الموضوع: { الأكورد راحت :( .. صور الحادث ~

الحمد الله ع سلامتك وفـ الحديد ولا فيك ...والشبااب كفوو و وفوو .. وانشاء تقدر ترجعها وكاله بس احرص على السؤاال ع الورشه الزينه ومثل ما قال كاكاشي ترى الوكاله ورشه زيها زي غيرها ويمكن غيرها افضل ,,بس اهم شي لا تستعجل يا بعدي,,
والحمد الله ع السلامه,:(

بالحديد ولا فيك ., أخوي .,

وأهم شئ انت سالم

حسبنا الله ونعم الوكيل

انا لله وانا إليه راجعون

الحمد لله على سلامتك
وفي الحديد ولا فيك


وحبيت انبهك وانصحك

أول شيئ : لا تتنازل أبدا أبدا عن راعي السطحه
هو المخطي 100%
وانت وش ذنبك ماشي بطريقك ما دريت الا راعي السطحه قدامك وساد الطريق

ثاني شيئ : التأمين انتبه منهم
خلك ناشب لهم
لا تسكت عن حقك
طبعا خلك مصر قطع غيار وكاله وأصلي

وشوف وش اللي خرب وتأثر
واكتبه بقائمه
ورح شف اسعارها وكلها أصليه
و تعطيها التأمين أو المرور

صح ولا تنسى تقدير (تسعير) شغل اليد

ثالث شيئ : اذا تبي تصلح بالورشه صلح عند ورشات ممتازه ومحترمه
علشان تدفع فلووس على شيئ يستاهل
مو أي كلام


رابع شيئ : لا تنسى المكاسر

خامس شيئ : التشليح الله يعينك لأن موديل جديد واسعارها مو رخيصه

حاب اذكر لك تجربة ..

صار علي حادث .. وانا مامن من حق التاجير ذولي
تامين شامل

قالو لي جبها جده .. المعاملات تاخذ فتره شهر او حوله وتصليح السياره ياخذ شهرين ونص !!

سحبت عليهم .. واخذت من الرجال 10 االاف .. وتقدير الوكاله 15 الف
وصلحتها في أغلى ورشة في المنطقة الجنوبية بـ 3500 شغل يد ..
بعد ما طلعت قلت ياليت انها كانت في الوكاله !!!

باختصار .. الاكورد راح تكلفك كثير ..
نصيحتي : بعها واشتر غيرها .. (مو لازم اكورد .. ومو لازم جديد :d)

شف اذا التكليف كثير وماودك تكلف على نفسك خض الاسطبات و الجنوط و قطع و الرفرف الخلفي وقطع وبعها وجيبلك قيمه والسياره يحلها حلال

لاحول ولاقوة الا بالله الحمدلله على سلامتك ثامر
والله يعوضك باللي ازين منه ويجبر خاطرك
بزعمي ياثامر لو تبيعه وهي مصدومه وتزود عليه فلوس راعي السطحه
وتاخذلك موترن جديد ازين لك لانه مهما كآآن ماهي راجعتن مثل اول الموتر
وتبي تبلشك بالاصوات والخرابات والطقطقه فهذا شوري لك
والله يكتب لك اللي به خير لك ويعينك

اولا الحمدلله على سلامتك وانا اخوك الحديد مهما كانت الاضرار تتعوض اما الجسد لا ماتشوف شر اخوي
الافضل انك تجيب رفرف وبيبان من التشليح كامل موناقص مسمار ونفس لون سيارتك عشان ماترش السيارة كثير
وجيب الشمعة من التشليح برضو وانشاءالله ترجع زي اول بس انت ابعد عن السمكرة

انااا واحد صاار معي زي هالحادث بالضبط بس موو على موتري على اكوورد ثاني كلفتني قطع الغيار باب امامي ورفرف امامي 2400 ريال مع المساكات النيكل
والباب والرفرف الخلفي كلهاا سمكررره بس والله والله انهاا ما بااانة والله انهااا راجعه زي الوكاله
تمت السمكره في ورشة الوفاء في الصناعيه القديمه بالريااض صحيح اننهم غالين لاكن والله عليهم شغل ازين من الوكاله وخاصه ان مووترك لؤلؤي يجيبوونه نفس اللون باللمعه بعد

كلفتني السمكررة مع الرش البيبان الاثنين والرفرف الامامي والخلفي 3500

لاكن والله انهاا ورشة ماشاا الله

فاناا انصحك ترووح لهم

واذاا بغيت شي راسلني على الخااص

السلام عليكم الحمد لله على سلامتك يالغالي في الحديد ولا فيك والله يعوضك فيها بخير
اخوي انا عندي فكره يمكن تعجبك اعرض السياره للبيع بحالتها الحين وشوف كم تجيب لك واحسب مع قيمتها قيمة التعويض ان شاء الله بيطلع لك مبلغ حلو روح واشتر وحده جديده واذا الدراهم ما توفي
اشتر وحده مستعمله ما تكون ماشيه كثير وتكون سليمه تماماً من الحوادث والمشاكل واذا مره ماتكفي صلحها والله يعينك
هذي وجه نظري واتمنى لك الخير اخوي وبالتوفبق
اذا تبي شي من الرياض لا يردك الا الخاص

الحمد لله على السلامه والله يعوضك خير منها اهم شي انك سليم ولله الحمد .. الله يكون في عونك

الحمدلله ع السلامه يابطل

لوني منك انزل من السياره لحظه الحادث وافك الشنطه واخذ المفتاح حق الكفرات واروح لليمني وافتح وجهه --- لاتصدق امزح:d


يالله يارجال اللي جابها يجيب غيرها

اهم شي الحمدلله على سلامتك

ياخي وانت شعليك انت مب غلطان لللللللاتتنازززززززل


ودها الوكاله واطلب كل شي جدييييييييييييييييييد

وخل راعي السطحه هو الي يتكلف ويدفع وانت ولاتدفع ولاريال وخذ كل شي جديد ووكاله

لاتتساهل في حقك

الحمدلله على سلامتك

الحمد لله على السلالالامه ،،،،،
ماتشوف شر يابعدي
الله لايريكم ولااخوانا المسلمين مكروه

الحمدللهـ على سلامتكـ

الله يخليكم جميعاً ،،

والله مادري محتار بين أمرين .. ( تصليحها وكالة ) .. أو ( أبيعها مصدومة ) وأزود قيمة التصليح !

مشكلة البيع في الأقساط اللي ماراح منها الا 5 أقساط بس ! وباقي كثير .. مالها حل ؟

والأقرب اني باصلحها وكالة وان شاء الله تظبط .. بس ماحد افادني وش أفضل فرع وكالة في الرياض ؟

د.نايف ... بالعكس يالغالي لاتحرمنا طلتك وإفادتك ،،

ماقصرتوا جميعاً الله يسلمكم ويعافيكم ولا يوريكم مكروه ،،

وأعذروني ابلشتكم تقول ماحد صدم غيري :d:( ،،

الحمدلله عـ السلامة يا ثامر و خطاك السوء و ان شاء الله معوض بالي احسن منها
على طـاري الإيرباق بعلمك سـالفة
في واحد من الزملاء عنده شفرولية فنشر العائلية
قدر الله و صابه حـادث و الإيرباق ما طلع له
فرفع شكوى على الوكالة مدري لكن الوكالة الأساسية الأساسية او مندوب مبيعات في الشرق الأوسط ( دبي )
و قـال لهم بالسالفة الي صارت معه و عطاهم بيانات السيارة المتضرره
و في الحال عطوه سيارة مثلها جديده .. أهم شي سمعتهم
----
جـرب ياخوي ثامر قدم شكوى بخصوص هذي المشكلة ما راح تخسر شي
و يمكن تكون فائدة لك
-----
و بخصوص التصليح ... اذا تبي تصلح انصحك لا تصير مثل حالتي
كانت عندي الوكالة حاجة تقول مقدسه من كثر ما اثق فيها
لكن من صار الحادث و شفت شغلهم لعنت ابو اليوم الي وديت سيارتي عندهم

والله يكون في عونك

المشاركة الأصلية كتبت بواسطة الــمــســافــر

خذ فلوس التامين وتعال للرياض اوديك ورشه ترجعها لك وكاله خصوصا ان اغلبه فك وركب

وذا منت مرتاح الا بشغل الوكاله عندك فرع خريص ممتاز شغلهم

بـ غض النظر عن السعر .. الورشة اللي تقول عنها أفضل من شغل الوكالة ؟



::

المشاركة الأصلية كتبت بواسطة أبو الريش

الحمدلله عـ السلامة يا ثامر و خطاك السوء و ان شاء الله معوض بالي احسن منها
على طـاري الإيرباق بعلمك سـالفة
في واحد من الزملاء عنده شفرولية فنشر العائلية
قدر الله و صابه حـادث و الإيرباق ما طلع له
فرفع شكوى على الوكالة مدري لكن الوكالة الأساسية الأساسية او مندوب مبيعات في الشرق الأوسط ( دبي )
و قـال لهم بالسالفة الي صارت معه و عطاهم بيانات السيارة المتضرره
و في الحال عطوه سيارة مثلها جديده .. أهم شي سمعتهم
----
جـرب ياخوي ثامر قدم شكوى بخصوص هذي المشكلة ما راح تخسر شي
و يمكن تكون فائدة لك
-----
و بخصوص التصليح ... اذا تبي تصلح انصحك لا تصير مثل حالتي
كانت عندي الوكالة حاجة تقول مقدسه من كثر ما اثق فيها
لكن من صار الحادث و شفت شغلهم لعنت ابو اليوم الي وديت سيارتي عندهم

والله يكون في عونك

الله يسلمك .. بالنسبة للايرباق انا مدري هل هو المفروض يطلع الايرباق الأمامي اللي في الدركسون والصدمه من الجنب ؟ والله أتمنى يكون خطأ مصنعي استفيد منه بس لازم اتأكد أول ،،

افاا اجل حتى الوكالة :( .. أي فرع اللي صلحت عنده ؟

الحمدلله على السلامة
وفي الحديد ولا فيك

من راي انا اقول انك تبيعها وتاخذلك وحدة جديدة احسن


لان الجهه اليمنى كلها رااحت


والله يكون فعونك

الحمد لله على سلامتك وأحمد ربك ما صار فيك شي

وأنت ما تدري وش الخيره فيه
" عسا أن تكرهو شياً وهو خير لكم "

وأنا أنصحك أنصحك تستخير في كل صغيره تسويها

وأتمنى لك التوفيق

وبشرنا إذا صلحتها

اول شئ الحمد لله على السلامة
وثاني شئ قدر الله وما شاء فعل الله يعوض عليك اخوي

الحمد لله على السلامة وفي الحديد ولا فيك