رح للوكاله خالهم ينقطولك ايها وانشاء الله تروح
السلام عليكم ورحمة الله وبركآته
كيفكم يا جمآعة الخير .. ~
قبل امس صارت لي سالفه ورقيت رصيف .. ~
والسياره نقّطت مويآ .. ورحت للوكآله وقالوا ما فيه شي ان شاء الله .. يقولون يمكن مويا المساحات .. ~
اليوم رحت طآلع معاي صاحبي رحت لزينة السيارات .. وبعد ما خلصت قال روح لقطع الغيار أبغى بوآجي لسيّارتي .. ~
وقفنا عند المحل وقفت بالعرض وحاط الفلشر .. ~
نزل صآحبي الا وآحد من اللي موقفين ريوس علي وحكّني مع الرفرف الخلفي يمين .. :(
رحت التلميع ولمعها لي ... ~
وابغى اشوف وش رايكم وش الحل .. ؟
هذي الصور
ابغى ارجعهآ زي آوّل .. :o
لازم اشتري صدآم كآمل .. :(
واضربه بويه من جديد .. ؟
ولا وش الحل ..؟
رح للوكاله خالهم ينقطولك ايها وانشاء الله تروح
الحمدلله عالسلامه والضربه خفيفه ما تستاهل
واذا تبي نصيحتي يا انك تخليها او تنقطها بقلم بويه
واذا ملزم ترش بالوكاله ترى سعرهم حول 600
وعليكم السلام ورحمة الله وبركاته
عزيزي الله يعينك على الحكه ولكن ترى مش محتاجه أنك تغير صدام
عندك حلين وأولهم تنقيط مثل ماهو حاصل لنا حاليآ
والثاني أنك تصبغ الصدام كامل ولكن ماتستاهل الدعوه أنك تصبغ لأنه ممكن ينحك عليك مره ثانية << وصدقني ماقلتها من فراغ
مره يوكن < جي ام سي الجديد عطى أكوردتي بوسه في الزاوية وأشوى انه موديل جديد ولو انه القديم أبو صدام حديد كان الصدام عندي راح فيها والمهم سويت له تلميع وباقي خط أسود صغير حطيت عليه صبغ من نفس اللون وخلاص
وقبل يومين واحد هندي بسيكل يبي يمر بين سيارتي وسيارة ثانية ولك أن تتخيل وش صار في صدامي
وتنقيط وخلصت
الخلاصة لو أني صابغ الصدام بعد اليوكن كان الحين خسرت وصبغت مره ثانية ويمكن فيها ثالثة
ولكن خل الصبغ آخر شي اذا أنعدم الصدام أكثر
ومثل ماقلت لك ممكن ماترتاح وتحب تصبغ والقرار راجع لك
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
ياخي كل الي ابي اقوله
انك تبعد عن صبغ الصدام كامل
و خلك عـ التنقيط احسن
انا منقط عند الوكاله ,,
ولا احلى
تخيل ارش صدام على مثل هالحكه !!
نصيحتي تروح الوكاله ينقطوون لك نفس اللون وخلصنآ
نقطها عند الوكاله افضل ..
ومجانا من عندهم ..
أفضل من رشها ..
تبي نصيحتي بما ان لونك ابيض عادي مو لؤلؤي
مر اقرب مكتبه
وقوله ابي قلم بويه يجي لونه ابيض زي لون سيارتك
ونقط فيه الحكات
وسعره 5 ريال
يقول ابليس لله عز وجل
( وعزتك وجلالك لأغوينهم مادامت أرواحهم في أجسادهم )
ويقول الله تعالى
( وعزتي وجلالي لأغفرن لهم مادامو يستغفرونني )
استغفرك ربي واتوب اليك
شاشات ستيل كول قوقل اندرويد 3g - wifi - full hd للاكورد 2008 - 2012 تفضل بالدخول
زنـــون اللكــــزس 4300k 55w خصم 15% وشحن فيديكس مجانا لفترة محدودة
مرحبا اخوي ،، ما تشوف شر ان شاء الله
لو انك من سكان الرياض كان وصفت لك مركز يقوم بمعالجة الخدوش دون رش الصدام (( تلقيط فقط )) وترجع زي قبل واحسن ولا يوضح اي شي من علامات التلقيط او الرش ..
طالما منت من سكان الرياض ممكن الوكالة يساعدونك ان شاء الله زي ما تفضلوا الشباب في ردودهم ..
تحياتي ،،
يعطيكم العافيه على مروركم .. ~
الصراحه الي يشوف الموضوع من البدايه يخاف
بس بسيطه اذا راح لون سيارتك اقرب محل تلقيط وخلصنا واذا فلوسك كثيره رش الصدام :d
رقعها بقلم بويه احسن واضمن لك لانها ما تستاهل ترشها
اما تغير صدام على خدش ؟
لا يا طيب هذه حكة لا اكثر
رش و ريح راسك
سلام
نصيحه مني لاترش ولا تغير الصدام
سو مثل ما قالوا لك الشباب أحسن لك وما بتبين
صدقني نقطها ومارااح تعرفها الا انت صدااامي كله حكاات لكن نقط وأمشي وماراح تباان كثيير وتنسها مع الوقت
وشوف الصورة الي في التوقيع الزاوية ترهاا منقطه لكن ماهي وااضحة
يالغالي نايف .. بسييييطة وصارت لي ومايحتاج يضيق صدرك عشانها ،،
وكالة حايل ماعندهم تنقيط ... فـ اذا لقيت القلم اللي قالوا لك الاخوان وكان مثل لون موترك بما انه ابيض اسهل من اللؤلؤي فـ يا سلام نقطها وخلاص ،،
او سو مثل ماسويت انا ... محل بوية وخله ينقطها لك .. والله اني نسيت الحكة .. لين ما امر من عندها و ادقق :d
يعني
لا يضيق صدرك بسيطة ،،
مواقع النشر (المفضلة)