حادث والحمدالله بسيط .. ولي بعض الاستفسارات

**accord05** · 02-06-2008, 02:34 PM

السلام عليكم

اليوم وانا مداوم الساعة تقريبا 8 الصباح وانا كنت عند اشارة ورى بيجو قديم وبجنبي تريلة ع اليسار .. فتحت الاشارة ونمشي بسم الله ماشاء الله الا الي قدامي وقف على طول ((كوكوكورد>>start) وانا قريب مرة منه تعرفون واحد قدامك داز بتمشي طبيعي لمن وقف تفاجأت وارجع يسار ونتفنتني التريلة لكن الحمدالله على كل حال ... وسلامتكم :(
*للمعلومية صاحب البيجو يبي يركب واحد .. هذا عذرة ويقول ابي اترزق الله

الصور:
وعاد سامحوني العتب على الجوال...

الاستفسارات :
1- بكم تتوقعون قيمة الاصطب المكسور ؟
2- طيب هو يجي لحالة بدون الوصلة السليمة (بشترية من الوكالة)؟
3- الشغل بشكل عام كم بيكلف؟

تقبلو تحياتي،،،

**AL5FY** · 02-06-2008, 02:38 PM

الحمد لله على السلامه

الحمد لله انها جت على كذا

الشباب يفيدونك عن اسألتك

وان شاء الله انها اخر المصايب

**ACCORD 747** · 02-06-2008, 03:03 PM

الحمـدلله ع السـلامـة ومـا تشوف شر في الحديد ولا فيك يا الغااالي ..

وان شاء الله الشباب يفيدووونكـ . .

**B Useful** · 02-06-2008, 03:17 PM

الحمد لله ع السلامة ..

الحادث صار في مكان صعب في السيارة ..
لو انة في الرفرف المقابل ... تصليحة اسهل ..
بس هذا فية فتحة البنزين واللي وارة يعني شي صلب وزي هيك ..

الاصب اكبد ينباع لحالة ( 014464646) رقم الوكالة بالرياض ..
والرفرق مع سمكرتة وبويتة اعتقد ماتعدي 600 ريال كحد اقصى .. ( وحسب الورشة ) .
.

تدري .. توني شفت الصورة مرة ثانية ... اعتقد الشغل اسهل بكثير .. مايبيلة سمكرة ... بس يفتحون الشنطة ويعدلونة ... واعتقد ابوية ماراحت صح ؟؟؟

**الـمـسـافـر** · 02-06-2008, 03:39 PM

الحمد لله على سلامتك اولا
ثانيا الصدمه تقديرها من وجه نظري ما تتعدى 1000 ريال

تقريبا طبعا ... الاسطب 300 ريال

الرفرف سمكره ورش 400 ريال

الصدام 300 ريال

^^^^^^^

اسعار تقريبيه

**ـبطرانـ2005ــ** · 02-06-2008, 04:09 PM

<<<يا شبااب ودي احطكم بالمرووور:p <<<علشان تربحووونا من التأمين;)

يا ما دقشاات يحسبووونها لنا بظلم في المرووور

ويا المساافر في المروور بيقدرووون صدمة الرجال بنصف السعر الي قلته:d

**Jack** · 02-06-2008, 04:13 PM

الحمد لله على السلامه

الله يعوضك وإنشالله ترجع احسن من قبل

**T A L A L - R** · 02-06-2008, 04:49 PM

الحمد الله على السلامتك اخوي ف الحديد ولا فيكـ

**ن ع ر السعودية 0005** · 02-06-2008, 08:26 PM

الحمد الله على السلامة أما الأصطب تلاقيه في التشاليح بنصف سعر الوكالة ويكون أخو الجديد أما الرفرف الخلفي يمكن تعدله بيدك من داخل الشنطة لاكن شيء خفيف أما غطاء تانكي البنزين برضوء تلاقية في التشاليح.

**accord05** · 02-06-2008, 11:09 PM

تسلمون عسى ربي مايحرمني منكم انتو اكثر من اخوان والله...
ما اوفيكم حقكم واحد واحد عسى الله يخليكم الي رد بالموضوع والي اتصل الله يطول باعماركم جميع ..

وديت السيارة عند ورشة عندنا على المغرب لقيته فاتح بالغلط ولقيت العمال موجودين .. خليتهم يشفونها وفتحت لهم الشنطة قالو هذي يبيلها سمكرة .. ماتصلح تعديل من الشنطة بس .. قلت لهم ليش؟؟ قالو هذي طبقتين وقوية بعد يبيلها سمكرة وماسألت عن السعر ..لأن شكلي بغير لون السيارة مرة وحدة احسن وصلح جميع المخشات الي في السيارة ... وسلامتكم

شباب احد منكم قريب من الصناعية ويقدر يشوفلي صطب نظيف ؟؟ وله قيمة السعي البنزين الي يبي بس يشوف شي نظيف.. وعسى ربي يوفقكم لان ان شاء الله بودي السيارة يوم الاربعاء .. وسلامة قلوبكم

**Zero Cold** · 02-06-2008, 11:26 PM

حمد لله على السلامة
الله يعوضك بأحسن منها

**الشمــــالـــي** · 03-06-2008, 12:27 AM

الحمدلله ع السلامة >>> والله يعوضك ان شاءالله

اما الصدمة زي ماقال اخوي المسافر.

**accord05** · 10-06-2008, 07:46 PM

أشكر كل من رد على الموضوع...
صلحت السيارة والحمدالله ... وحاب افيد الشباب بكم التكلفة ...
الاصطب من الوكالة (الجزء الي على الرفرف) بقيمة : 290 ريال
التصليح + رش الصدام ومكان الصدمه = 500 ريال
المجموع = 790 ريال وسلامتكم