الموضوع: ابي اضبط سيارتي اكورد ( 2008 )

اولا : مبروك عليك الملكه

انا معاك بخصوص التضليل وعندك (في كول او زيبارت او ليومار)

اما جنوط وخرابيط ما انصحك ابدا

مشكور الدولار
مشكور كوكو
بس انا مو بالرياض بالقصيم ياليت تنصحني

ياليت اقدر بس السياره 4 سلندر

حلات الاكورد وكالتها وان تهورت تضليل وزنون بسسسسسسسسسسسس

اول شيء مبرووك عليك السيارهـ والله يعطيك خيرها ويكفيك شرهـآ
وانا اتفق مع كوكو كورد
ركب لها جنوط مقاس 19 نيكل
واشتري يايات رياضيه ايباخ وهبطها ولا تقص اليايات حق الوكاله
وركب زينون في الواطي
واذا تبي زياده ركب سماعات كينوود والا بايونير < همه السستم

يا الغالي
خذ نصيحه مجرب كان معي كامري 2002 فتحه وكنت اسوي فيها الهوايل وبعتها
واشتريت مكسيما 2004 فل كامل والعن جدها بالحركات وكل ماسويت حاجه اقول فدا فدا الييييين صرت الحين ما اسوى رياااال من الحكايم والخساااير والله اني مطفر من ذيك الايام الى يومك
بعدها عقلت>>>>><<<<< واشتريت اكورد 2005 ولا احلى من الوكالة يا الغالي

^^^^^^^
خربها اذا ناوي ناوي غير يايات اماميه رياضيه وزينون وجنوط وتظليل وسط زيبارت او كوول
ولاتنسى الشاشات
واذا لون سيارتك لؤلؤي خلي التنده اسووود

وسلامتك يا الغالي لكن بسررررررررررررررعه عشان تصير اول واحد والله الله بالصور

up
up
up
up

من وجهة نظري ان 2008 لها هيبتها فلا تكسرها بالتعديلات اللي مالمها داعي
لو 2007 اجي معك
مع اني املك 2006 لكن الحق يقال
اضافة (ابوي يفكر يشتري هوندا 2008 علما انه مايسوق سيارتي يقول حقت بزارين)

بسم الله الرحمن الرحيم ..

تو العالم ماشافوا السيارة زي الناس ..

انا الحين امشي والعالم تصوييييييير من وراي

اجل لو اضبطها وش يصير .. كان يصير علي موكب لين اوصل للبيت ..

المهم .. أخوي .. اذا بتضبط الله يقويك .. لكن نصيحتي

ابعد عن التخريم وتقطيع الاسلاك وعن فصل أجهزة الوكالة .. لأن السيارة جديدة


تحياتي

المشاركة الأصلية كتبت بواسطة الملكة اكورد

لاتركب تعديلات ماتقدر تشيلها بعدين

هذا هو الكلام السيارة توها عروسة وهيبتها موجودة بدون تعديل وعشان اذا جيت تبيع ما ينشبون لك الشريطية ;);).

يابو الشباب وخر عن التضبيت والحركات الي مالها داعي،،،
انا سيارتي 2007 ولها 3 شهور،، ماحطيت حتى تضليل هههههههههههه ياخي خل السياره تتنفس شوي

واذا انت من راعين التضبيط ليش ماخذت لك مستعمل بـ 35 او 40 وتسوي فيها الهوايل ؟

ماادري هذا راي وانت ادرى بمصلحت نفسك...

اصبر لك سنة ..

وبعدين اشتغل عليها ..
وبعدين السياره حق فخامة مو رياضية ... مثل 2005 و 2006 ...

أول شي تركب جنوط 20 كـروم (( نيكل )) بالراحة تركب .. مع تغيير يايات إلى نوع eibach
نوع ممتاز جدا ً .. وما يخرب شي بالسيارة ..

ثانيا ً .. ركب لك زينون اذا مافيها .. وعزل حراري من في كول ..

ثالثا ً .. ابدأ اشتغل بالداخلية وغيرها إلى لون مميز يناسب لون السيارة ..

أهم شي .. لا تآخذ شي تجاري

سلام ,,

السلام عليكم ...



اولاً مبروووك الملكه والله يعطيك خيرها ويكفيك شرها ...


وبالنسبه للتضبيط نصيحه واحد منلعن من الشمس ضلل حراري زيبارت لأن الأسود والله مراتبي مخمل اركبها تحرقني ايام الصيييف فنصيييحه ضلل ...



وتقبل مرووري ...



وسلااام

المشاركة الأصلية كتبت بواسطة momo

حلات الاكورد وكالتها وان تهورت تضليل وزنون بسسسسسسسسسسسس

مثل ماقال اخوي وان تهورت تضليل وزنون عالواطي;)

المشاركة الأصلية كتبت بواسطة قوة الأحلام !

مثل ماقال اخوي وان تهورت تضليل وزنون عالواطي;)

على عيني كلام الشباب بس ما قراءة منه ولا حاجة

حبيبي اذا تبغى تعدل تعديل رياضي .. عدل البدي بس لكن انصحك لا تقرب المكينة و الحاجات هذه

فصل لك كت رياضي عند ورشة مراد في الصناعية

ركب جنط 17 " اسود و اطرافة نيكل


وبس

اما لو قلت تبغى تعدل تعديل رايق راح اعطيك افكار دماااااااااااااااااااار

المشاركة الأصلية كتبت بواسطة نجم الرياض

من وجهة نظري ان 2008 لها هيبتها فلا تكسرها بالتعديلات اللي مالمها داعي
لو 2007 اجي معك
مع اني املك 2006 لكن الحق يقال
اضافة (ابوي يفكر يشتري هوندا 2008 علما انه مايسوق سيارتي يقول حقت بزارين)

ماأزيد !

تبي نصيحتي ..!

لو تفك الدركسون وتخليه يسار ، يعني تخلي الراكب يسوق موب انت ، تبي تطلح حركه حلوه ..!
وأيضا القير لازم يكون يمين الي يسوق ، فلذلك حط لك مربوعه وطلعه مع دريشة الراكب حتى تثبت عليه القير .!


امممم وش بعد وش بعد ..!
أيه ، باب الشنطة الي ورا لو تخليه مكان باب الكبوت والكبوت مكان الشنطه أو حط المكينه كله بالشنطه أو تدري ، حط المكينه ببيتكم ماتلزم ، ماغير خساير بنزين وزيت على الفاضي ..!


اممم وش بعد يارب وووش بعد ..؟!
فيه حركه حلوه يمكن تصلح لك ، لو تخلي المراتب حقت الراكب والسواق مقلوبه ، يعني يصير وجهك وانت قاعد لم الي وراك
يعني لو معك واحد راكب ورى وتبي تسولف معه ، وهو مايسمع زين لازم تقرب لم لأنه هو الضيف عندك وتكلمه ، كذا صعب من رايي تخلي المراتب وجهها للراكب الي ورا أزين لك صراحه ..!

أو تدري ، بلاش خساير ، حط دريهماتك بمخباتك واللهم لك الحمد ، عب بهن بنزين وأشتر مناديل :d ، ماتدري يمكن تزكم ولا شي ..!

>> معليش ، تراي مواصل وابروح أنام ، واستروا ماوجهتوا ..!

المشاركة الأصلية كتبت بواسطة [ أبو سلمان ]

تبي نصيحتي ..!

لو تفك الدركسون وتخليه يسار ، يعني تخلي الراكب يسوق موب انت ، تبي تطلح حركه حلوه ..!
وأيضا القير لازم يكون يمين الي يسوق ، فلذلك حط لك مربوعه وطلعه مع دريشة الراكب حتى تثبت عليه القير .!

امممم وش بعد وش بعد ..!
أيه ، باب الشنطة الي ورا لو تخليه مكان باب الكبوت والكبوت مكان الشنطه أو حط المكينه كله بالشنطه أو تدري ، حط المكينه ببيتكم ماتلزم ، ماغير خساير بنزين وزيت على الفاضي ..!

اممم وش بعد يارب وووش بعد ..؟!
فيه حركه حلوه يمكن تصلح لك ، لو تخلي المراتب حقت الراكب والسواق مقلوبه ، يعني يصير وجهك وانت قاعد لم الي وراك
يعني لو معك واحد راكب ورى وتبي تسولف معه ، وهو مايسمع زين لازم تقرب لم لأنه هو الضيف عندك وتكلمه ، كذا صعب من رايي تخلي المراتب وجهها للراكب الي ورا أزين لك صراحه ..!

أو تدري ، بلاش خساير ، حط دريهماتك بمخباتك واللهم لك الحمد ، عب بهن بنزين وأشتر مناديل :d ، ماتدري يمكن تزكم ولا شي ..!

>> معليش ، تراي مواصل وابروح أنام ، واستروا ماوجهتوا ..!

شف انت فيك وحده من الثنتين :

يانك فاصل :d:dوهذ الي صاير

او انك مكثر على العشا>>>احلى تصريف:d:d


بالنسبه للتعديل وانا اخوك سو الي تبي لاكن بعد عن المكينه والكهربا وانشالله الوضع اوكي;)