الموضوع: حجز وادي لبن ماذا فعل بسيارتي

المشاركة الأصلية كتبت بواسطة كوكو كورد

تذكر وش قلت لك ؟؟

تدري وش المشكلة ؟؟ انك راح تشتكي الحكومة على الحكومة .. والاجراءات غامضة وميب معروفة .. واتوقع لو ترجع لهم الحين الحين راح ينكرون السالفة ..

طبعاً المشكلة كلها من الحقير السافل راعي السطحة اللي شال الموتر ونزلة .. والله شفتهم قدام عيني كيف ينزلون المواتر بالحجز ... في كل الاحوال لازم يحك في الارض !! ووصدمتك الخلفية اعتقد لما نزلت بسرعة صدمت في سيارة ثانية ..

وقد صار لي نفس موقفك مرتين حكوها لي في الصدام الامامي ومثل ماقلت .. المشكلة من السطحة والواير حقها ولما ينزلها ... يعني لو اعرف راعي السطحة اقسم بالله والله لو اعرفة على ذيك الايام والله لأخلية يكرة اليوم اللي جا فية للسعودية ... عشانها ميب سيارتة مايهتم ؟؟ ويصدمها .. ويحكها بكيفة ..؟

تدري وش المشكله يا كوكو جبت سيارتي قدام البوابه جاك العسكري يفحصها وشاف الحكه اللي قدام والضربه اللي بالشنطه ودخلنا نشووف الورقه قبل ماتدخل الحجز كاتبين فيها حكه في الصدام والكشاف مكسور ماكتبوا الضربه اللي في الشنطه طبعا ضاعت علوم العسكري الحكه صارت الشرطي غير التقرير اخوي يقول يوم ركبوها في السطحه كاتبين التقرير بدون حكه اكيد يوم وصلت الحجز وحكو فيها غير التقرير بس ما انتبه لضربه الشنطه وجاب ابو يمن يتفحصها وقال مالنا دخل في الحكه انت اللي حاك فيها والضربه اللي في الشنطه لو احنا اللي ضربنا فيها كان شفت الصدام مضروب معها
يعني بالله وش تسوي في الحاله هذي
في الاخير الشرطي قال لي رح اشتك قلت له عطني ورقه ان السياره طالعه منكم كذا قال لي ما اعطيك ورقه بناكل حقك يعني طلعت وخليتهم
حسبي الله عليهم

المشاركة الأصلية كتبت بواسطة المـــــلكـ اكـــــورد

الصور ماطلعت لي هنا في الموضوع واحد ارسل لي الصور <<ماحد قال المسافر

مالك الا تقول حسبي الله ونعم الوكيل
من جد شي يقهر بس تهون ان شاء الله

واذا على التصليح نصيحه

الشنطة غيرها من التشليح وانا تو كلمت واحد وانا اكتب الرد قالي غطا شنطه كامل لؤلؤي 2007 ب2500 ريال
مع التركيب طبعا
اما في الوكاله ب1600 ريال غطا لونه اسود ويبي لك رش يمكن ب500 ريال <<المجموع 2100 ريال
لكن مادري هل الشنطه عندك تتعدل باليد ولا لأ
بس كذا بتصير السياره مرشوشه واذا جيت تبيع الله يكافيك من السنة الشريطيه

اما الصدام نصيحه خليه على حاله
<<سألت لك عن الصدام في التشليح بس مافي فايده كلها يبي لها رش
يعني خليك على اللي عندك احسن

واخيرا الله ينتقم من اللي صدمها لك

والله يجعلها في موازين حسناتك

تحياتي

اخوي الملكه يعطيك العافيه وماقصرت حبيبي بالنسبه للتصليح ماراح اصلح الموتر الحكه انسى اصلحها والشنطه اذا ما قدرت اعدلها راح اخليها على ماهي والشكوى لله
وشاكر لك اهتمامك وتسعيرك للسياره والله يجزاك خير
وحسبي الله عليهم

المشاركة الأصلية كتبت بواسطة accord05

الله يعوضك اخوي تويتي ووسع صدرك ...
حسبنا الله على اهل السطحات ذكرني فيهم مصعب ..قسم با الله انه يبيلهم تأديب الله يجعلها في وجيهم ..
لا ويجونك مسرعين ويطامرون عشان المرور متقاول معهم هذاولا الغجر الهملط...
والله لو تشوف سيارتي ان تعطيني سيارتك صدقة ... انت عارف منهو السبب انا مادري من هو الي متبلي علي كل يوم فيها خريطة ..
لاتنسى اللون اسود...يعني بيكون الشكل مرسوم صح ..

عاد انت نام وخل عنك الخرابيط ووسع صدرك ولاتشيل هم شي ابد ..
قال تعالى ((قل لن يصيبنا الا ماكتب الله لنا هو مولنا وعلى الله فليتوكل المتوكلون))

انا وش اللي مصبرني الا ان الشي هذا مكتوب علي وانا في بطن امي
والله يجزاك خير
حسبي الله عليهم

المشاركة الأصلية كتبت بواسطة NETRO

الله يعوضك خير..

انا قبل 8 شهور دخل موتري حجز لبن ..

والحمد لله ماجاه حكات ..

لكن لقيت الدرج مفتوح ..

الجلنط بعد ملاعن يالله نزل ..لان الغبي الي نزلها وقفها على القير !

العطر انسرق..

بعدها حرمت اعدي 130 بالرياض !

وسع صدرك يارجال ...ونصيحه لاتشتكي ولاتدور لان حقك مهب جايك لو تطير..

الله يكون بعونك وعليك بالدعاء ..

ونصيحتي خل عنك السرعه ترا ما منها خير وخلك على 140 ^_*. مافيها حجز ..

الله يوفقك ..

المشكله ياحبيبي ان الموتر اخوي اللي ماسكينه فيه مو انا لو انا صدقيني بيبطي يدخله الحجز بكلم واحد من اصدقاي يطلعه لي بس بعد ما راح الحجز انسى يطلع
وتصدق مسدد مخالفات 700 ريال والسطحه عيال الكلب 100 ريال
2 سرعه 600 ريال الاولى ماسكيني فيها بس ماركبوني سطحه والثانيه ما ادري وشلون جت؟؟؟؟
100 ريال حزام في جده كنت راكب مع صديقي وقاله العسكري بعطي صديقك مخالفه المهم صديقي يمين يسار ولا كتب علي شي واتفاجاء يوم اخذت برنت من المرور انه الكلب معطيني مخالفه ش رايك؟؟؟
للحجز ثانيه

وبالنسبه بان سيارتك مفتوحه عادي كل السيارات في الحجز مفتوحه واولها سيارتي بس الحمدلله ما انسرق مني شي وكان قدامي اكورد 2008 نفس حالتي مفتوحه ومحكوكه يعني يقولون ياحرامي خذ سيارتك محن الحجز واسرق من السياره اللي جنبك وخذ منها اللي تبي ويابو يمكن نزل السياره واسرق اللي تبي واطلع

تصدق؟؟؟ اني دلخ اول ماطلعت من الحجز ومسكت الدائري مشيت 180 كلم
<<<< ناوي يرجع للحجز
خليها على ربك بس
وحسبي الله عليهم

المشاركة الأصلية كتبت بواسطة ناســNasNoosــنووس

من جد فيه ناس ماتعلموا صح .. تلقى سياراتهم ماتجيب 5000 ..
أنا حصل في سيارتي أكورد 2008 فل كامل لؤلؤي حكة في الزاوية الخلفية اليسرى ..
أنا ودي أعرف منو اللي سواها .. آآآآخ بس .. (( لا أفتح في وجه طريق خريص )) ..
والمشكلة ماعنده احترام .. يعني يدور على صاحب السيارة ويتأسف .. والا يترك ورقه على السيارة فيها رقمه ..
بس ناس مثل البهايم شتقول فيها.. مانقول الا حسبي الله عليه.. اللهم أجرني في مصيبتي وأخلفني خيرا منها ..
((( آسف جدا جدا على الألفاظ اللي كتبتها .. بس والله من كثر ماني منقهر .. وكلما شفتها أدعي عليه )))
حبيبي مالك إلا ربك .. والله الله بسهام الليل .. تصيب وماتخطئ .. بإذن الله تعالى .. تحياتي وعزائي لك ..

ياحبيبي ثاني مره تنحك موتري من دون ما ادري
اول مره في الجامعه حكوا لي الرفرف والصدام
وهذي الثانيه
من شاف مصيبه غيره هانت مصيبته
حسبي الله عليهم

المشاركة الأصلية كتبت بواسطة جريح الاكورد

لا حول ولا قوة الا بالله


انا شفت واحد مرة ينزل سيارات بالحجز بشكل مؤساوي صراحة و المشكلة كلهم جدد السيارات راح واحد و قاله ارفق بالسيارات تراهم جدد تتقوعون وش كان رده

قال بالحرف الواحد

(( جلد ما هو جلدك أسحبه على الشووووك))

اكيد جلد مو جلدك جره على الشووووك حسبي الله عليهم الله يجرهم هلى وجيهم في مسامير
حسبي الله عليهم