الموضوع: حادثي بسيارتي الاولى للعبرة يااخواني في النادي

السلام عليكم ورحمة الله وبركاته .

ياشباب انا طرحت الصور ماهو فشخرة ولا من هالقبيل لا والله بس لاني شفت موضوع هنا في صور سيارت الاعضاء
لأكثر من واحد من اخويانا في النادي يقول تجربة سياتي وتحدي مع السيارة الفلانية يعني الدعوى فيها سرعة وتحدي

فقلت اطرح صور للعبرة لاني والله بعد هالحادث صرت اخاف على نفسي وعلى اللي اشوفهم يسرعون

السالفه ياطويلين الاعمار في رمضان اللي فات كانت معي هوندا اكورد سبيشل 2005 فكيتها على وكالتها وحافظت على السيارة 5 سنوات المهم صار اللي صار والحمدلله على كل حال والحمدلله سلمت

كنت مسافر للأهل في الايام الاخيرة من رمضان وانا في خط مزدوج قدامي تريله انا رايح واهي جايه امشي يمكن بسرعة 160 ويوم اقبل علي يمكن قرابة 300 متر وهي تلف لاهي معترضة في الخط قدامي ما عاد معي الا ادخل تحتها ولا احذف يمين المشكلة ان يميني عبارة تعرفون في لحظة ما يمدي حتى الواحد يفكر وين يروح المهم حسيت اني تعديت العبارة وانا احذفها يمين وتمكن زاوية صدام التريلة على الباب اللي ورى وتقريبي هي اللي هدت سرعة السيارة ولا كانت علوم ثم تقلب بنا يمكن 5 قلبات والحمدلله على كل حال ياعيال السرعة السرعة تكفون لا تسرعون واللي الله كاتبه يبي يصير بس السرعة خطر وبس وحادثها شين .

على العموم اطرح لكم الصور للعبرة اخذ الحيطة :o

:(