الموضوع: قدر الله وماشاء فعل

الحمد لله ع السلامة اولا واخيراً ..

اعذرني عدلت صور الموضوع انت كنت حاط 6 صور لنفس المنظر اللهم الزاوية تختلف وكلها حجمها كبير ..

واختصرتها لك في هالصورتين ...

بالنسبة لقطع البدي ..

تحتاج صدام و رفرف فقط ..

تقدر تاخذ صدام 2006 كنوع من التغيير

الرفرف انتبة تاخذ تجاري لان صناعتة مش مضبوطة ومش موزون ..

قيمة الاصلي 570 تقريبا للرفرف

وللصدام الاصلي 2006 بـ 700 او تجاري بحدود 300 مايفرق

بالنسبة للقطع الميكانيكية ..

منطقة الكفر الخلفي ..

بحاجة الى اذرعة كاملة ومساعد مع الكرسي والياي ..

منطقة الكفر الامامي

مساعد مع الكرسي والياي والفلنجة والمقصات

والعكس .. واحتمال العكس من الجههة الاخرى ,,


العكوس خذها من التشليح ..

لانها غالية بالوكالة واحد بـ 3000 وواحد بـ4000

بالتشليح 300 الى 400

واذا حصل وقالو لك الدودة تحتاج الى تغيير قيمتها بالوكالة 4600 وبالتشليح 700 ريال

الشمعات امرها هين .. وفية موضوع مدري بأي قسم فية اغلب الاسعار لقطع الاكورد ,,


دمت بود ولي عودة ,,

و عليكم السلام و رحمة الله ،

الحمد لله على سلامتكْ ،

و في الحديد و لا في العبيدْ ،

أهم شيء سلامتك عزيزي ( :

و أعتقد الأخ كوكو ما قصّرْ ،

و الله يعينك يا أخوي ، ^^

ننتظر الصور بعد ما تعدّل السيارة ;)

.,’~

يسلمووو شباب ع المرور

طيب اخوي كوكو ركود

كم تطلع اسعار العكوس واغراض الكفر كامله لو طلعت كلها منتهيه يعني اربعه المقصات والفلنجات وو ... الخ
والدوده وش تطلع اول مره اسمع فيها؟؟...

والرفرف وكاله كم؟؟
والدعاميه حق 2004 كم ؟

اما تعديل ان شاء الله بعد ماارجعها مثل اول بعدين افك القطع الاصليه واضبطها اخليها 100%

الصدام اصلي 700
الرفرف اصلي 570
العكس فية واحد بـ 3000 وواحد اطول للجهة الاخرى 4000 من الوكالة (( التشليح 300 - 400 ))
الدودة هي اللي لما تلف الطارة تلف الكفرات معك ( وكالة 4700 تشليح 700 )
اغراض الكفر الخلفي كاملة خذيتها من التشليح بحدود 700
الامامية ... اذكر خذيت مساعد تجاري بـ 200 وشوي ..
مقص امامي خذيتة تجاري بحدود 200وشوي
الفنجة من التشليح 300 وشوي .



انتبة ( اذا سيارتك قير اوتو لا تاخذ من التشليح الا اغراض سيارة اوتو ) غلطة عمرك اذا خذيت شي حق قير عادي ..


لي عودة ... طول عمري مستعجل