No chrome rims/No lambo doors/No stickers

**xHeartcoreboyx** · 24-02-2010, 12:41 AM

السلام عليكم،،
صور جديد نوعا ما قبل الحادث...3 اسابيع عشان يوصل شبك الميوجين البديل و الشفة من اليابان...الله يخلي التأمين الشامل.

هذا موضوعي الأول : http://hondaarabia.com/club/showthread.php?t=25657

حاليا عندي مشكلة في العجلات الأمامية، انحكت من تحت بالحادث و محتاجة تبديل، السيارة مثل السيرك صارت، ناقص مصاريف انا :(

شكرا على المرور، قولوا ما شاء الله يا شباب، و الله يحفظكم من شر الحوادث و من شر العين،،

**HaMmaM 2008** · 24-02-2010, 01:01 AM

ما شاء الله ع ذوووووقك

الله يعينك وتكمل فلوسك وتضبط سيارتك قريب

بالتوفيق }~

**Mr_3bdullah** · 24-02-2010, 01:01 AM

والله سيارتك ماشاء الله ابدااااااااااع

الله يعطيك خيرها ويكفيك شرها ويوفقك بالبيعة

**xHeartcoreboyx** · 24-02-2010, 01:05 AM

اشكركم شباب، و ان شاء الله السيارة ما ببيعها قبل ما اتخرج...ما عندي فلوس اطلع evo ولا sti...حرام الواحد عنده هواية و آخرته يشتري كروزر =|

**Pink Dream** · 24-02-2010, 01:09 AM

ماشاء الله تبارك الله ,,

صدق لاقالوا للتميز عنوان وانت بالذات ,,

متميز سواءا في ردودك او سيارتك الحلووه ,,

الله يحفظها لك ويحرسها من العين ,,

زي ماقولت سابقا اطلق سيفيك شوفتها بكت ميوجن

تقبل مروري المتواضع ,,

**xHeartcoreboyx** · 24-02-2010, 01:16 AM

تسلم و الله بينك دريم، اشكرك على تقديرك، اول مرة اعرف انه في حد تعجبه ردودي بالمنتدى، احسن نفسي اتفلسف زيادة هههههه

**o-k-r** · 24-02-2010, 02:18 AM

ماشالله تبارك الله

اهم شي التميز وانا اخوك

وبيني وبينك هذا الكت منتشر واجد وبشكل موب طبيعي

انا الى اللحين جالس ادور لي كت اصلي كامل

من دعامات وكبوت

وموفق ان شالله

**xHeartcoreboyx** · 24-02-2010, 02:51 AM

المشاركة الأصلية كتبت بواسطة o-k-r

ماشالله تبارك الله

اهم شي التميز وانا اخوك

وبيني وبينك هذا الكت منتشر واجد وبشكل موب طبيعي

انا الى اللحين جالس ادور لي كت اصلي كامل

من دعامات وكبوت

وموفق ان شالله

الله يسلمك حبيبي،،

الكت منتشر صح، لكن يكون اصلي، رنجات ادفن (و هي رنجات عادة بالخليج تتركب على evo/sti) و نظام سسبنشين كامل و بدون قطع كروم مالها لازمة و ستكرات و حركات زايدة..ما لقيت و الله عندنا، و هذا اللي شجعني،، تراني مو شايف نفسي يالغالي، لكن الحمد لله صار عندي خبرة و خاصة بمجال الرنجات و السسبنشين و ستايل السيارات اليابانية، و صرت اعرف ناس في شركات كبيرة، عرفوني شباب السبورت بقطر، و هذا شي كافي اني اقدر اعدل موتر سبورت صح بالمستقبل، ان شاء الله،،

ترى بالدوحة بس 4 سيارات عليهم الكت، و بس سيارتين عليهم الكت الأصلي، و بس سيارة وحدة تتفق مع الفقرة السابقة

عالعموم يعطيك العافية، و اذا على الكت "الأصلي" ، عندك صدامات التايب ار و عليها كت ميوجين اصلي و ما حد مركبه، بيكلفك كل شي بحدود 30 الف او اكثر مع الشحن.

و عندك كت Ings1 و كت من feel's و كت من spoon و معظمها صدامات جاهزة، يعني كل شي متوفر، و مستعد اكلملك الشركات و اساعدك بالطلب بدون اي مقابل، يعني مو حجة، ما تفهمني غلط،،

و اذا على شغل المكينة، صدقني ما تستاهل، مكينيتنا قدرتها محدودة، و هوندا بانيتها لأفضل اداء ممكن بشرط المحافظة على توفير البنزين، الbolts on للأسف ما تسوي شي، و لا لقيتني معدل المكينة بعد كل اللي اشتغلته،،

الا اذا بتركب جير عادي و تيربو، او تبدل بمكينة و جير و هارنس التاب ار...و في الحالتين، مبلغ كبيرة و ما تستاهل السيارة، لو بسوي هالشي رح توصل تكلفة السيارة للإيفو الجديد او سوبارو او جولف r20 الجديدة..

و اسمحلي على الكلام الزايد، نيتي صافية و الله شاهد، لكن طبيعتي صريح و اقول اللي بقلبي، الله يعين :(

**o-k-r** · 24-02-2010, 03:03 AM

كلامك مضبوط اخوي

وانا اتعامل معا محل في البحرين

يقدر يوفر لي اغراض للهوندا واسعار خياله

وكل شي اصلي

مثل body kit mugen rr قالي دعامات+جناح كاربون فيبر+كبوت مايقارب 4000 ألف ريال سعودي

وكل شي اصلي

شغل فك وركب

واذا على حكاية التعديل وتحويل السيارة

انا واحد من ربعي حول سيارته من اوتو الى عادي وركب لها k20 كلفت 11ألف وكسور معا القير والمكينة والظفيره

شغل فك وركب

والمكينة شبه مستعمله ومعاها قطعها كامله ومجهزة لتركيب الشاحن بس اللهم يزيد فلوسه ويقدر يركبه

وانا عن نفسي الحمدالله حصلت اغراض لمكينة الوكالة r18 من كام امريكي+بساتم واذرعة وكمبيوتر كل شي توفر ولله الحمد

بس ماني مسوي الشي الا ان اتاكد منه

**xHeartcoreboyx** · 24-02-2010, 03:16 AM

اخوي، الميوجين RR هي سيارة محدودة الصنع في اليابان، و ما تقدر تشتري قطعها الا اذا عندك وحدة و عملت حادث و عندك اوراق تثبت الشئ، و التكلفي للصدامات و البانة ما بتكون اقل من ٣٠-٤٠ الف ريال، السيارة سعرها فوق.

اللي لقيته هو صنع صين/فلبين/ماليزا/تايلند و هو تقليد للكت الأصلي، و بالتالي هو مش اصلي، تقليد، ٤٠٠٠ ريال اكيد الكواليتي سئ جدا بيكون، ما اقلك ان ميوجين حاطة سحر بالكت ووصلته ل ١٤الف ريال، لكن الكواليتي اكيد يفرق،،

ياريت لو تعطيني طريقة اكلم صاحبك، و انا جدي، و بالصيف بجي السعودية اركب اذا التكلفة الكلية اقل من ٤٠ الف ريال، و ما اتحدى، لكن من جد محتاج حد يساعدني بالموضوع اذا هذي التكلفة، لاني قعدت فترة ايميلات لشركات باليابان و امريكا و ما وصلت لهذا السعر و لا لشي قريب منه،،

و اذا صاحبك بيبع، انا اشتري، و باي وقت انزل السعودية،،

تراني مالي خبرة كثيرة بالمكينة، لكن من اللي اقرأه و اشوفه عن الR18 انها مكينة ما تستاهل الواحد يشتغل فيها، و حتى نظام الفتك فيها هو لتوفير البنزين و ماله اي علاقة بالأداء مثل مكاين الK-series..

عالعموم الله يوفقك، و ان شاء الله يسير اللي في بالك

**o-k-r** · 24-02-2010, 03:55 AM

المشاركة الأصلية كتبت بواسطة xheartcoreboyx

اخوي، الميوجين rr هي سيارة محدودة الصنع في اليابان، و ما تقدر تشتري قطعها الا اذا عندك وحدة و عملت حادث و عندك اوراق تثبت الشئ، و التكلفي للصدامات و البانة ما بتكون اقل من ٣٠-٤٠ الف ريال، السيارة سعرها فوق.

اللي لقيته هو صنع صين/فلبين/ماليزا/تايلند و هو تقليد للكت الأصلي، و بالتالي هو مش اصلي، تقليد، ٤٠٠٠ ريال اكيد الكواليتي سئ جدا بيكون، ما اقلك ان ميوجين حاطة سحر بالكت ووصلته ل ١٤الف ريال، لكن الكواليتي اكيد يفرق،،

ياريت لو تعطيني طريقة اكلم صاحبك، و انا جدي، و بالصيف بجي السعودية اركب اذا التكلفة الكلية اقل من ٤٠ الف ريال، و ما اتحدى، لكن من جد محتاج حد يساعدني بالموضوع اذا هذي التكلفة، لاني قعدت فترة ايميلات لشركات باليابان و امريكا و ما وصلت لهذا السعر و لا لشي قريب منه،،

و اذا صاحبك بيبع، انا اشتري، و باي وقت انزل السعودية،،

تراني مالي خبرة كثيرة بالمكينة، لكن من اللي اقرأه و اشوفه عن الr18 انها مكينة ما تستاهل الواحد يشتغل فيها، و حتى نظام الفتك فيها هو لتوفير البنزين و ماله اي علاقة بالأداء مثل مكاين الk-series..

عالعموم الله يوفقك، و ان شاء الله يسير اللي في بالك

اذا البضاعة وصلت

تقريبا كل اللي عرفته على شهر 4 ميلادي توصل

وانا بصور الأغراض وبعرضها عندنا بالموقع هنا

وبتشوف اللي يسرك ان شالله

**abAdy.777** · 24-02-2010, 07:36 AM

ماشاء الله تبارك الرحمن
الصراحه رووعه
السيااره وتحسها مافيها عفسه
اضافات حلووه ولون السياره مشالله يساعد..
مووفق يااارب ووننطر كلـ جديدكت

**قـعقــــــوس** · 25-02-2010, 08:05 PM

مشــــاء الله تبـــــارك الله

الله يعطــــيك خيرهـ ويكفــــــيك شرهـ

اهنـــــــيك ع اسفيـــــك مشـــاء الله وقفـــهـ

وتقــــبلو مروري

**xHeartcoreboyx** · 26-02-2010, 01:39 AM

اشكركم شباب، من ذوقكم والله، و اسمحولي على اي قصور،،،

**xHeartcoreboyx** · 26-02-2010, 01:43 AM

اليوم وصل الشبك و انصبغ و ركبته الشبك بالوكالة، الحمد لله شغل مضبوط!

ان شاء االله العجلات اكثر شي توصل بعد يومين، بإذن الله تعالى،،

^ البرنامج اسمه Deliveries للأيفون...ماله حل...

**xHeartcoreboyx** · 26-02-2010, 01:51 AM

بالمناسبة، باعتباري ما عرفت بنفسي....اخوكم عبدالله داود، اردني مقيم بقطر صارلي كم سنة، و مولود و متربي بالكويت (فديتج يا كويت)....ادرس هندسة كهربا بجامعة قطر...سنة و نتخرج ان شاء الله...بس على الله يطلع الgpa شوي لوول

**xHeartcoreboyx** · 27-02-2010, 10:49 PM

اخيرا ركبت العجلات الجديدة اليوم و عملت ميزانية...ما شاء الله السيارة صارت شي ثاني..

و هذا مقارتة بين القديم و الجديد، لاحظوا النقشة و كيف الجديد يبين اعرض مع ان الثنين نفس المقاس تماما،،

**Pink Dream** · 27-02-2010, 11:00 PM

ايش نوع التواير ؟؟

اظنها يوكوهاما اس درايف او ادفان سبورت ؟؟

ليش مافكرت بـ ContiSportContact 3 السبور ؟!!

بصراحه مركبها ومبسوووط منها لاخر درجه ..

وكنت افكر في نفس توايرك بس سألت كثير وقالوا ماتعمر كثير ...

ومبروووووك عليك الشبك والتواير يامهندس عبدالله

**xHeartcoreboyx** · 27-02-2010, 11:14 PM

هلا والله حبيبي، ربي يبارك فيك يا شيخ

التواير هي Dunlop Star spec Z1...و القدما هما Yoko s-Drive

الz1 احسن من الAdvan sport بس الأحسن من الإثنين هم Yoko AD08 و Bridgestone RE-11 بس اسعارهم فوق ٤٠٠٠ ريال مع الشحن...

عجلاتك ما شفتها من قبل عندنا، بس ما لحقت ادور كثير، و كان بودي بشي يشبه السلكات و عجبتني سمعة العجلات بامريكا و استخدامها المكثف في الحلبات،

**Pink Dream** · 11-03-2010, 02:28 AM

معقوله كفرات كونتينتال مو معروفه عندكم ؟؟!!

طيب هيا تجي على الاودي a4 والبي ام بعض فئاتها وكمان المرسيدس E

وتقيمها عالي جدا واتفوقت على كثير كفرات منها الادفان والبيرلي ايضا افضل من البوتينزا 50RE

الي خلاني اختارها اولا ثباتها مقبول ومانقول الافضل لكن يبيض الوجه

والسبب الرئيسي ان عمرها اطول من باقي الكفرات ,,,

**xHeartcoreboyx** · 16-03-2010, 08:27 PM

اليوم بدلت السفايف، و سويت تورنة، و تنظيف بريكات، شغل وكالة نظييييف، الحمد لله كل شي صار اوكيي

ما شاء الله تبارك الله،،

**محجوب** · 23-03-2010, 10:33 PM

ما شاء الله تبارك الله

بدون اي مبالغة .. مو قادر اوصف اللي بقوله ! بس بحاول ..

السيارة تحسها ابداع .. ونفس الوقت ما فيها اي مبالغة (over) ..

السر عندك في التناسق التام بين التعديلات .. وعلى قولتك بدون كروم وبدون ابواب لامبو وبدون ستيكرز ..

مع اني مو معاك تمام في هالعبارة .. لأن زي ما قلت سابقا السر في التناسق .. وانا (بالنسبة لذوقي الشخصي) لو ما شفت التناسق في سيارتي السابقة الاكورد بالاستيكرز وبعض اللمسات الكرومية كان وافقتك الرأي لأنه في 99% من الحالات صحيح ..

.....

الله يوفقك في دراستك ويبعد عنك شر العين .. وعقبال الايفو 10

**xHeartcoreboyx** · 24-03-2010, 07:00 PM

اشكرك اخوي محجووب على ذوقك العالي، و ان شاء الله دايما نكون عند حسن ظنكم،،

بخصوص الكروم، انا مو ضده تماما لكن ضد الستايل ال.....اللي تجي فيه معظم رنجات الكروم....

امثلة:

رنجات بشعة

رنجات كروم حلوة..

ان شاء الله وصلت الفكرة، انا مش ضد الكروم و البوليش، لكن ضد الديزاين، و الناس اذواق بالآخر

على فكرة سيارتك راكبة عليها الرنجات و الستكرات برأيي، لكن ما اتوقع الستكرات حلوة على طول، يمكن بس للمهرجان/شو..