تم الإستلام .. والملكه شرفت كراج بيتنا [ قصه الشراء] !

**92.500** · 11-12-2007, 12:06 AM

صباحكم سوكره اصدقاي

مشواري في شراء السياره صعب دامت لمده 3 سنوات .. والسياره ماجت بارده مبرده كذا !

اول مابديت أزن على أبوي يشري لي سياره كان ايام الثانوي عمري 19 سنه !

ومااستلمتها إلا الحين .. والحين محاكيكم جامعي وبلغت من العمر عتيّا 22 سنه سنه تنطح سنه !

وتوي استلم السياره !

قل لنا وش السالفة يا ( 92.500 ) وش اللي اخرك كل هالمده ؟! .. انا اقول لكم وش السالفة !

على ايام المراهقه الله يذكرها بالخير جيت لم أبوي بمكتبه وقلت .. يبه أبي اشري لي موتر ( وقتها كانت خشتي قايله كذا >> :d )

قام ابوي ناظرني كذا نظره حاده على جنب .. وسألني : وموترك الفورد .. وش به ؟

قلت يبه انا ودي افك موتر من الوكاله وبإختياري مثل اخوياي .. مهوب مستعمل من السواق وقديييم من سنه نوح !

قال : اهاااااا .. << اثناء ماكان يقولها كان يدور نعله يلحقني فيها !

المهم بعد شد وجزر .. رحت جبت فيتامين واو [ أمي ] ودخلتها في الخط !

وبدت تحن وتزن معي !

وبعد 3 شهور من المداولات كن ابوي لان شوي .. وقال وش الموتر اللي تبي ؟

قلت امش اوريك .. قال مشينا .. ركبنا السياره ورحت به لم معارض لكزس !

قلت ابي هذي يايبه .. وكانت الـ جي إس اول مانزل الشكل الجديد !

ابوي مارد علي .. وراح يتمشى بالمعرض .. ولفتت نظره الأفلون كانت توها جايه طازجه !

شاف ابوي الموتر وجاز له .. قال لي ورى ماتاخذ ذي ؟

قلت لااااااا ماااااااااااااابي .. ابي لكزس جي اس ولا مابي موتر :p

قال نشوف .. نفكر شوي !

من بكرا ناداني بالمكتب .. وقال لي وش رايك اعطيك مية الف تشغلها بدال مااشري لك موتر ؟

قلت على يدك .. انا موافق ؟

قال انت اللي فكر بمشروع يناسبك .. انا كل اللي علي اعطيك الكاش !

قلت تم !

طبعا انا وش اللي خلاني اوافق .. ذاك الوقت كان سوق الأسهم في قمه توهجه والناس ماتتكلم إلا بالتدبيلات !

قلت انا وش حيثي ادخل قروشي بالسوق وندبل وبدال اللكزس نشري بي ام !

دخلت القروش في الاسهم من هنا وطاح السوق من هناك .. وخسرت اكثر من نص قروشي .. ومابقي معي إلا 40.000

ومن بعدها صرفت النظر عن سوق الفلس .. ورحت افكر في مشروع صغير بـ هالكم قرش !

خلال تلك الفتره .. كانت الفورد اللي كنت اسوقها بدت تخبط وصرت البقها تحت كراج الورشة اكثر من تحت كراج البيت !

وكنت اعاني في تنقلاتي بسبب كثره خرابات السياره في الطريق !

الوالد كان يشوف معاناتي وساكت .. يحتريني اتكلم وانا ماقلت له شي !

يوم شافني ماتكلمت ناداني في مكتبه .. وقال لي كم بقي معك من الفلوس غير اللي خسرت ؟

قلت : اربعين !

قال لي : وش رايك اشغلك عندي بالمكتب مسائي لمين توصل للمبلغ اللي بنفسك وتشوف لك موتر ؟

قلت اوكي .. تمام التمام !

بدأت الشغل واللي كان ابوي يعاملني فيه تعامل آخر .. تعامل المدير مع الموظف وليس الأب مع ابنه !

قضيت سنه كامل في العمل مع الوالد إلى ان وفقني وقدرت اجمع قرش على قرش !

.
.

وكنت في هذي الفتره اشوف صور الأكورد الجديد واللتي سلبت لب عقلي وقلبي بكل ماتعنيه الكلمه من معنى !

لدرجه مافي صوره بالنت عن الأكورد 2008 .. إلا وحطيت كليك يمين وحفظ !

وانا كنت في امس الحاجه لسياره جديده .. خصوصا بعد مااعلنت الـ فورد 96 تقاعدها بشكل نهائي !

لما نزلت الأكورد بالسعودية كان المبلغ اللي عندي قريب من سعر الفل !

ودبرت كم قرش من هنا وهناك .. و

-
-
-
-
-
-
-
-
-
-
-
-
-
-
-
-
-
-

والآن .. استلمت ماهو اغلي عندي من اللكزس والبي ام !

ولكن بعد مااصبحت اكثر نضجاً .. وبعد ماتعلمت الكثير من الدروس

ولعل اولها هي اني سابقا كنت اطمح إلى السياره الفاخره كهدف

اما الآن فلا ارها إلا وسيله جميله للوصول إلى اهداف اسمى بكثييييير !

_
_
_
_

]

إنتظرونا بتقرير كامل وشامل .. للملكه اللؤلؤية أكورد 2008 !

;)

**The Godfather** · 11-12-2007, 12:14 AM

مبرووووووووووووووووووووووووووووك

و يامال العافيه

و قصتك مأساويه ... و اسلوبك بالقصه رائع
شكلك من كتاب الايميلات

يبيلك تنشر مذكراتك القصيره

و يالله راوينا تقريرك ;)

ما شاء الله
7777777777777777777777

**92.500** · 11-12-2007, 12:21 AM

المشاركة الأصلية كتبت بواسطة BLACK_ACCORD

مبرووووووووووووووووووووووووووووك

و يامال العافيه

و قصتك مأساويه ... و اسلوبك بالقصه رائع
شكلك من كتاب الايميلات

يبيلك تنشر مذكراتك القصيره

و يالله راوينا تقريرك ;)

الله مير يبارك فيك يابعد تسبدي

اخجلت تواضعي يارجل !

وان شاالله قريبا نبي نجهز التقرير .. واللي ان شاالله راح يكون مميز ويرتقي لأذوقكم !

..

ايه نسيت شي !

قولوا ماشاء الله تبارك الله !

صلوا على النبي ياجماعه :d

**accord05** · 11-12-2007, 12:25 AM

الله يعطيك خيرها ويكفيك شرها
والف الف مبرووووك على الموتر الروووووعه وانت اروووووع
والله الله عطني دوره واعطيك الاكورد 2005 مجانا :o

**92.500** · 11-12-2007, 12:35 AM

المشاركة الأصلية كتبت بواسطة accord05

الله يعطيك خيرها ويكفيك شرها
والف الف مبرووووك على الموتر الروووووعه وانت اروووووع
والله الله عطني دوره واعطيك الاكورد 2005 مجانا :o

نسيت اقول بالموضوع اني معمم رسايل على جميع القرايب واللي دقوا يبون يجون يشوفونها ويركبونها

اني محدد خمس تريل للدوره وانت راكب بجنب السواق وبعشره إذا تبي دوره وانت تسوق !

والله يبارك فيك اكورد 2005 .. عاد انتم السابقون ونحن اللاحقون

ومصيرنا بعد خمس سنين نقول لحقين الأكورد 2013 .. عطنا دوره ودوك موتري الـ 2008 :d

**المـــــلكـ اكـــــورد** · 11-12-2007, 12:42 AM

ماشاء الله
مبروك الملكه
ربي يعطيك خيرها ويكفيك شرها

وربي يعوضك خير في خسارتك

**هوندا قوه الاحلام** · 11-12-2007, 01:26 AM

الف الف مبروك اخوي ومن صبر ضفر

والله يعطيك خيرها وكفيك شرها:d

**Black Accord 2008** · 11-12-2007, 01:47 AM

ههههههههههههههههههههــ لك مسقبل كذا

في كتابة الروايات

بصراحة أولاً :-
أهنيك على اسلوبك الجميل في طرح الموضوع ..

ثانياً :-

ألف ألف ألف ألف مبروك السيارة يالغالي

الله يعطيك من خيرها ويكفيك من شرها ..

والله يحفظك لها ويحفظها لك .. قول آمين

وماشالله تبارك الله لا قوة الا بالله ..

الله الله بالركادة لا أوصيك ..

ونصيحة من أخ يعزك في الله ولله (( أقرب محل تسجيلات اسلامية وخذ سي دي سورة البقره وشغله وصدقني كلها 4 او 5 مشاوير وانت مختم السورة ))

تقبل مروري

**The Stig** · 11-12-2007, 01:53 AM

اقول وش تقرب لك بنت الرياض :d

قصدي اسلوبك مشوق ماشالله ...

الله يبارك لك فيها ...

بس تراني احب البي ام .,, عن الغلط وخلنا حبايب :d

تحياتي

اقول .. وكأني لا ارى صورا :d

**مجرد رأي** · 11-12-2007, 02:11 AM

ما شاء الله تبارك الله

الف مبروك عالموتر الراقي

منك المال ومنها <<< الحكمة غلط من اولها :d

ونصيحتي لا تزين فيها شي

خلاص كذا كافي من الوكالة ..

تحياتي

**مجرد رأي** · 11-12-2007, 02:14 AM

إلا تعال

انت مطلعها بلوحات طويله من الوكالة ؟؟!!

وشلون ؟؟

وكم كلفت ؟؟

جاوب بسرعة ؟!؟!

**عاشق الأكورد2008** · 11-12-2007, 02:48 PM

السلام عليكم ورحمة الله وبركاته

الف الف الف مبروووووووووووووووك اخوي على السيارة ماشاء الله تبارك الله يعطيك خيرها ويكفيك شرها

ننتظر التجربة بفارغ الصبر

تقبل تحياتي

**اكورد لؤلؤي** · 11-12-2007, 04:16 PM

اسلوووبك

بس الحين ماعلمتنا

وين موترك الـهوندا ولا الـ 460 :d

والف الف مبرووووك

والله يعطيك خيرها ويكفيك شرها

وبالنسبه للدوره معك صرف 50 :d

والله يوفقك...

**[ أبو سلمان ]** · 11-12-2007, 05:32 PM

صباحك زيتون مقشر :d

ماشاء الله تبارك الله ، إي والله ملكة له كفرات :d
الله يارب ان كنت كتبت لها شراً فاصرفه عنه وان كتبت لها الخير فعلجه يارب العالمين ..!
الله يبارك لك فيها ويقولون اصبر خمسين سنة تجيك حاجه مركزه :d

انت صبرت كم سنة وجاك شي مركز بدال هالخرابيط اللكزس وطقتها >> قال خرابيط :s

**الـمـسـافـر** · 11-12-2007, 06:06 PM

الف الف الف مبرووووووووووووووووووووك

ما شاء الله تبارك الله

الله يحفظها يارب من كل عين

عليك بالورد وانا اخوك

<< معي عشرين الحين يعني دورتين :d

**أبو سارا** · 11-12-2007, 06:22 PM

ولعل اولها هي اني سابقا كنت اطمح إلى السياره الفاخره كهدف

اما الآن فلا ارها إلا وسيله جميله للوصول إلى اهداف اسمى بكثييييير !

احلى جملة في المنتدى بأكمله

مبروك اخوي السيارة والله يعطيك خيرها ويكفيك شرها

**92.500** · 12-12-2007, 10:56 AM

المشاركة الأصلية كتبت بواسطة الملكة اكورد

ماشاء الله
مبروك الملكه
ربي يعطيك خيرها ويكفيك شرها

وربي يعوضك خير في خسارتك

آمين تسلم على الدعوه الحلوه !

والله يعوض كل الداجين بالأسهم !

**92.500** · 12-12-2007, 11:00 AM

المشاركة الأصلية كتبت بواسطة هوندا قوه الاحلام

الف الف مبروك اخوي ومن صبر ضفر

والله يعطيك خيرها وكفيك شرها:d

آمين !

بارك الله فيك !

**92.500** · 12-12-2007, 11:04 AM

المشاركة الأصلية كتبت بواسطة Black Accord 2008

ههههههههههههههههههههــ لك مسقبل كذا

في كتابة الروايات

بصراحة أولاً :-
أهنيك على اسلوبك الجميل في طرح الموضوع ..

ثانياً :-

ألف ألف ألف ألف مبروك السيارة يالغالي

الله يعطيك من خيرها ويكفيك من شرها ..

والله يحفظك لها ويحفظها لك .. قول آمين

وماشالله تبارك الله لا قوة الا بالله ..

الله الله بالركادة لا أوصيك ..

ونصيحة من أخ يعزك في الله ولله (( أقرب محل تسجيلات اسلامية وخذ سي دي سورة البقره وشغله وصدقني كلها 4 او 5 مشاوير وانت مختم السورة ))

تقبل مروري

يعجبني الرد المضبط والمتكز !

يامال العافية يابلاك .. احمرت وجنتاي من كلامك الزين !

وقراية الورد على الموتر مسويه قبل مااستلمه وهم قاعدين يركبون اللوحات :d

**92.500** · 12-12-2007, 11:06 AM

المشاركة الأصلية كتبت بواسطة عاشق هوندا اكورد

اقول وش تقرب لك بنت الرياض :d

قصدي اسلوبك مشوق ماشالله ...

الله يبارك لك فيها ...

بس تراني احب البي ام .,, عن الغلط وخلنا حبايب :d

تحياتي

اقول .. وكأني لا ارى صورا :d

أمي من الرضاع ;) << :d

بعض مما عندكم الله يسلمك !

اما البي ام يكفيها فخر انك تحبها !

**92.500** · 12-12-2007, 11:09 AM

المشاركة الأصلية كتبت بواسطة مجرد رأي

ما شاء الله تبارك الله

الف مبروك عالموتر الراقي

منك المال ومنها <<< الحكمة غلط من اولها :d

ونصيحتي لا تزين فيها شي

خلاص كذا كافي من الوكالة ..

تحياتي

ههههههههههههههههه أجل منها العيال هاه :d

ابشر مانيب مزين فيها شي .. جناح شفه وتظليل عازل بس !

**92.500** · 12-12-2007, 11:11 AM

المشاركة الأصلية كتبت بواسطة مجرد رأي

إلا تعال

انت مطلعها بلوحات طويله من الوكالة ؟؟!!

وشلون ؟؟

وكم كلفت ؟؟

جاوب بسرعة ؟!؟!

قل للوكاله ويجيبونها لك .. طبعا برسوم !

**92.500** · 12-12-2007, 11:14 AM

المشاركة الأصلية كتبت بواسطة عاشق الأكورد2008

السلام عليكم ورحمة الله وبركاته

الف الف الف مبروووووووووووووووك اخوي على السيارة ماشاء الله تبارك الله يعطيك خيرها ويكفيك شرها

ننتظر التجربة بفارغ الصبر

تقبل تحياتي

وعليكم السلام ورحمه الله وبركاته !

الله يبارك في عمرك ياعاشق !

والتجربة جاية !

**92.500** · 12-12-2007, 11:17 AM

المشاركة الأصلية كتبت بواسطة اكورد لؤلؤي

اسلوووبك

بس الحين ماعلمتنا

وين موترك الـهوندا ولا الـ 460 :d

والف الف مبرووووك

والله يعطيك خيرها ويكفيك شرها

وبالنسبه للدوره معك صرف 50 :d

والله يوفقك...

موتري اللي لونه ابيض ومسفط المرايات :d

ماعندي .. خل الباقي بخشيش

**92.500** · 12-12-2007, 11:26 AM

المشاركة الأصلية كتبت بواسطة [ أبو سلمان ]

صباحك زيتون مقشر :d

ماشاء الله تبارك الله ، إي والله ملكة له كفرات :d
الله يارب ان كنت كتبت لها شراً فاصرفه عنه وان كتبت لها الخير فعلجه يارب العالمين ..!
الله يبارك لك فيها ويقولون اصبر خمسين سنة تجيك حاجه مركزه :d

انت صبرت كم سنة وجاك شي مركز بدال هالخرابيط اللكزس وطقتها >> قال خرابيط :s

صباحك عسل بالقشطه يابو سلمان مغموسة بخبز خباز ! << لايكثر :d

انت تشوف الكفرات .. ابفصخ واحد منهن عشان تصير سندريلا << ابووووووووك يالمصاله :(

ههههههههههههههههههههه اجل حاجه مركزه .. خالد جادل بتله يطلق من هالحكم المدويه :d