الموضوع: قصتي مع هوايتي !!!

بسم الله الرحمن الرحيم

أحبائي وأخواني اعضاء هذا (( العالم الجميل )) وهو عالم ونادي ومستفاد محبي هوندا
طبعاً كنت مسجل قبل في هذا المنتدى بس اسمي للأسف شكله راح وطي ومن عشقي
الى هذا المنتدى حبيت اقول لكم قصتي مع هوايتي وهي :

طبعاً انا شاب بحريني وعمري 23 ومتزوج وعندي طبعاً (( أكورد 2007 فل أوبشن ))
نبتدي؟ كنت صغير قبل ما اخذ رخصة السياقه احب انظف سيارة ابوي واطلع فيها
(( لعانه )):d وكنت احبها تكون لامعه فكنت اخذ دهن عافيه وامسح السياره وتلمع :(
وبعدين ادوخ في تغسيله بعد مرور ايام ووشهور وصل وقت أني اخذ الرخصه خذيتها

وتميت من دون سياره مع الايام شريت لي سياره من نوع (( BMW 325i طبعاً القير عادي ))

على قولة اخوانا السعوديين غيار عادي المهم بديت ادش في العشق والحب والجنون
شريت علبة باليس وتميت اضرب اضرب اضرب وصارت السياره من انظف سيارات البحرين من نوعها وما كنت ادرك طريقة ضرب الباليس مع الايام والتطورات صادني جنون قوي اني والله
اقعد من نومتي في عز الليل واذرب باليس وارجع انام تميت على هالسالفه سنتين وانا شغال
يومياً ما مر يوم الا وانا اضرب باليس وفي اليوم لازم 4 مرات باليس ناعم كنت ما اهتم بالي يقولونه الناس انت مجنون وانت مو صاحي وراح يروح لون السياره كنت اعطيهم اذون الصمخ
وبالعكس اشوف السياره تزيد لمعان ولما اضرب باليس واشوف السياره بلمعه قويه احس اني
شارب شي يدووووخ :p وطبعاً استخدمت جميع انواع الباليس وكل مره اقول هذا احسن من الثاني لما جى وقت اني حصلت على شغله عسكريه ودشيت معسكر وتميت احلم بالليل
ويقولون لي الشباب ابو عبدالله تراك بالليل تنظف سيارات :d خلص المعكسر وكنت متشوق
الى أن يدي تكون موصخه وحالتي حاله طلعت بكل شوق واول شي سويته على طول الشركة الوطنيه للسيارات وغمضت عيوني وفتحتها فجأه والا الصاروخ الارضي وحب حياتي الاكورد اللؤلؤي جنبي على طول اقسااااااااااااط وفل اوبشن وكنت متشوق انها تكون لاااامعه عشان
ارتاح نفسياً طلعت بالسيارة رحت البيت وتميت ادور اغلى نوع باليس وشريته وابتدى المشوار

مع الباليس المحترم (( )) وتميت استخدمه على طول وبشكل يومي واللحين راح

أشرح لكم طريقه تخلي سيارتكم من احلى واروع السيارات وفائقة اللمعان

1- يجب ان تكون السياره مغسوله غسيل محترم .
2- ناخذ قطعة قماش قطن 100% ونحطها في الماء وننشفها بحيث ما يبين على البدي ماي.
3- نمسح البدي كامل بهاي القطعه بحيث يكون خالي من اي تراب او غبار .
4- نشتري مكينة سعرها بالسوق مو غالي كلش 10 دينار 100 ريال .
5- نشتري هذا النوع من الباليس واسمه GOLD CLASS
6- ناخذ قطعة الاسفنج ونضرب كامل السياره وبحيث يكون الكميه بسيطه
لئن في حال الازاله يكون قوي شوي .
7- نخليه الى فترة نص ساعه ونشرب شاي وزقاره لما يجف الباليس وينمزج مع اللون .
8- نقوم بكل قوه وناخذ الماكينه ونقوم بأزالة الباليس بالمكينه يعني ما نمسحه بيدنا (( لا لا ))
بالمكينه بهاي الطريقه

9- وقت الي نخلص كامل السياره من المسح ناخذ قطعة القماش القطن المرطبه ونمسح السياره
10- نشتري باليس نوع واسمه PART 3
هذا طبعا حق لمعان قوي جداً جداً

11- ناخذ قطعة الاسفنج ونغسلها عن الباليس الاولي وننشفها ونمسح بهاي الباليس مره ثانيه على السياره كامله .

12- نتركه يجف الى مدة 15 دقيقه .
13- نبتدي نمسح البدي بالقطن باليد (( وليس بالماكينه )) نمسح البدي كامل .
14- ناخذ قطعة القماش المرطبه ونجففها (( صح )) ونبتدي نمسح البدي من جديد .
15 - نجي الى الاخير وهو الاطارات راح يكون مغسول جيداً .
16- نشتري الباليس هذا يسمونه البحرينيين (( عسل )) :d
17- نمسح الاطار بقطعة اسفنج ونضغط شوي منشان لا يتطاير على البدي
ونكرر العمليه مره ثانيه بعد الانتهاء من جميع الاطارات بدون ما نحط باليس .

وفي الاخير كلش كلش نشتري هذا ونقوم برشه على قطعة قماش ناشفه وما نرش كثير لاااااا بس شي بسيط وما نرش على البدي لااااا على القطعه
ونمسح السيارح مسحه حلوه ونخلص

18- ههههههه تقولون يلعن يومك يا ابو عبدالله كسرت ظهرنا بهالشغل

طبعاً يومياً انا اسوي هالشغل ومن غير تعب وبمتعه تاااامه ومن كثر ما زوجتي تتملل تعلمت
وهي ويايي بروحنا في الطبيله ونشتغل ههههههههههه.

كل هذا الي حبيت اقوله لكم وعساني وفيت الى احبائي والي يبي اسوي سيارته ما عليه

الا يخابرني على ACCORDAWI@HOTMAIL.COM ويجي البحرين واسويها ههههههههه
بس كلشي بسعره امززززح وياكم على العموم اسمحو ليي وراح في الايام المقبله اراويكم
سياراتي بس اخاااف الحسد هههههههههه ويالله في أمان الله وحفظه

لو يعرف عني راعي الشركه شغلني مدير مبيعات هههههههههههه

تأليف أبو عبدالله يعني اناااااا هههههههه.