سيارتي أكورد موديل 2006 بجنوط وجناح والكثير

**ACCORD 764** · 07-02-2007, 11:48 AM

السلام عليكم ورحمة الله وبركاته

أحب أصبح عليكم بالخير يامحبي الهوندا

اليوم بأنزل صور سيارتي وهي هوندا أكورد موديل 2006 والتعديلات إللي عليها :

جنوط رياضية خفيفة مقاس 17
جناح خلفي زي حق الكابريس تفصيل ويمكن أكون أول من ركبه على الأكورد 2006
تخشيبة داخليه لونها فاتح زي حق الأودي
زينون فيليبس في الواطي
ستاير خلفية وأمامية
وشوية استكرات خلفية رايقة

أترككم مع الصور بس لاتنسوا تقولوا ماشاء الله لأن العين حق

[/IMG]

أحب أنوه على موضوع الستاير أنا الحقيقة أشوف إنه أحسن من التظليل وقروشة المرور والحاجات هذه ولو تلاحظوا السيارات زي البي إم واللكزس موجود فيها شد بلد بس الخلفية
وهذه مفصلة للأكورد وسعرها 200 ريال عند بن مرضاح في كيلو 2 بجدة والبوية حقت السيارة رغم إن لونها أسود على حالة الوكالة مع إنها عندي لأكثر من سنة والسبب إني أول ماشريتها وديتها التلميع الساطع تلميع داخلي خارجي بـ 700 ريال ونوع شامبو الغسيل حقي إسمه فورميلا يجي لونه أصفر والملمع مجوارتز غسل السيارة مرة في الأسبوع بس وحيصير شكلها زي المراية ماشالله زي اإللي عندي
وإنشالله تكون السيارة عجبتكم وأي آراء وانتقادات أنا أتقبلها بصدر رحب ولايردكم إلا الكيبورد

والصراحة أنا عندي موضوع ومن زمان أبغا أسويه .... ليش ماننظم إحنا شباب جدة مسيرة للأكورد من موديل 2003 إلى 2007 وحددوا المكان والوقت هذا طبعا بعد موافقة إدارة الموقع

تقبلوا تحياتي أخوكم خالد

**Accord 4 EvEr** · 07-02-2007, 07:45 PM

كووووووووووووووووول شي اوكي ماشاءالله تبارك الله

ماعدا التخشيبه ... التخشيبه حلاتها حق طعم يعني اذا زاد يخرب الشكل

فوتكوو بعافيه

**slo7e** · 07-02-2007, 08:20 PM

صحيح التخشيبه مزودجها حبتين (بس تصلح في الشتاء للتدفئه)

والموتر مشاء الله كوول الله يعيطك خيره ويكفيك شره

وتعهديلات رايقه (يادب)

**نيمو** · 07-02-2007, 10:02 PM

ماشاااااااء الله تبارك الله ..... يعطيك خيرها ويكفيك شرها ..... بس التخشيبة لك عليها شوي

لو تشيل اللي عند المكيف لأنها للفل الكامل.... و تخشيبة الدركسون لو تحطها نص جلد ونص خشب....

ودي اسألك عن الشامبو والملمع من وين أخذتهم .... وشكرا

**ACCORD 764** · 08-02-2007, 02:30 AM

أهلين شباب ومشكورين على الردود الحلوة
وبالنسبة للأخ نيمو الشامبو والملمع من محل بن مرضاح بكيلو 2
وسعر الشامبو 25 ريال والملمع 35 ريال يعني كلهم 60 ريال

**M.4** · 08-02-2007, 02:36 AM

ماشاء الله روقااان
تعديلات رايقة معاي اخت سيارتك ونفس الجناح اللي عندك ونفس اللون

مشكور اخوي الله يعطيك خيرها ويكفيك شرها

**الطبل** · 08-02-2007, 01:53 PM

مشاالله رايقة

بس تشرفنا انا شفنا صورتك
طيب شخص....:p طالع كذا مملللللللللللللللووح:o :o :o

**ACCORD 764** · 08-02-2007, 08:33 PM

الله يخليكم حبايبي على تشريفكم الموضوع وعلى الردود

**إنتقام الكبرياء** · 09-02-2007, 05:58 PM

وعليكم السلام ورحمة الله وبركاته

ماشا ءالله تبارك الله الله يعطيك خيرها ويكفيك شرها

تصدق وانا بشوف صورة سيارتك كأنها سيارتي نفس كل شي سبحان الله

لكن حركة الشماسات الي عندي الزجاجة الخلفيه قطعه وحده مو قطعتين

والابواب الامامية كاملة بإذن الله بنزلك صورة لها عشان تشوفها

تحياتي لك

**هوندا كونكورد** · 09-02-2007, 07:52 PM

روعة يا خالد

لكن نفس ما قالوا الجماعة التخشيب زاد شوي

لكن يبقى شغل متعوب عليه ومكلف

والجناح رهيب

بس الجنوط بكم ركبتها للأربع تواير ؟

وشاكر لك جهودك

**عاشق الأكورد06** · 09-02-2007, 11:15 PM

ما شاء الله عليها
الصراحة روعة روعة روعة
بس لو الجنوط ركبتها شكل ثاني احلى يعني تكون سبورت اكثر هذا مجرد اقتراح
ممكن سؤال
شو يعني شد بلد؟
بالامارات ما نستخدمها هالكلمة
اسف على الاطالة

**الهادف** · 10-02-2007, 12:44 AM

المشاركة الأصلية كتبت بواسطة عاشق الأكورد06

ما شاء الله عليها
الصراحة روعة روعة روعة
بس لو الجنوط ركبتها شكل ثاني احلى يعني تكون سبورت اكثر هذا مجرد اقتراح
ممكن سؤال
شو يعني شد بلد؟
بالامارات ما نستخدمها هالكلمة
اسف على الاطالة

شد بلد = stock

ما ادري وش معناها بالعربي :d

بس الشد بلد اهو الشي الا يجي مع السيارة وكالة ... مثلاً

اذا اخذت اكورد سياحي وركبت عليه جنوط .. تصير الجنوط ماهي شد بلد

اما اذا اخذت اكورد فل اوبشن وطبعاً اكيد معاه جنوط هنا تسمى الجنوط شد بلد

ان شاء وضحت الفكرة ؟؟

**ACCORD 764** · 10-02-2007, 02:59 AM

مشكورين على الردود إللي تثلج الصدر حبايبي
وبالنسبة للأخ هوندا كونكورد الجنوط قيمتها 2500 ريال والكفرات 1250
ونوع الكفرات دنلوب SP Sport 9000

والأخ عاشق الأكورد 06 كلمة شد بلد = مال الوكالة ( بدون أي تعديلات )

**Damoosh** · 10-02-2007, 04:18 PM

ماشاء الله تبارك الله
الله يعطيك خيرها ويكفيك شرها

**TAYH** · 11-02-2007, 07:48 PM

ماشالله عليكـ روووعه لكن في شي ناقص ماذكروه الشباب

وهي كشافات اللي تحت (الضبابيه) زينون طبعا وتطلع روووعه

لكن الشي الوحيد اللي ودي اسويه لسيارتي هو الجناح زي اللي عندكـ

**اكورد الجنوب** · 11-02-2007, 08:30 PM

ماشاء الله تبارك الله بس احلى صورة هذي
[I

**إنتقام الكبرياء** · 01-03-2007, 01:00 PM

هذه صور الشماسات الي سبق وقلت بنزل لكم صورها لكن انشغلت

الفترة الماضية وماقدرت انزلكم الصور

**عاشق الأكورد2006** · 01-03-2007, 05:33 PM

الله يطعمك من خيرهاا ويكفيكم من شرهاااا انا ودي مثللا اللي عندكم وين احصلها بالرياض
وشكراااااااااااا

**accord-se** · 03-03-2007, 10:08 AM

ACCORD 764

ماشاء الله سياره جميله وحلوه وكذلك نظيفه

ملاحظاتي .. فكر في كشافات الضباب 2006
باين بأن الكفرات عريضه شويه وطالعه لبرا .. شكل الجنوط حلوه

إنتقام الكبرياء

علبة الماء جميلة وأخوي الصغير يشترك معاك بهذه العاده كل مره اسوق سيارته أشوف ثلاث علب ماء بأحجام مختلفه .. شسالفه هههههه

**إنتقام الكبرياء** · 04-03-2007, 12:38 AM

المشاركة الأصلية كتبت بواسطة accord-se

ACCORD 764

ماشاء الله سياره جميله وحلوه وكذلك نظيفه

ملاحظاتي .. فكر في كشافات الضباب 2006
باين بأن الكفرات عريضه شويه وطالعه لبرا .. شكل الجنوط حلوه

إنتقام الكبرياء

علبة الماء جميلة وأخوي الصغير يشترك معاك بهذه العاده كل مره اسوق سيارته أشوف ثلاث علب ماء بأحجام مختلفه .. شسالفه هههههه

هههههههه ماشاء الله انتبهت على علبة الماء

تعال بل ريقك اكيد تعبان من كثر الفرفرة في الكورنيش :d

**اوصاف البدر** · 03-03-2007, 01:18 PM

ماشاء الله تبارك الله

الله يعطيك خيرها ويكفيك شرها

**عمور** · 03-03-2007, 03:51 PM

بصراحه سيارتك روعه

بس مثل ماقالوا الشباب التخشيبه كأنها زايده اشوي

والله يعطيك خيرها ويكفيك شرها

**العامري** · 04-03-2007, 08:34 PM

ما شاء الله في قمة الروعة صاحبي
الله يعطيك خيرها ويكفيك شرها ... آمين يا رب

تقبل مروري اخي
تحياتي العامري

**accord_2006** · 08-03-2007, 05:33 PM

الله يعطيك خيرها ويصرف عنك شرها

بصراحه لمسات خفيفه لكن حلوه ماشاء الله..

الموضوع: سيارتي أكورد موديل 2006 بجنوط وجناح والكثير

أدوات الموضوع

عرض

العرض المتطور

سيارتي أكورد موديل 2006 بجنوط وجناح والكثير

صور الشماسات الي عندي

المواضيع المتشابهه

.:حصريا:. أكورد 2010 بجنوط 20 بنتلي والكثير الكثير ....

للبيع أكورد فل كل كامل موديل 2006

أستفار عن أكورد موديل 2006 - 2007

صور سيارتي أكورد V6 موديل 2004

مواقع النشر (المفضلة)

مواقع النشر (المفضلة)

ضوابط المشاركة