الموضوع: صور سيارتي بالتعديل الجديد ( إكزوز سيستم ) .

المشاركة الأصلية كتبت بواسطة ACCORD 764

عبد الرحمن :
الفلتر إللي طلبته شورت لأنو يقول بالنسبة للأربعة سلندر الشورت مجرب ويعطي فرق أحسن من اللونق .
وبالنسبة للفلبيني هذا الإكزوز والهيدرز كاملة بكل حاجاتها من المكينة ولا بس هيدرز وكات باك ؟ وكم يوم تاخذ السيارة عندو ؟

شوف أخوي بالنسبه للفلتر الموضوع مو كذا الهرجه إنه الفلتر اللونق يحتاج لقوة سحب أكبر من المكينه أكبر من القوه الي يحتاجها الشورت لكن إنت كيف تتغلب على الموضوع ذا تفك كشاف من كشافات الضباب يسير و إنت ماشي الهوا يخبط في الفلتر و يخش على المكينه و لو تفصلها بوكس صغير من الفيبر يجمع الهوا من عند فتحت الكشاف بتشوف قوه مو طبيعيه
و كذا حيكون اللونق أحسن من الشورت لكن إذا ما تبغا تفك كشاف الشورت أداءه أفضل
و الأحسن من ذا كله تركب شورت و تفك الإسطب الكبير الي فيه العالي و الواطي و النعاس و الإشاره و بتشوف إداء يفجع بس مستعد إنك تمشي و تضيع الأشياء الي باللون الأحمر
ما أعتقد عشان كذا أنا أفضل اللونق

من غير الدبات الي إنت شريتها
من المكينه إلى الدبات
حيكون عندك
هدرز مع فتحه لل O سنسر
كاتم صوت (دبه وسطيه) (كتليزر) مع فتحه لل O سنسر
بايب يوصل لأخر السياره و تبغا دبه أو دبتين ما تفرق كثير في السعر
و كل ما زودت توصيلات يزيد السعر لأنو التوصيلات تجي جاهزه و المواصير جاهزه و اللحام كهرب و هو ما يلحم على السياره لمن يركب الإكزوست يشبكه ب مسامير من عند كل رقبه زي الرقاب الي في الصوره تحت (هذا إكزوست حق أكورد موديل 4CYL 2Dr / 4Dr 1994-1995) و تاخذ السياره من يومين إلى 3 و لو فصل لأكورد قبل ما نروح له إحنا تدفع الفلوس و تجيلو بعد كم يوم على التركيب



بس أنا أبغا دبه وحده و هي أفضل من عدة نواحي
1 أخف بتشيل وزن دبه قريب 2 كيلو و توصيله ما أدري كم جرام:d
2 الباك برشر حيكون أفضل (الي هوا ضغط الهوا الخارج من المكينه سيارتنا 4 سلندر)
3 الباك فير حيطلع طبيعي من السياره و دا شي ممتاز
أنا الحين يطلع مني باك بس مره ضعيف مرات تشوفه قد الكف و أغلب المرات لا مع إني ما فكيت الكواتم (مشاء الله)