الموضوع: محجوبة ... قصة وانتهت .. The Autobiography

ماشاء الله تقرير مميز من عضو مميز وموتر الصراحة ماشفت مثله مميز الله يرزق بالي تتمناه ونشوف محجوبة 2 على هذا المنتدى المميز وإلي كل يوم نشوف فيه شيء جديد من أعضاء ومشرفين يرتقون إلي التميز ولا ننسى الأدارة التي لها الدور في جعله أكثر تميزا ......

هذي الدنيا ...........

الله يرزقك بمحجوبه على كيفك

ما شاء الله عليك يا محجوب تقرير حلو
وعقبال Lamborghini Murcielago Roadster :d

في البدايه حاب اصفق لك من كل قلبي واهنيك على التقرير الي فوق الروعه

والله كنت منتظره منك وكنت متوقع انك بتنزله ونزلته

بس نزلته بموضوع فوق ما كنت اتصور وانت من قالب اقولك من ( محبي هوندا ) :o

تحيتي لك <<< ابفقع وجهك لو شريت شي ثاني غير الاكورد كوبيه v6

يا شيخ حرااااااااااااااااااااام عليك
دمــعـــت عيوووووووووووووني
لما قلت إنك بعتها
كنت أنا مستاء من سيارتك بسالفة الجنوط مو كانت مضبوطه مره بس بعدين
ضبطت السيارة وصارت زينه ورزينه
يالله لكل بداية نهاية
وأفضل شي إنك أخذت فكرة عن الهوندا

تقرير مميز جدا

يالله هذه الدنيا لكل بداااية نهاااية

الله يرزقك الي في بالك

تحياااتي لك

أجل بعتها هااااااااا:d
اييييييه هذه حال الدنيا شي يروح وشي يجي
يلا عقبال ماتشتري الي في بالك موفق من كل قلبي

آآآآآآآآآه
دراما X دراما
ماشاءالله عليك يا محجوب تقرير متعوب عليه

و مبروك مقدمًا على السيارة اللي بتفكر فيها

ما شاء الله تبارك الرحمن تقرير جمييل و مؤثر حبتين :d
يـلا الله يرزق بوحده أحلى منها
و ان شاء الله نشوفك بـ M6

كل الشباب اللي مروا ع الموضوع .. مشكورين جزيل الشكر ع الردود الطيبة والاماني الحلوة ..

كوكو كورد .. انتا كذا تعذبني ... من بعد هالصورة المؤلمة نفسيا .. دحين كيف باكمل حياتي انا :d ..

سعودي ستايل .. والله ودي .. بس كوكو كورد كفى ووفى :d .. بصراحة ودي بأكورد كوبيه V6 لكن 6MT <<<< وين احصلها هنا مستحيل :p ..

ابو الريش .. يا ريت لو تسوي الـ6 >>> 5 .. هذيك أحبها أكثررررررر ..

تحياتي للجميع مرة اخرى ..

محجوووب ربي يعوضك باللي احسن منها

صررااحه القصه مررره رووعه باسلوبها وتصويرها تستاهل التثبيت

وبالنسبهـ للسياره الجديده انصحك بالاستخارهـ يالغلآ


مدري ليه حسيت انك تصيح وانت تكتب الموضوع ههههه مدري يمكن عشان اانا صحت

اهلين محجوب

شلونك وشخبارك عقب البيعه...!

أسجل خالص أعجابي بموضوعك

عشنا الجو معك لحظه بلحظه
موضوع كبير من عضو أكبر


بعد التعديل اللي أحس جاكك تشبع منه

ماتفكر تاخذ سياره فخمه شوي وعلى مستوانا وتوقف تعديلات

يعني مثل الأفلون ستاندر أو الأوريون فل كامل أو أو أو أو



نفسي تطلع من الهوندا وتدخل تجربه جديده كليااااااااااااااااا

وفالأخير بماأنك من مستخدمي الأكورد فتره طوييييييييييييييله

مقابله مع شخص مثلك ماتتعوض بالنسبه لي
مرجع للأكورد ماشاء الله علي


كلمه أخيره للهوندا عامه والأكورد خاصه؟
سلبيات الأكورد وإيجابياتها...؟
أحس عندي أسئله كثيره وأنشاء الله ماتنغث مني

^^ بلا هوندا بلا وجع قلب ،،
وش جانا من ورا هوندا غير التعب
غير المشاكل ،
غير كراسي المكينة
غير اصوات الديكور
غير الفرامل اللي تخلص بسرعة
غير تغيير المكاين والقيور والتوضيب وش جانا ،

يسعدلي هالوجه:d ~

اوووووووووه موضووع طويل وشيق ما شاء الله عليك اخوي

السيارة جنان بس الأروع لوحة السيارة
لوووووووول

بسم الله ما شاء الله

بصراحة تقرير حلو واجد واجد واجد

الله يعطيك السيارة اللي في بالك انشاء الله

وربي يعوض عليك بخير محجوبة إنشاء الله

بصراحة انا ابغا الإستكر اللي على ابواب السيارة ياااااااااااااااريت احصله

تراه عجبني واجد واجد

وطبعا الحقوق لك لا تخاف

بس بعد اذنك اذا ممكن نحصل عليــــــــــــــــــــــــــه

مشكور على قصة المحجوبه جد عشرة عمر وتمنيت اني بدال المحجوبه ههههههههههههههههه

ونآسة .. :d ... مشكور على المرور الطيب ..

K.H.A.L.I.D .. كلامك صحيح .. بعد هالمسيرة من التعديل .. حسيت اني تشبعت شوي .. والحين لسا جالس افكر اخذ لي سيارة فخمة شوي على قد الحال .. بس مو اوريون عاااااد الأكورد أفضل وأكشخ منها صراحة ..
وشكلي زي ما تفضلت ما راح اخذ هوندا خلاص ..
كلمتي لهوندا .. انها شركة عجيبة !! ما تعطيك اللي نفسك فيه .. من مواصفات وغيرها .. بس لما تقتني سياراتها ترضى عنها بشكل غريب ومجهول السبب ..
كلمتي للأكورد .. ملكة بأسلوبها .. بقيادتها .. بأمانها .. موب بالمظاهر وبس ..
بصراحة وبالنسبة لسيارتي السابقة .. ما في شي اقدر اطلق عليه عيب .. لأني أدي أن الخرابات اللي طلعت لي هي بسببي ومن أسلوب قيادتي .. لاعن خامسها وبالعكس .. أقدر لها أنها صبرت معاي 4 سنوات من الكرف المتواصل ! ... فـ كل ما فيها جذاب على قولتهم وانا اشوفها كانت ايجابية بمعظم نواحيها ..
وشكرا ..

هههههه .. مشكور على مرورك يا xblotox ..

اكورد الفين .. مشكور على الرد الحلو وعلى المرور الاحلى .. بالنسبة لصورة الاستكر الاصلي جلست ادور على صورة واضحة في النت ساعة كاملة لما رسلت لي الرسالة وما حصلت .. اسف لأني نسيت وما رديت عليك .. انا راح اعطيك اسم التعديل وانت دور على صورة كويسة يمكن تتوفق وتشوف ..
التعديل كان على سيفيك لفرقة Fall Out Boy >> اكتب في قوقل الصور .. civic fall out boy وان شاء الله تحصلها ..

biker boy .. هههههههههه حلوة منك بدال المحجوبة .. مشكور على ردك اللطيف ..

طيب اخي مشكور وما قصرت

انت سويت الأستكر عن دانة الساحل اللي تصير في التركية الصناعية صح ؟؟

اذا عنده انا باروح اشوف يمكن لسه عنده

ايوا بالضبط عند هذا المحل ..

ان شاء الله تحصله عنده ..اذا ما تذكره قول له سواه عندك اسماعيل على الاكورد ايام المهرجان العام الماضي ..

بالتوفيق ..