The black vtec story .... قصة الفتك السوداء

**BLACK VTEC** · 20-12-2010, 10:40 PM

بسم الله الرحمن الرحيم

مرحبا... يا جماعه الخير

معاكم العضو الجديد BLACK VTEC , اماراتي

هذا اول موضوع لي واتمنى انه ينال اعجابكم واي ردود مهما كان نوعها اتقبله بصدر رحب

تبدأ قصتي بإعجابي بسيارات الهوندا وبشكل اخص فئة اكورد ( 2006- 2007 ) وهي من نوع V6 VTEC

وتصادف بأني حصلت على السياره بحالة ممتازة ( نظيفه بحاله وكاله )

وطبعا كشاب احب اضيف لمسه خاصة بالسياره

اولا: في البداية بحث على رنجات السياره ورحت كذا مكان وبالاخير حصلت على وكيل رنجات الـ O.Z
( Yallow Hat ) وهي بقياس 17 .

ملاحظة :طبعا وهذا قبل التركيب

ثانيا: حبيت ادور على شي ثاني مميز بالسياره وكان دور المصابيح الخلفية وتميت ادور على نوع معين من المصابيح باللهجه الاماراتيه ( الاصطاب الخلفي ) وما حصلت بالامارات .. وانا بالاساس كنت ابي اضيف لمسه سوده على السياره بما انها سوداء
بما اني ما حصلت على اللون اللي ابغيه بديت ادور عليه بالانترنت وكان هذا اللي حصلته ، وهو من نوع DEPO الامريكيه وهو مصنوع من الكاربون فيبر اسود اللون وهذا اللي استحوذ على رغبتي

ثالثا: وصلت للجهة الامامية للسياره ، وطبعا المميز بالسياره تصميمها بزوايا حاده وشكلها شكل هجومي فلازم تكون لها لمسه خاصه مثل ما حصل للمصابيح الخلفية اللون الاسود
وطبعا مثل ما حصل للمصابيح الخلفيه بديت ادور على مصاببيح اماميه بالامارات مع الشبك السفلي والشبك العلوي للسياره ولم اجدها بالامارات وانما وجدت نوع رديئة والحل الاخير كان عن طريق الانترنت

وحصلت على الشبك علوي والسفلي من شركه GRILCRAFT وهي مختصه بالشبك الجاهز وسهولة تركيبه وهذه صوره له

وهذه صورة المصابيح الامامية

ملاحظة : المصابيح قبل التركيب وهي من نوع LED PROGECTOR

بالنسبة لتعديلا داخل المكينه او تنزيل وترفيع السياره فما لمست أي شي منها وانما كان تركيزي على الشكل الخارجي

--------------

قبل ما اسوي اي تعديل على السياره شفت صورها للسياره عن طريق المواقع الاجنبيه وشركات تعديل السيارات المتنوعه بالتحديد MUGEN

بالنهاية سويت السياره او التعديلات اللي كنت اتمناها ( سياره هجومية سوادء )

والحين اترككم مع الصور

ملاحظه: السياره قبل التعديل

-----

*ملاحظة الصور بعدسة المصور الاماراتي المحترف يوسف الهرمودي

وهذه اللي عجبتني وااايد

*ملاحظة الصور بعدسة المصور الاماراتي المحترف يوسف الهرمودي

هذه قصة محبوبتي الهوندا THE BLACK VTEC

أرجو ان تنال اعجابكم وانتظر تعليقاتكم

**Pink Dream** · 20-12-2010, 10:47 PM

ماشاء الله تبارك الله

لمسات حلووه ومميزه ,,

خصوصا الشبك جدا مميييز ,,

اهنييك على ذوقك بصراحه ,,

ويعطيك ربي من خيرها ويكفيك شرها ,,

تقبل مروري

**abu khaled** · 20-12-2010, 10:58 PM

ماشاء الله تبارك الله
لمسات بسيطه وحلوه
لو تركب لها يايات ايباخ تعطيك تنزيله خفيفه بتطلع احلى

**sabti_80** · 20-12-2010, 11:20 PM

اييييييييييييييييييييييه على الامارات و ايامها ... احلى ايام والله

ما شاء الله اخوي جد تعديل السياره جدا رااااااااقي و انت شكلك صاحب ذوق و فن

تحياتي

**Dodiii78** · 21-12-2010, 12:03 AM

ماشاء الله تبارك الله
الله يعطيك خيرها ويكفيك شرها وشر الحساد

**المباشر** · 21-12-2010, 12:42 AM

ماشاء الله تبارك الله

احس بتكون احلى لو مركب رنجات الاكورد الامريكية v6

والنسافات كل فترة انعجب فيم بزيادة ومطلعتها حلوة وجالس افكر اركبهم في موتري

**K H A @ L I D** · 21-12-2010, 02:43 AM

ماشاء الله تبارك الله

الجنط الييييم بس ناقصك تنزل سيارة

**اكورداوي وافتخر** · 21-12-2010, 05:42 AM

وانا مع الشباب ناقصك تنزيله خفيفه

والله يعطيك خيرها ويكفيك شرها

تحياتي لك..

**Honda*2008** · 21-12-2010, 08:22 AM

ما شاء الله
الله يعطيك خيرها ويكفيك شرها

بس ناقصك تركب يايات ايباخ

**باحطاب** · 21-12-2010, 07:10 PM

ماشاء الله تبارك الله
التعديلك حلوووو

والتصوير ابدااااع :d

**~ Aβdułяhмαη •™** · 21-12-2010, 07:38 PM

ماشاء الله
الله يطعمكـ من خيرهـ ويكفيكـ شرهـ
آتوقع إنه آحلى إكورد بالإمارات <~~ بدون مجامله ..

**lambo** · 21-12-2010, 08:45 PM

ماشاء اللهتبارك الله .. يعطيك خيرها ويكفيك شرها .. اكورد بتعديلات جميله حقا
بالاضافه الى اليايات اللي ذكروها الشباب .. اتمنى تشيل الكشافات الصفراء
وتخليها نوار عاديه .. وخل الواطي زنون ابيض ٤٣٠٠ كالفن فقط .. وبالتوفيق لك ..

**مجوووودي** · 21-12-2010, 09:35 PM

ماشاءالله ابداع ..

بس الجنوط لك عليها شوي احسها عادية ..

**هاري بوتر** · 23-12-2010, 09:57 AM

المصابيح الامامية اكثر من رائعة
ماشاء الله تبارك الله
ربنا يعطيك خيرها ويكفيك شرها

**BLACK VTEC** · 27-12-2010, 01:05 PM

مشكور اخوي على على مرورك الجميل ونا اللي آسف لاني تأخرت بالرد عليك
بخصوص الشبك يا عزيزي حبيت اكون متميز بين الشباب فما توفعت ان هالشبك ما راح يكون موجود إلا على سيارتي

تحياتي لك

**BLACK VTEC** · 27-12-2010, 01:08 PM

المشاركة الأصلية كتبت بواسطة pink dream

ماشاء الله تبارك الله

لمسات حلووه ومميزه ,,

خصوصا الشبك جدا مميييز ,,

اهنييك على ذوقك بصراحه ,,

ويعطيك ربي من خيرها ويكفيك شرها ,,

تقبل مروري

مشكور اخوي على على مرورك الجميل ونا اللي آسف لاني تأخرت بالرد عليك
بخصوص الشبك يا عزيزي حبيت اكون متميز بين الشباب فما توفعت ان هالشبك ما راح يكون موجود إلا على سيارتي

تحياتي لك

**BLACK VTEC** · 27-12-2010, 01:11 PM

المشاركة الأصلية كتبت بواسطة abu khaled

ماشاء الله تبارك الله

لمسات بسيطه وحلوه
لو تركب لها يايات ايباخ تعطيك تنزيله خفيفه بتطلع احلى

مشكور اخوي على مرورك ..
انا بالأول ما كنت اعرف شو تقصد من كلمة يايات ايباخ :d
بعدها سألت وعرفت

بس انا سؤالي يا عزيزي اليايات مثل ما تقولها .. هي تجي كت كامل ولا كيف ..؟

وشكرا

وبخصوص التنزيله كانت منزله السياره بس ما شاء الله شوارعنا بالامارات بعض الشوارع فيها صعوبه باالسواقه اذا السياره منزله فرفتها بحاله الوكاله

**BLACK VTEC** · 27-12-2010, 01:14 PM

المشاركة الأصلية كتبت بواسطة sabti_80

اييييييييييييييييييييييه على الامارات و ايامها ... احلى ايام والله

ما شاء الله اخوي جد تعديل السياره جدا رااااااااقي و انت شكلك صاحب ذوق و فن

تحياتي

مشكور اخوي على مروك الجميل وكلامك المعسل :d

تعرف كل انسان يحب يكون متميز في شي ونا حبيت اكون متميز بشي مو موجود بالامارات .. لان جميع القطع بالسياره اللي ركبتها هي من امريكا وغير متوفره بالسوق الاماراتي للأسف .. ما عدا الرنج من الامارات .. ما بعرف شو بتقولون على الرنج :d

**BLACK VTEC** · 27-12-2010, 01:15 PM

المشاركة الأصلية كتبت بواسطة Dodiii78

ماشاء الله تبارك الله

الله يعطيك خيرها ويكفيك شرها وشر الحساد

الله يسلمك ويحفظك رب العالمين من كل شر انت وسيارتك :d

**BLACK VTEC** · 27-12-2010, 01:18 PM

المشاركة الأصلية كتبت بواسطة المباشر

ماشاء الله تبارك الله

احس بتكون احلى لو مركب رنجات الاكورد الامريكية v6

والنسافات كل فترة انعجب فيم بزيادة ومطلعتها حلوة وجالس افكر اركبهم في موتري

مشكور الغالي على مرورك الكريم
رايك على العين والراس بس انا حبيت اضيف لمسه غير ع لمسه الوكاله

انت صاحب ذوق وان شاء الله نشوف النسافات على موترك ..

**BLACK VTEC** · 27-12-2010, 01:20 PM

المشاركة الأصلية كتبت بواسطة عاشق سفيك هاتشباك

ماشاء الله تبارك الله

الجنط الييييم بس ناقصك تنزل سيارة

مشكور اخوي على مرورك الكريم

انا جربت التنزيل بس ان شاء الله بالمستقبل بفكر بالتنزيل لو على خفيف

**BLACK VTEC** · 27-12-2010, 01:21 PM

المشاركة الأصلية كتبت بواسطة اكورداوي وافتخر

وانا مع الشباب ناقصك تنزيله خفيفه

والله يعطيك خيرها ويكفيك شرها

تحياتي لك..

مشكور اخوي على مرورك وتحياتي لك

**BLACK VTEC** · 27-12-2010, 01:22 PM

المشاركة الأصلية كتبت بواسطة honda*2008

ما شاء الله

الله يعطيك خيرها ويكفيك شرها

بس ناقصك تركب يايات ايباخ

مشكور اخوي على مرورك
وان شاء الله راح يكون في تفكير بالمستقبل بخصوص اليايات ايباخ بس انا ابي اعرف اكثر عن اليايات ايباخ

**BLACK VTEC** · 27-12-2010, 01:24 PM

المشاركة الأصلية كتبت بواسطة باحطاب

ماشاء الله تبارك الله
التعديلك حلوووو

والتصوير ابدااااع :d

مشكور يا عزيزي على المرور الكريم

ما عليك إلا هو تعديل بسيط :d

بخصوص المصور هو صاحبي من 10 سنوات بس هو احترف مجال التصوير وهذه الصوره من بعض ابداعاته

**BLACK VTEC** · 27-12-2010, 01:27 PM

المشاركة الأصلية كتبت بواسطة ~ Aβdułяhмαη •™

ماشاء الله

الله يطعمكـ من خيرهـ ويكفيكـ شرهـ

آتوقع إنه آحلى إكورد بالإمارات <~~ بدون مجامله ..

مشكور اخوي العزيزي على مرورك بس احس انك تبالغ بموضوع احلى اكورد بالامارات :o

في اكورد بالامارات احلى من الاكورد اللي عندي بس اذا بتقول عن التميز بقولها لك انا الاكورد الوحد بالامارات بهذا الشكل
لاني مثل ما تطرقت مع احد الشباب الطيبين القطع غير متوفره بالامارات بالتحديد المصابيح الخلفيه والاماميه وبلون اسود من سابع المستحيلات تلاقيها بالامارات :( ما بعرف ليش ؟؟