مشكلتي مع علبة الدركسون
السلام عليكم جميعاً
انا عندي مشكله مع علبة الدركسون تنقص زيت بشكل كبير شوي خلال ثلاث ايام الى اربع
وكل ما رحت لورشه تقول الدودة يتطلب التغيير بالكامل وورشه تقول علبة دركسون ولي وورشه تقول قطع اصلاح دوده بس شفلك واحد يعرف يركبها
المهم احترت رحت الوكاله برضوا ما عطوني شي مفيد غير انهم يدفعوني مبلغ كبير
تكفون يا اهل الخبره مالي الا انتم وش السواه ووش المشكله ؟
مع العلم انه يطلع صوت حنّه اذا العلبه ناقصه وتروح لمجرد اني اعبيها فقط !
وعليكم السلام*
افحص الدوده خلف علبه الفرامل من اسفل اذا لاحظت آثار ترشيح زيت تحتاج طقم اصلاح للدوده مع الشغل كلها على بعضها 600ريال وغالبا تجي مشاكلها مع المطبات ..
كذلك افحص طرمبة الدركسون اذا عليها زيت تشتري طقم اصلاح للطرمبه مع الشغل 220الى 250ريال واحرص على استخدام زيت هوندا*
اذا موقعك بالرياض عندك الصناعيه القديمه ورشة الجنوب او ورشه رقم20بصناعية العروبة (ام الحمام)
ضوابط المشاركة
رد مع اقتباس
مواقع النشر (المفضلة)