطعيس وبعتة بدون تصليح

بعدة كورولا وكالة موديل 2003 جلست معي شهر
من هايلوكس لكرولا :confused:

بعدة هايلوكس وكالة 2003:7bteen:
بعته مافيها ولا حكه

بعدة هايلوكس جديدة موديل 2004 بس هالمرة غمارتين
لان الوالد قال اذا انت تبي تغير السيارة غمارتين ولا مافيه
أخذه اخوي الي اصغر مني

بعده حوض جديد موديل 2005
وكان حلمي من يوم كنت صغير:201:
الموتر كان اخو الجديد بس للاسف احترق وقالوا فعل فاعل
الله لا يوفقه

بعده اكورد 2006 مستعملة شوي كانت ماشيه 5000 بس كنت ناوي اشري حوض ذاك الوقت بس واحد من الشباب شرا اكورد ودخلت مزاجي وشريته
على العموم توبه اشري صغيرة
8 شهور حطيتبه خساير السيارات الي راحن كلهن

اما الان فمعي 2007 جيب ربع (كبسولة ) على قولتكم
:7bteen::7bteen::7bteen:

وهذه قصتي مع السيارات

قد تستغربون من الهايلوكسات الي انا شريتها بس كان الوالد مايقتنع الا بالسيارة هذي
ما أذكر ان فيه سيارة شريته وبعته سليمة الا الكرولا و الهايلوكس 2003

هلا بالحلوين

اول سيارة طبعاً هي اللي تعلم عليها

ددسن عراوي موديل 76 في مزرعتنا البعيدة

وبعدها كمان ددسن عراوي موديل 97

وبعدها برضو ددسن موديل 98

وبعدها برضو ددسن موديل 2000 <<< مقطع الدداسن

الله يذكرها بالخير طبعا لكل ددسن لازم احط وسم اما في الرفرف

والا الوجهيه والا الصدام اللي ورا

وبعدها جيب Vx-r موديل 96 <<< يقدر القديم

والله يا جا صولات وجولات في طعوس الثمامة والمحليه

وبعدها تطورت شوي واشتريت افالون موديل 2001 على عزها

وبعدها كاااااامري موديل 2004 بس ما طولت معي :(

وبعدها اكوووور موديل 2006 وعسا الله يطول في عمرها

ويخليها لي ويخليني لها

اول شئ تعلمت على كريسيدا
وبعدين سرقت جمس ابوية وانكفشت
وبعدين سيفيك 2000 جلست يمكن اسبوعين او 3
يعدين ماكسيما 98
وبعدين اكورد 99
وبعدين اكورد 2000
وبعدين 2001
وثم اكورد 2002
وثم
اكورد 2004 و الحين 2005
وناوي على التغير الى 2006 او 2007

بما اني جديد في المنتدى بس احب اقول حكايتي :(
كانت معي هوندا سيفيك موديل 88 اخر حلاوة بس انكرفت مني ومن اخوي وكنت شهريا اعدل فيها بس صراحة والله سيارة ;)
لولا الله ثم السيفيك الـ88 ماكنت جبت الاكورد 2007 :cool:
الحين انا مشتري راسي ومرتاح مع اكوردي الله يخليها لي .
ودمتم سالمين

الهوندا سيارات في التووووووووووووب

انا كنت أتعلم السواقه في سيارات الوالد كرسيدا 91 ثم هايلكس 85 أقوى هايلكس على الاطلاق شفته ..ماشاء الله تبارك الله ..ثم هايلكس 2001 بقراطيسه وياليت ما اشتراه تعبان مرره ..85 اقوى منه بمراحل .

و اخيرا امتلكت الاكورد 2003 ...نعم بها تغيرت حياتي للافضل .


وبكل فخر أقول ان شركة هوندا قد امتلكتنى زبونا دائما في حياتي .

و أنا كانت أول سيارة امتلكها هي صني 2003

و مافي شي ما صدمته بيها حتى الله يكرمكم صدمت كلب بس خليها على الله

و ذحين سيفيك 2007 ما شاء الله

عندي سيارة مرسيدس 92 م وقبلها كرسيدا 96 م ولأن اكورد 2006 م

تحياتي / Kaka 22

اما انا فبدايتي كانت مع هوندا انتجرا 1992 اخضر فستقي اللون في ايام الكلية، و جلست معي تقريبا ثلاث سنوات ، اسبوعيا رايح جاي من جدة الى ينبع :aa_drive:(800 كلم) على الخط القديم (شباب الكلية مسمينها خط الموت علشان مسار رايح و مسار جاي و حوادث و وفيات على الخط):aa_mo9ab: . بس الحمدلله اني اتخرج و افتكيت من خط الموت ، واخيرا انشأت خط جديد عام 2002، المهم السيارة كانت قوية بالنسبة لمحركها الاربع سلندر 1.8 لتر ، كنت محافظ على المكينة والجيربوكس علشان تخدمني! بس المظهر كانه واحد جايبها من التشليح ، بعتها بدون تندا! (فتحة السقف) و بدون فحص بـ 3000 ريال فقط، و ماكنت ارحمها ،داعس في الخط على 180 كلم/ساعة:evil2:.

ثاني سيارة كانت هوندا سي ار في 1998 فضي اللون، تسارع السيارة على اساس انها جيب و على اربع سلندرات كانت جيدة ، بل اكثر من جيدة.

ثالث سيارة و التي غيرت مفاهيمي تجاهها وهي اكثر مما توقعت من القوة و جودة المواد المستخدمة في صنع السيارة وهي هوندا ليجند 1993 :a045:و مازالت في حالة ممتازة.

والسيارة الرابعة (السيارة الحالية) هوندا ليجند 2004 ماشاء الله تبارك الله، سيارة هادئة ، صلبة ، ثقيلة ، جودة عالية ، تماسك ممتاز و تسارع ممتاز مقارنة بوزن السيارة 1780 كلجم و حجم المحرك 6 سلندر 3.5 لتر.

كل السيارات الي مرت علي هوندا ، بعد اقتناء ليجند لا احب ان اغير السيارة إلا بأجيال هوندا ليجند القادمة:aa_balloon: باذن الله تعالى.

اقتباس:

---

المشاركة الأصلية كتبت بواسطة HONDA Acoord 2007

الهوندا سيارات في التووووووووووووب

---

>>> معاك حق:aa_ok: <<<

انا اول ما اتعلمت كنت على عربية مرسيدس موديل 76
وبعدين اشتريت من سنه عربية متسوبيشي جالنت 92
وبعد شهرين التكييف والجير خربو فبيعتها
واشتريت سيفيك 96

انا الصراحه اول ماسقت السيارهـ وهي كانت

كابرس 1988 <<< ياحليلها طبعاً سياره الوالد وانا الوحيد الي اسرقها خخخخ

وبعدها سياره الوالد بيوك رود ماستر 1992 مشاء الله ياهي جت عليها نطل وتخميس وكل

شي ولا ننسى كم برميل الله يكرمكم ,, وهو ماطيرته من مكانهــ ,,

وبعدين جت فولفو 740 مديل ناسيه والله ,, وبعدين ,,

سيارهـ ( ساب ايروو ) 2002 وربي تتقاوم مع لومينا اس اس ,, <<< وهي سياره الوالد ,,

<<< اي سياره من ابوي لازم لفه علييها خخخخخخ وبعدين ,,

قرر الوالد انه يشتريلي موتر ,, واشتريت الله ياخذها

( كيا - شووما ) 2002 قير اوتو ,, وربي خرباات للراس ,, :mad:

وبعتها من قبل 6 شهوور ,, و6 شهوور كلها ياكعابي او سيارات ايجار ,,

وتوني شاري هوندا اكوورد 1995 قير عادي خليجي ,,

مشاء الله مكينه وقير في التووب ,,

وادعوولي ياشباب .. انها تمشي معي مو كيا ,, :mad:

وقرييب راح يتم عليها التعديلات ,, الرياضية ,,

ومشكووور اخووي على الموضوع:cool:

ACCORD 95

هوندا

وبس

كيا كلاركس 2000 :) فل ابشينز

والله كانت عندي سوبارو اوتوباك 1998
والآن هوندا civic-VTI 2007:d

كان معي لنكن Ls رياضي شاريه 142الف وخسرت عليه 23الف من صيانه وبعض التصليحات يعني بالعربي هبلبي وجابي الصمرقع وفي الاخير بعته 28الف ريال وطقيت بنت الاجاويد هوندا ولان هي معي فوق السنه ولا طلبت شي الحمد الله

انا سلمكم الله اول سيارة صارت عندي - كابرس 1982م ابيض اشتراة لي الوالد وضل معاي حوالي 10 تقريبااااااا , وبعد الكابرس صار عندي مرسيدس 1987 حجم 300 ابيض ,

بعد المرسيدس صار عندي اوبترا 2006 رصاصي وكالة على ايدي بس دايم كان يخترب
اخر شي المبروووووك الاكود 2007 لؤلؤي

السيارت الي استخدمتها بالترتيب
كراسيدا92//
كلايسلار 93//
كادليك فلتود قطع صغير
m300cدوج 99
لينكن 2001LSرياضي *********وعنده بدت معاناتي
شريته فل كامل 142الف وخسرت عليه صيانه فوق 23الف وفي النهايه بعته 28الف مخبط
والله ماكنت اشيكه او عدل فيه شي الا في الوكاله واخيراً استخرت وخذيت بنت الاجاويد هنادي وياعمري يا الهنادي

انا الله يسلمكم تعلمت على كابرس 84

بعدين شريت اول موتر كراون تويوتا 83

بعدها شريت الكورلا 2000 وكاله

بعدها الهنااااااااادي اكورد 2007 فل 4 جلد

والحمد لله على اللي يسر امري وشريتها

السلام عليكم ورحمة الله وبركاتة

1- هايلوكس موديل 79 ذكريات هي والستاره اللي حاطها وراء على القزاز ومكتوب عليها توكلت على الله
2- كابرس موديل 81
3- هوندا اكورد موديل 92 وراحت تشليح من حادث عاد اللي صادمني دورية لاتفهموني غلط الخطاء علية 100/100
4- تيرسل موديل 99 وما انسى يوم قضيت عليها شهر العسل (مكة-الطائف-الباحة-ابها) ورجعت الرياض
5- كابرس موديل 89
6- لومينا موديل 2004 Ltz
7- كامري موديل 2002
8- فكتوريا موديل 2002
9- هوندا اكورد 2006 وان شاء الله اطلع صورتها في المنتدى

مشالله كلها سيارت مميزه
وخذت عدت شركات

سيارتي ددسن 1999 الحين معي هوندا 2006 فول كامل v4

هلا يالحبايب ::

بالنسبة لي أول موتر أخذته ( مازدا 84 ) الله يذكرها بالخير ( سوينا فيها فلم أمريكي ) آه بغيت أموت .
و الموتر الثاني ( كورولا 98 ) ما قصرت ،، بس تصدقون غيرت مكينتين عليها .. خسرتني ..
والموتر الثالث ( كامري 2003 ) .. صدق من قال :: آمري يا كامري .. كفت ووفت .. بالعافيه على اللي خذاها نظيفة من جد جد جد ..
و الموتر الرابع ( اكورد2005 فل اوبشن / لؤلؤي ) الله يذكره بالخير ، من افضل الموتر اللي شريتها بس عاد بعته بسبب العملية الجراحية للوالدة شفاها الله بـ61 ألف ريال ..
وعسى الله يجيب الفرج من عنده وناخذ اكورد 2007 فل اوبشن (( في راسي من جد )) .

تقبلوا التحية

في البدايه يعطيك الف عافيه على الموضوع الشيق ....

بالنسبه لي في البدايه تعلمت السواقه على هايلوكس .. ويعد ما تخرجت من الثانوي شرى لى الوالد كابريس موديل 2000 اول ما نزل هديه بمناسبه النجاح .. ويعدين شريت بليزر موديل 2004 والحين استقريت على اكورد 2007 ... وهذي صورتها ....

http://www.z7mh.net/upfiles/Znx90431.jpg

انا اول سيارة صني يمكن موديك 2005


و السيارة الثانية كورولا 2007

طبعاً لحد يقول شرى كورولا 2007 بعدين شرى أكورد ترى الكورولا ملك الحكومه بس كنت أروح فيها المدرسة آخر أيام الثنوية وإلى الحين اروح الجامعة فيها والأكورد للحين ما شريتها بس يمكن أشتري موديل 2007 كوبيه أو سيدان

تحياتي..

من وقت خلقت عالدنيا وكانت عندنا الأكورد باعها أبي وإشترى أكورد باعها واشترى أكورد
واليوم عندنا الأكورد 2007

يعني من أكورد لأكورد وبس

اول موتر كابرس تسعاوي موديل 88 ههههههههه
وبعدين فولكس واجن بورا 2003

وبعدين مكسيما 2004

النترا 2006

اكورد 25/10/2007 << هذا تاريخ الشراء قبل لا تنزل الجديده بشهر ونص هههههه

حلووووووووووووووووووووووة

تسعاووووووووووووووووووي

موديل (88) :confused:

اول سيارة كانت نيسان التيما 91 الله يذكرها بالخير

وبعدها تطورنا شوي تويوتا ايكو 2002 والله كدت معاي والحمد لله بدون مشاكل

والان -----, الاكـــــــــــــــــــ 2008 ـــــــــــــــور ((( لا تعليق )))

تحياتي