{ الأكورد راحت :( .. صور الحادث ~

**ن ع ر السعودية 0005** · 31-08-2009, 03:15 AM

الحمد لله على السلامة أخوي ثامر وما تشوف شر ......

إذا بتصلحها في ورشه غير الوكالة سعر القطع بالوكالة والتشاليح وخصوصا تشاليح القصيم لانهم أرخص من تشاليح الرياض وأذكر شفت كم أكورد هناك في تشاليح العجلان فيه ثلاث تشاليح للعجلان كلهم أسعارهم كويسه وحتى لوكاسرته بيعطيك بسعر حلو أحسن من تشاليح الرياض إلى كل محل يزود من عنده وكلهم أبويمن وأسعارهم نار ...... وإذا بتصلح بالقصيم فيه ورشه الحسون هذي شغلهم ممتاز وغالين شوي ويجي بعده ورشه الضمان وهذا شغلهم جيد جدا وشفت عندهم في شهر 6 كم أكورد موديل 8 مدري9 وحده لو تشوفها تقول هذي المفروض تروح تشليح لكنهم يصلحونها وهذولي المشهورين بالقصيم وبالتحديد بعنيزة ... والله يكون في عونك أخوي ثامر ............

**م ج رد حلم** · 31-08-2009, 03:29 AM

المشاركة الأصلية كتبت بواسطة t h a m e r

بـ غض النظر عن السعر .. الورشة اللي تقول عنها أفضل من شغل الوكالة ؟

::

الله يسلمك .. بالنسبة للايرباق انا مدري هل هو المفروض يطلع الايرباق الأمامي اللي في الدركسون والصدمه من الجنب ؟ والله أتمنى يكون خطأ مصنعي استفيد منه بس لازم اتأكد أول ،،

افاا اجل حتى الوكالة :( .. أي فرع اللي صلحت عنده ؟

حسب الي اعرفه لو ماكنت رابط الحزااام مايطلع ايرباق الدرسكون

الله يسهل امرك

تحياتي لك

**T H A M E R** · 31-08-2009, 03:55 AM

الورشات سعـّـروا قطع الغيار بـ 18 ألف ريال .. بدون الشغل .. ما ادري من وين لهم أسعار القطع ؟!
الوكالة تسعيرتهم بعد يومين ،،

اللي قررته إلى الآن : أصلحها في وكالة هوندا الرياض فرع خريص .. اذا رجعت مثل اول تمام ياسلام ،،

اذا فيهـا وما فيها .. أبيعها .. و بقيمتها أسدد اقساطها .. يصير مايبقى الا قليل من الأقساط .. ارجع ابدأ اقصط وحده ثانيه من جديد :( .. بس اتوقع صعبه ،،

وش رايكم في حل أفضل من كذا ؟

::

ن ع ر .. انا ماهمني السعر لاني خسران خسران .. اللي يهمني الشغل المظبوط و المضمون .. هل في ورشات (( أفضل )) من الوكالة ؟

::

المشاركة الأصلية كتبت بواسطة م ج رد حلم

حسب الي اعرفه لو ماكنت رابط الحزااام مايطلع ايرباق الدرسكون

الله يسهل امرك

تحياتي لك

يالغالي .. انا حاط اللــسان اللي يسكت صوت الحزام .. يعني كأني رابط الحزام !

فـ ياليت تفيدوني شباب ! .. الصدمه من الجهة اليسرى .. الايرباقات الجانبية طلعت .. ايرباق الراكب الأمامي طلع .. الارباق اللي في الدركسون ماطلع .. هل هذا طبيعي أوعيب مصنعي ؟ .. لان هالنقطة اتوقع راح تفرق معي وتفيدني كثير ،،

وفي كل رد راح اشكركم ولا يكفيــكمـ ،، :o

**caramel** · 31-08-2009, 04:16 AM

الحمد لله علي السلامه ثامر والله مدري ايش اقولك احس جتني صدمه يوم شفت موترك حسبي الله ونعم والوكيل علي راعي السطحه :(

**أبو الريش** · 31-08-2009, 04:33 AM

افاا اجل حتى الوكالة :( .. أي فرع اللي صلحت عنده ؟

اي والله حتى الوكالة ياخوك و بوريك كيف كانت صدمتي و الحفله الي صارت فيها :(

فرع الدمام شارع الكباري( طريق الدمام-الخبر)

**قـف و نـاظـر** · 01-09-2009, 03:58 AM

الف الحمد الله ع السلامه ... والحديد يتعوض وانا خووك بس النفس اذا راحت ماتتعوض

الله ييسر أموووركـ.’

يابعد حيي ..

واحد من خوياي معه زي موترك فل 4 سلندر جاه صدمه على الوجه في يوم العيد هههههههههه منحووس ودليته ع ورشه وطلعت زي الوكاله .. وجاها صدمه على البيبان الثنين الجهة اليمنى وصلحهـا تقريبـاً بحدوود الـ5 الف وشوي مع السمكه الي تحت البيبان ..

والورشة هي بالرياض موقعهـا يالغاالي مخرج 28 صناعية العاصمة .. اسمهـا صناعية المهندس اسم ع مسمى ههههههههه الي يشتغل فيها اتراااك .. والله شغلهم ماتفرق بينهم وبين الوكاله..

**jassim7779** · 01-09-2009, 04:16 AM

اهم شي سلامتك
ياا ثامـــر
الحديد يتعوض

**T H A M E R** · 02-09-2009, 04:24 AM

الله يسلمكمـ //

ماحد عنده علم بالنسبة للايرباق ؟

**~ ThameR ~** · 02-09-2009, 06:08 AM

:( Awww واللـه صورة تقطع القلب :(

الحمد لله على السلامه ياثامر ..

والله يعوضك
الوكالات بيصقعونك فوق 20 آلف
دقق عليهم إذا وديتها تراهم نصآبين ..
والله صارت مع واحد من اخوياي جته صدمه فالبيبان والرفرف الخلفي والحمد لله طلع سليم
رحت معه نشوف كم تكلف .. طبعاً مأمن عليهآ بس فيه اجرائات التقدير نسويها !:( طلعت عند المرور بـ 3200 ريال وشيخ المعارض بـ 4000
تدري الوكاله كم حسبوها ؟؟
11500 ريال .. والله ما تسوا سعرهم .. وين والصدمات كله بابين يتغيرون وسمكره للرفرف الخلفي ووسمكره خفيف على الباب الخلفي من جوا .. هذي بتقديراتهم طلعت من 3000 - 4000 ..
الوكاله وش قالوا ؟؟ نفس الشي زادو عليها .. تغير الجنط والكفر وسمكرة الرفرف الخلفي والبيبان كلهآ غيروها بالقزاز !! ..
الجنوط سليمه 100% والكفر بعد والقزاز ما جاه شي بس يفك قزاز الباب نفسه ويركب على الباب الجديد شف الوكالات وشلون يبون فلوسك كلهآ تطلع ..

وطبعا التآمين صلحهآ ودفع لتآمين 2500 تصليح والباقي عليهم .. حسبي الله عليهم !

**HONDA HAILL** · 03-09-2009, 02:35 AM

الحمد لله على السلامهـ ,,, يا ثامر

مشكله الشهبان ودك تحوس ابو شكلهم ...
هذا موقع يتكلم عن الأيرباق بالتــفـصيل http://www.assayyarat.com/forums/showthread.php?t=85782

قبل 6 ايام من اللحضه هذي كنت بتشليح العجلان ببريده وشفت اكورد لؤلؤي مصدومه مع الجهه اليمنى >>> يعني عكس حادثك ... والجهه اللي زي مكان حادثك سليمه ...... ياريت قبل ما تصلحها وكاله ---- ... روح لهم قبل ان شالله تحصلها ... او تحصل غيرها ....

**اللي تغليه ياشين فرقاه** · 03-09-2009, 03:19 AM

الحمدلله على السلامة

والله حزنت كثير عليك

والله تكلف كثير

<< اذا ركبت لا تنسى دعاء الركوب ان شاء الله ما يجيك شي

**M63** · 03-09-2009, 06:00 AM

طالع من الشر وانا اخوك

وفي الحديد ولا فيك

لكن والله قهر

ياليتك موقفه وضاربه ضرب عشان يعرف يسوق

شىء يقهر

**المـــــلكـ اكـــــورد** · 03-09-2009, 06:51 AM

عزيزي خليك على الوكاله لانه راح يعطونك سعر جامد واحتمال يحسبونها لك تالف <<بكذا انت الكسبان

سعر الايرباقات في الوكاله مايقل عن 3000 ريال الراكب

والجانبي اغلى بواجد يمكن يوصل 7000 الاف ريال

البيبان كلها تغيير ماتتسمكر ابدا وسعرها حول 2000 ريال للواحد يعني 4000

الرفرف اليسار رخيص حول 500 ريال

الرفرف الخلفي حدود 1000 ريال <<ألقشرة فقط

شغل اليد هنا المصيبه العظمى في الوكاله اكيد بيحطون رقم اعلى من سعر كل القطع اللي فوق مجتمعه

يعني لاتستغرب اذا الوكاله قالوا لك 30 الف هذا اذا ماكان اكثر

وانا مازلت انصح انك تشتغلها في الوكاله لان فيها فك ديكورات داخليه وتركيب

والوكاله عمالتهم مدربين على فك الديكورات بدون تخريب وتكسير

لو ان شغل سيارتك بس بدي قلت لك رح لاي ورشه شغلهم زين

على العموم الله يوفقك وترجع سيارتك احسن من اول

والحمد لله انك سالم

**T H A M E R** · 03-09-2009, 07:50 PM

الله يسلمكم ويخليكمـ ،،

بالنسبة للوكالة .. القطع طلعت بـ 21300 ريال بعد الخصم ،،

لكني للحين مدري سعر الشغل .. ولا ادري عن سالفة الارباق ،،

يعطيكم العافية

**T H A M E R** · 06-09-2009, 12:53 AM

شباب !

البيبان والرفرف .. يجيبونها سوداء ويرشونها الوكالة وتصير ( مرشوشة ) !!

هالكلام مادخل مخي بس حبيت اتأكد !!

مدري آخذ من التشليح ولا الوكالة اضمن !؟

**المـــــلكـ اكـــــورد** · 06-09-2009, 02:45 AM

^^
ايوه الوكاله كذا يسوون ..على بالك انت في اليابان وراح يجيبون لك الباب من قطع الغيار مرشوش وجاهز :d

التشاليح ماضنتي راح تلقى عندهم الا باب كامل (بكامل ديكوراته وقزازه وكل محتويات الباب) ب5000 ريال <<نصااابين

واذا حصلت باب فاضي اكيد راح يكون في ضربه بسيطه ويبيله معجون

قلت لك لاتعور راسك اذا بتصلح دخلها الوكاله بما انك ماعندك خلفيه في امور التصليح

بالتوفيق

**T H A M E R** · 06-09-2009, 01:55 PM

^

انا بادخلها الوكالة ..

بس السيارة تعتبر مرشوشة ؟!

**kakashi-san** · 06-09-2009, 02:56 PM

^^^^

اكيد يا ثامر راح تعتبر مرشوشة ،

انت باين عليك متخوف ، من سالفة البيع ،

لا تخاف ولا شيء ، اللي كاتبه ربك بيصير ، وحتى لو فكرت تبيع ، توقف السيارة بمعرض ، لا تخلي الشريطية يشوفونها عشان ما يبخسونها ويقولون لك مرشوشة ، !

**T H A M E R** · 06-09-2009, 09:51 PM

^
^

طيب ياشباب .. اذا كانت تعتبر مرشوشة .. لو آخذ من التشليح البابين كامله + الرفرف ... مو احسن طيب ؟

**kakashi-san** · 06-09-2009, 10:39 PM

^^^^

لو بتحصل لك بابين من التشليح ، وخاصة اني قريت لرد واحد من الاعضاء نفس موترك بالضبط لاقيه بالتشليح والصدمة عكس ،

يعني لو لقيتهم مع الديكور بسعر كويس ، اتوقع بيحسبهم لك برخيص ،

وتصلحهم وتركبهم عند الوكالة ،

عشان يصير شغلك كلووو تمام ولا تطلع سيارتك مرشوشه من عند البابين ..

بالتوفيق لك ،

**T H A M E R** · 07-09-2009, 01:50 AM

^
^

خالي بالرياض لقى وحده نظيييفه تشليح .. شكلي باسويها ،،

**هاوي هنادي** · 11-09-2009, 08:15 AM

لا حول ولا وقوة الا بالله ،، والله بصراحة قهر ،، بس الحمد لله على كل حال ،،

الحمد لله على سلامتك ،، كل شي يتعوض وانا اخوك .. والله يعوضك خير ان شاء الله

ما ترى باس ان شاء الله

**Accord Magic** · 11-09-2009, 02:15 PM

لاحول ولاقوة الا بالله

الله يعوض عليك ويجازي الي كان السبب

الحمد لله على السلامه يالغالي ولا تضيق صدرك كل شي يتعوض المهم الصحه والعافيه هاذي هي الي ماتتعوض ابد

**عـويـس** · 12-09-2009, 05:55 AM

الحمد لله على سلآمتك اخوي ثـآمر :(

بالحديد ولا فيك يآلغآلي

وموترك مآر علي قبل الحآدث مآشآء الله

بس الشهبان مايخلون احد في حآله وانا اخوك وبعدين والله قهر اكورد بحآيل من زين هالشوارع الي كأنه ردميـه

آخ بس والله من شفت الصوره اوجعن قلبي بس مابيدي حيله غير اني ادعيلك ان موترك يرجع مثل قبل واحسن

وبتكآليف اقل ان شـآء الله

:( حسبي الله ونعم الوكيل ...