ماشاء الله حلوو الام ار في يعطيكم خيرة ويكفيكم شره بس شرايك بالاسود على هالجيب ((نوكمنت)) الالوان تلعب دور بتصميم السيارة وحجمها .. وبأنتظار الاجمل Cr-v 2007 .. موفق عزيزي
بسم الله الرحمن الرحيم
السلام عليكم و رحمة الله و بركاته
اخواني هذه صور سيارتي ام آر في 2006
و هي طبعا ليست سيارتي بمعنى انها سيارتي
استخدمها حاليا فقط
لكن سيارتي القادمه بإذن الله CR-V 2007
طبعا السياره سواقتها روووعه
و صوتها يوم تضغط عالدواسه دلع
صارلي شهرين استخدمها الحين ما شفت منها شي
كل شي فيها حلو
وتسارعها عجيب 8 ثواني تقريبا مصوره بس صيغة الفيديو تشتغل لازم بالكويك تايم او للي عندهم برنامجVLC media player
اذا تبغونه قولولي بعطيكم اياه
المهم
الحين ما اطول عليكم الى صور السياره
صورتها في العزبه(في البر)
احم احم
قولوا ما شا الله عاد
ما نبغي صاحب السياره يبتلى و يقول انا خربت سيارته:d
تقبلوا تحياتي
ماشاء الله حلوو الام ار في يعطيكم خيرة ويكفيكم شره بس شرايك بالاسود على هالجيب ((نوكمنت)) الالوان تلعب دور بتصميم السيارة وحجمها .. وبأنتظار الاجمل Cr-v 2007 .. موفق عزيزي
و الله ياخوي الاسود شفته مره
خطيييييير
لكن ما باليد حيله
ان شا الله القادم بيكون اسود
و شكرا لك على الرد
تقبلو تحياتي
ماشاء الله تبارك الله
الله يعطيك خيرها ويكفيك شرها
على فكرة اخوي كيف صرفيت البنزين ؟
وهل الانوار الامامية زينون ؟
وكيف الموتر معاك بالبر ؟
وهل انت مغير الكفرات ؟ وللا جايه كذا شد بلد ؟ ( لان في السعودية كفرات الـ mr-v تجي ميشلان امريكيه )
لو بتبيع الموتر .... كم تتوقع تجيب في المعارض ؟ وهل هي مرغوبة في الامارات ؟
وآآآآآآآآسف جدآ على الاطاله :o
حياك الله اخوي اتش
بجاوب عن اسألتك كلها:
1-صرفية البنزين ممتازه الحمد لله ما تصرف وايد .بالنسبه لجيب
2-الانوار عاديه هالوجين
3-الموتر في البر قوي جدا و عزمه حلو ما شا الله بس ما فيها دبل بس عادي بالنسبه لي ما تحتاجه
4-الكفرات ما غيرتها هاذي مال الوكاله بردجستون
5-بالنسبه للسعر في البيع ما ادري و الله
بس هي عالعموم عليها طلب في الامارات
يعني اشوفها اكثر من الباجيرو و الاكسبلورر و التريل بليزر .
و شكرا لك على الرد الطيب
و اي واحد عنده استفسار يقولي و ان شا الله افيده
تقبلوا تحياتي
التعديل الأخير تم بواسطة i-VTEC ; 06-12-2006 الساعة 01:09 AM
مآشالله تبارك الرحمن .. يباركلك فيها
وبصرآحة أنا أشوفه أحلى سيآرة Suv مو عشانها هوندا علشان تصميمها حلو وجبارة
تحياتي ...
وعليكم السلام ورحمة الله وبركاته
ما شاء الله تبارك الله
الله يعطيك خيرها ويكفيك شرها
رائعة ولون موفق
HONDA OWNER
مب بس حلى جيب
انا اشوفه قوي جدا
بس الناس يقولون هوندا تنقصها الخبره انا اقولهم لا
تنقصها السمعه في ها المجال و تجربة الناس لها هي الي بتعطيها سمعه
لكنهم يخافون
BLK
اخوي البايلوت اصلا هي نفسها 100% MR-V
حتى دليل الاستعمال الي يجي مع السياره مكتوب عليه Pilot\ MR-V
و شكرا على الرد
GoldenLion
و الله الون جيد لكن انا كنت اتمنى اللون اسود
صح هي مب سيارتي للابد
بس بعد الاسو احلى
مشكوورين على الردود:d
ماشاء الله
ماتوقعته كذا
والله شي يعطيك من خيره ويكفيك شره
الاخطبوط كان هنا
بسم الله الرحمن الرحيم
والسلام عليكم ورحمة من الله وبركاته
أحب ان استشير ويقول المثل مخاب من استشار.....
طبعا هذي اول مشاركة لي وارجو ان لا اثقل عليكم
مشاركتي هي أني من عشاق هذه الشركة مع ان فيها عيب وهو قطع غيارها شوي نااار
بس أحببت سيارات هذه الشركه لأنها الوحيدة الياباني صح ومصنوعه باليابان مو بعض الشركات الاخرى يقولون ياباني وهي استرالي (ان شالله انكم فهمتو قصدي)
المهم انا افكر بجدية شراء جيب أم ار في من هوندا والاخ اللي كتب عنه احب اقوللك ان الجيب فية دبل وبلمسة زر
وعودة للموضوعي انا محتااااااااااااااااار لانه شوي غالي يعني 2007 بحدود 120000 ريال
بس من ناحية شكل الجيب مرات اقول حلو ومرات اقول لو انه اكبر من كذا شوي
ومن ناحية انتشاره بالسعودية مو منتشر ليش مدري؟؟
فما ادري هل هو الجندي المجهول وإلا ما هو مرغوب وإلا ايش سبب عدم انتشاره بالشارع
عشان لو شفته منتشر اتطمن واشتريه وانا الان محتار لاني لو اشتريت بتكون سيارة العمر لمدة عشر سنوات استخدمها
فهل تجاوبونني على اسئلتي ولكم مني الدعاء وهل ((( اشتري هذا الجيب)))
التعديل الأخير تم بواسطة اتــشـــــ ; 28-02-2007 الساعة 12:26 AM
بعد السلام ياسيدي
مو موشكه عائلة كبيرة او صغيره اللمهم الموتر نفسه وبالنسبة لعائلتي صغيره
بس والله من جد الموضوع يحير ويبي له وقفه على كوبري الخليج
لأني مقهور من هالعالم اللي تشري جيوب التويوتا وهي والله مافيها اي جوده تذكر وزد على ذالك ان جيوب التويوتا مافيها اي أكسسوارات او شي يفتح النفس والمصيبة في الجودة تخيل بعد مرور سنة من شراء بعض اقاربي لجيوب تويوتا تجد الانوار الامامية متغير للونها ودخلتها المياه والشبك الامامي متغير وكنه قدييييم وووووووووو بس خلني ساكت احسن لي
فماعاد تدري وش هالمصايب من هالشركات التي انعدمت في سياراتها الجوده
ففكرت بهوندا وشفت مميزات أم ار في وأعجبتني كثيييييييييييييييير
بس خاااااااااااايف لانه مو منتشر وماتدري عن علوم الموتر بعد الشراء ودي احد يقول لي... ولكم مني جـــــــــــــــــــتزيل الشكر....
من ناحية أنه غير منتشر فكلامك صحيح أخوي، إن كنت تريد شراء سيارة منتشرة من هوندا فأنا أنصحك بالـ CR-V إنتشارها أكبر من هذه وشكلها جميل وشبابية أكثر وسعرها يمسك عند البيع والقطع التجارية متوفرة على الأقل للموديل القديم، أما الجديد فلم أتأكد منه..
ماااا شاء اللله اللله يطعمك من خيرها ويكفيك من شرهااا تقبل تحياتي:d
بعد التحية يا أخوان
ندخل بالموضوع على طول بالنسبة للجيب سي ار في صغير شوي وماعجبني من الداخل ولا يقارن بصارحه مع أم ار في ولكن هو في سبب لعدم انتشارة وش هو مدري؟؟؟؟؟؟؟؟؟؟؟؟؟
غريبه ماحد يرد؟؟؟؟؟؟؟؟؟؟؟؟؟؟؟؟؟؟؟؟؟؟ وش الطاري
اخوي احمد اذا انت مو راعي بر وانسان تبي تستخدم ماتبي تبيع
انصحك بجيب الهوندا الـ Mrv شكل وجودة ووسع وقوة .... واذا بتحافظ عليه بيعيش معك عشرة سنين بالراحة ولابتخسر عليه كثير ان شاء الله اهم شي انك تواضب على الصيانة وغيار الزيوت في وقتها .
موضوع رائع وما قصروا الشباب أفادوني كثير
ولكن يبقى تساءل الاخ 1401 فعلا ما هو سبب عدم انتشاره هل هو غلاء سعره ام غلاء سعر قطع غياره ام هو عدم توفرها الا عند الوكيل ام كلها مجتمعه، ام مذا؟؟؟؟!!!!!!
وبصراحة صاحب الموضوع i-VTEC ما قصر هذا اللي كنا نبغى نسمعه شخص جرب ويا ليته يطل علينا الان ويخبرنا بالجديد ورأيه الان حول ال ام ار في
لدي تساءل هل هذا الجيب صناعة يابانية ام امريكية مع العلم انه مكتوب عليه على الباب made in USA
فسألتهم في الوكالة في السعودية وقالوا لي لا هذا صناعته يابانية 100% ولكن معنى هذا ان التصميم امريكي بس ما صدقتهم،،،،في احد يأكد لي ها المعلومة؟؟؟؟
هل سيتغير شكله في 2008
هل سيزيد سعره كثير؟؟؟
هل نستغل فرصه تخفيض 2007 وناخذه (هذا لو كان في تخفيض مثل العام الماضي) كان في تخفيض 6000 ريال
ماشاء الله تبارك الله
اخوي البدر المنير الـ MR-V والاوديسي كلها مصنعه بالكااااااااااامل في امريكا
ونعم اخوي سيتغير شكلها بالكامل في 2008
اما بالنسبه للاسعار ما اتوقع يرتفع سعرها كثير ( لان الدولار طايح طيحه يحبها قلبك :d )
ونصيحتي انتظر الموديل الجديد لانه بيكون جناااااااااااان
وبالتوفيق ان شاء الله
ماشاء الله تبارك الله السياره في قمة الروعه وكذلك الصور
الله يعطيكم خيرها ويكفيكم شرها
مواقع النشر (المفضلة)