صور الاكورد kayo0o0od بعد تعدل وبعد البرمجه

**AL KAYED** · 22-01-2009, 01:03 AM

السلام عليكم

اشحالهم الربع

وبعد غياب

رجعنا لكم مره ثانيه

بس هاي المره

غيرت رقم الموتر

قبل كان h53025

والان e 7576

وعدلة في البرمجه وظفة اشيه جديده

وطبعا كان البرمجه اليوم الحمدلله عدة على خير

قبل فلتر وبيب دايركت جابة 204 هورس بور الحمدلله

واما الاضافه الجديده

فلتر و هدرز وبلكات وطبعا مع الاضافه للكمبيوتر جابة الحمدلله 244.8

الحمدلله على كل حال

وان شاءالله شي تست مع هدوندا سفك تايب ار بعد كم يوم بنزل لكم الفلم

وان شاءالله خير

وهاي الصور طبعا صورتها اليوم لما كنت اتريا من الصبح ^^

وان شاءالله تنال اعجابكم

**acura RL** · 22-01-2009, 03:12 AM

سؤال اذا ممكن ؟؟؟

انت ركبت كمبيوتر رياضي ....ولا سويت برمجه .....

عقبال التيربو كت

**AL KAYED** · 22-01-2009, 12:19 PM

المشاركة الأصلية كتبت بواسطة halo 5 9 5

سؤال اذا ممكن ؟؟؟

انت ركبت كمبيوتر رياضي ....ولا سويت برمجه .....

عقبال التيربو كت

قبل كت مركب الكمبيوتر رياضي والحينه سويت اعاده للبرمجه وعدلة في البرمجه لاني ضفة اشيه يديده في السياره

وكمبيوتر الوكاله صعبه واحد يعدل فيها

وزالكت التيربو القير الاتو مايستحمل

وسموحه

**أبوكرم** · 22-01-2009, 02:34 PM

مشاءالله 244حصان على الكفر
رقم مو هين
الله يعطيك خيرها و يكفيك شرها

على فكرة الأورين 209حصان على الكفر;)

**R32 HPA** · 22-01-2009, 03:48 PM

الله يبارك لك فيها
عفوا أخي ايش نوع الكمبيوتر وماركته
وبكم سعره

لأنه في أنواع كثيرة وأسعارها بقيمة سيارة مستعملة :(

**AL KAYED** · 22-01-2009, 04:53 PM

اسم الشركه يوني شب ومن النوع ال q

وسعره اليديد مع البرمجه 3300 درهم

وتسلمون على مروركم الطيب

**AL KAYED** · 23-01-2009, 11:46 PM

شباب وين ماشي حماس في اللموضوع ...؟

**acura RL** · 24-01-2009, 12:24 AM

انا سمعت قطع التعديل للاكورد متوفره في الامارات........صحيح ولالا

انا واحد قالي يمديك ترسل الكميوتر وهم يسوون برمجه له .......وقالي ماتكلفك الشغله بس مشكلته ما يتحمل ضغط عالي...

**The Stig** · 24-01-2009, 12:32 AM

في في حماس <<< حماس ولا فتح ههههههههههه

والله بصراحه ارقام ممتازه لسيارتك ..

ماشاء الله تبارك الله ..

بالتوفيق ..

بس انتبه من كاميرات السرعه هههههههههه .. سمعت المطوره الجديده تصيد خمسه لاينات :d

**ACCORDY** · 24-01-2009, 12:34 AM

ما شاء الله
الله يعطيك خيرها

244 مرره حلوو
على الويل

طيب ركب كاماات كمان

انا نفسي ابرمج بس في جده ما في ناس فاهمه للاكورد:(

تحياتي

**AL KAYED** · 24-01-2009, 12:07 PM

ههه حماس ^_^

والله ماعرف انه في حد يطرش كمبيوتر الوكاله عسبت يبرمجونه

وعن الكمات القير مابيتحمل هو كذا شكله رايح فيها

وتسلمون على مروركم الطيب

وتحياتي للجميع

**acura RL** · 25-01-2009, 01:07 AM

طيب اذا القير مايتحمل ركب قير عادي ...

اتوقع مايكلفك....

**AL KAYED** · 25-01-2009, 03:07 AM

ياريال وين قير عادي في الامارات ماشي قير عادي اذا حصلت بسعر حلو والله كنت بركب بس حصلت مره ب 10000 درهم

على شو

والله يمكن اكتفي في ها لاني بس سويت الي فراسي وحطمت رقم الاكورادت كلهم ^^

والحمدلله على كل حال

والله يبعدنا عن شر الحساد

وسموحه

**Jack** · 27-01-2009, 11:35 PM

ما شاء الله
الله يعطيك خيرها ويكفيك شرها

**AL KAYED** · 30-01-2009, 01:41 AM

امين
تسلم على مرورك الطيب

**الاخطبوط** · 30-01-2009, 11:43 PM

ماشاء الله تبارك الله

عاد انا مالي بشغلات التلغيم وتقوية الماكينه بس أتفرج من بعيد :d

طيب اخوي الكايد عندي إستفسار خارج الموضوع

الحين فيه محلات تشيل الفصله الالكترونيه على سرعة 220 لان الاكورد تفصل عليها

تحياتي لك

وانتبه لنفسك اخوي

**AL KAYED** · 31-01-2009, 01:28 AM

تسل اخوي على مرورك الطيب

والله عن الفصله والله انا ماعرف محل يفصل الكتمه على كمبيوتر الوكاله

لاني سالت وايد وتعبت

وقلت مافي ال كمبيوتر راياضي ^^

وسموحه