انا واحد امنزل بس مو اكورد ..
امنزل سيفيك .. جايب ليها يايات رياضيين اسبينشنات ..
انت تبغى الحق ؟؟
طبعاً انا من ركبتهم ماشفت الراحه نهائياً ..
انا ماباقولك بجم سعرهم .. بس باقول لك وش الا شفته منهم ..
امركبين على السيارة صار ليهم سنه وسته شهور لو اكثر بعد ..
طبعاً قبل فترى صارت عندي رجه وماعرفت وين المشكله وكنت امودنها الوكاله تشييك 40 ألف
وقالو ليي الرجه يمكن ترصيص وتالي قالو لا .. يبغى ليها تواير .. واستغربت من هالشي ..
بس والله يوم اخدت السيارة .. قلت انا كيف اروح البحرين واجي بها وهي جذي ؟؟
وربي يشهد عليي ان التواير الا ورى الخيوط والأسيام ( الحديد ) طالعين على برى ..
يعني الا يشوفهم ايقول هذي دفع خلفي وطايح الأخ تفحيط بها وقالبنها كورفت ..
ماعمرك اتشوف سيارة .. ايذوبو توايرها الا ورى قبل الا قدام ..
غير اني لفيت البنشريه كلهم مافي نفس نقشتهم بريجستون .. لين رحت وكالة البريجستون في الدمام وركبت واحد جديد طلع عليي 460 ريال مع التنزيل والمكاسر .. لا تسألني عن الثاني ..
لأن الثاني شلته من السبير ( الأستبنه ) وركبت تاير سوموتومو بــ 280 ريال عشان انه في الشنطه ماله داعي الا في الطوارئ والأوقات الحرجه .. ( وطبعاً هذا سببه لأن تواير الهوندا الا ورى مجرد انك اتنزلها يفرشو على طول .. وهذا كلام الورشه .. والورشه محترمه )
غير جذي السيارة تتنقز بالقوة .. لأن مضغوط الياي الا ورى حده .. وعادة اليايات الرياضيه في بعض الشركات اليهم حد معين ماتقدر اتنزل اكثر منه وهي حدها صبع ورى بس ..
وطبعاً غير انك اتخاف من التفاتيش وتهرب منها وماتمشي وانت مرتاح ..
وأقل مطبه اتحس فيها ..
انا بصراحه اتعبت وانا اكتب ..
بس باختصار ..
لا تنزل .. واذا صدق تبغى اتنزل .. اشتر لك يايات تجاريين و قصهم .. ولا تقصهم وايد .. عشان لا تعدم الجامبينات ..
مواقع النشر (المفضلة)