عضو جديد و بطلب رايكم في السيفيك السلفر !؟ - صور -

**xHeartcoreboyx** · 29-12-2007, 12:35 AM

السلام عليكم،،،
هذي أول مشاركة لي في المنتدى - اخوكم عبدالله من قطر -الأكثر من رائع و مفيد، و ببداها و بصراحة بطلب

عندي سيفيك 2007 اخدتها ستاندرد من شهر...حسيت الفل ما تستاهل الفرق بالسعر...

...المهم،،ركبت سيستم بيونير عالسيارة(ستيريو - 4 سبيكرات - امبليفير - سبووفر) كخطوة اولى ل "تعديل" السيارة ..

السيستم أكثر من رائع و الصوت ما عليه اي كلام ،،،،

السيارة راح تروح الوكالة عشان السيرفيس - 5000 كلم - ،،و راح أضبط السيارة بعد كم يوم لما ترجع ...

- هل تنصحوني بالكشافات ؟ و لا شكل الشبك أحلى و أركب زينون و بس ؟؟

- أصبغ مسكات السيارة السود بلون سيلفر - عند الوكالة - و لا مو ضروري شكلهم اوكي ؟؟

- و سؤال ثالث... شرايكم بأماكن الستيكرات :o ؟؟

انتظر ردودكم ،،

ملاحظة:
- خطتي كانت على ما يلي : زينون >> عازل حراري >> {عجلات 18 + جنوط و جناح - بعد 3-6 اشهر - }

**civic 007** · 29-12-2007, 01:32 AM

اول مبروك اخوي على السياره والله يعطيك خيرها ويكفيك

شرها انا عندي نفس الشي سيفك استاندر بيضاء انت ليش تبي

تصبغ الايادي بالوكاله اصبغا بره لانه مافرقت انا صابغها بره في ورشه

ما اخذ مني الا ستين ريال عشان اللون لولوي لو لون ثاني كان ارخص

هذه رايي وانت حر في الاخير

وبالنسبه لا اماكن الاستكرات انا نفسي محتار وان شاء الله نستفيد من الشباب

**كيوت كورد** · 29-12-2007, 01:36 AM

حياك الله في منتداك ويارب تفيد وتستفيد

وعن السياره تراهي روعه يعطيك خيرها ويكفيك شرها

تحياتي بو عبدالله

**و د ا السعوديـة 1 5 5** · 29-12-2007, 05:39 AM

المشاركة الأصلية كتبت بواسطة xHeartcoreboyx

وعليكم السلام
اهلين اخوي عبدالله وحي الله اهل قطر
والف مبروك عليك السياره اهنيك الصراحه على السيستم بايونير والله اوكي
- هل تنصحوني بالكشافات ؟ و لا شكل الشبك أحلى و أركب زينون و بس ؟؟

اخوي انصحك تركب زينون احلى بدون كشفات

- شرايكم بأماكن الستيكرات :o ؟؟

الستكر بازجاج الخلفي لو كان في الوسط كان اوكي بس الحين هو فوق يمين
والستكر الثاني مكانه مناسب

اخوي لاتنسانا باصور اذا عدلت فيها
وتقبل مروري

**xHeartcoreboyx** · 29-12-2007, 02:07 PM

المشاركة الأصلية كتبت بواسطة civic 007

اول مبروك اخوي على السياره والله يعطيك خيرها ويكفيك

شرها انا عندي نفس الشي سيفك استاندر بيضاء انت ليش تبي

تصبغ الايادي بالوكاله اصبغا بره لانه مافرقت انا صابغها بره في ورشه

ما اخذ مني الا ستين ريال عشان اللون لولوي لو لون ثاني كان ارخص

هذه رايي وانت حر في الاخير

وبالنسبه لا اماكن الاستكرات انا نفسي محتار وان شاء الله نستفيد من الشباب

الله يبارك فيك و يحمي سيفكتك و سيفكتي قول آمين :d

و الله فكرة الصبغ برة حلوة و بتوفر...بس اقول اكيد صبغ الوكالة أفضل،،و لا شرايكم ؟!

**xHeartcoreboyx** · 29-12-2007, 02:08 PM

المشاركة الأصلية كتبت بواسطة كيوت كورد

حياك الله في منتداك ويارب تفيد وتستفيد

وعن السياره تراهي روعه يعطيك خيرها ويكفيك شرها

تحياتي بو عبدالله

تسلم اخي و الحمد لله بالفعل كان الإختيار موفق جدا

ما في أحلى من الهوندا !

**xHeartcoreboyx** · 29-12-2007, 02:18 PM

المشاركة الأصلية كتبت بواسطة و د ا السعـوديـة 1 5 5

[/CENTER]

أهلا فيك أخي و تسلم والله،، بصراحة لا تقلي بازوكة و لا صاروخ نوووي ما في احلى من ووفر بيونير و الله ;)

..ان شاء الله بركب زينون و بدون كشافات و اشوف كيف يطلع ،، أحس شكل الشبك احلى من الكشافات ..

و لا شو رايكم ؟؟

**shabab4ever** · 29-12-2007, 02:35 PM

وانـا أخـوكـ مـالي خبرهـ في الموتر لأنه الي معي أكورد

لكن وأنـا أخـوكـ أنـا أشهد أنـه موتر ومع أخـوي نفس الموتر بالضبط واللون

السيستم مـافيـه أحلى منه والله يوفقكـ ومشـأء الله شكلـه روعـه والله يوفقكـ فيـه وأنـأ اخوكـ

ومعروفـ مـالكـ الا المسجل خويكـ في كل محل لازم تدلعه ^_*

وإن شـاء الله الاخوان عندهم خبرهـ

**الـمـسـافـر** · 29-12-2007, 03:21 PM

هلا والله فيك

انا اقترح عليك تركب : زينون + صبغ مسكات الابواب + تظليل خفيف + جنوط الوكاله

فل

**xHeartcoreboyx** · 29-12-2007, 03:38 PM

المشاركة الأصلية كتبت بواسطة shabab4ever

وانـا أخـوكـ مـالي خبرهـ في الموتر لأنه الي معي أكورد

لكن وأنـا أخـوكـ أنـا أشهد أنـه موتر ومع أخـوي نفس الموتر بالضبط واللون

السيستم مـافيـه أحلى منه والله يوفقكـ ومشـأء الله شكلـه روعـه والله يوفقكـ فيـه وأنـأ اخوكـ

ومعروفـ مـالكـ الا المسجل خويكـ في كل محل لازم تدلعه ^_*

وإن شـاء الله الاخوان عندهم خبرهـ

تسلم اخي و الله كلك ذوق، صاروا الشباب كلهم يطلعوا معي عشان يسمعوا السيستم هههه :d

**B Useful** · 29-12-2007, 06:00 PM

هلا فيك اخوي .. ع البركة الموتر ويعطيك ربي خيرة ويكفيك شرة ,,

اغلب اللي بيعدلون سياراتهم ياخذون ستاندر ,,

اذا بتركب كشافات خذ الاصلية وريخ مخك ,,

جنوط انصحك تكون من شركة معروفة ,, وطبعاً لازم تغير اليايات اذا بتركب جنوط .. انصحك بـ www.eibach.com

**beam** · 29-12-2007, 07:02 PM

ماشاء الله عليها والله روعه
وقمة الحلاوة
وانت كذا

**xHeartcoreboyx** · 29-12-2007, 08:45 PM

المشاركة الأصلية كتبت بواسطة كوكو كورد

هلا فيك اخوي .. ع البركة الموتر ويعطيك ربي خيرة ويكفيك شرة ,,

اغلب اللي بيعدلون سياراتهم ياخذون ستاندر ,,

اذا بتركب كشافات خذ الاصلية وريخ مخك ,,

جنوط انصحك تكون من شركة معروفة ,, وطبعاً لازم تغير اليايات اذا بتركب جنوط .. انصحك بـ www.eibach.com

تسلم والله يبارك فيك اخي ،،

والله الكشافات متردد فيها...حاليا بركب زينون و فلم شفاف و بعدين اشوف شو اعمل ...

بالنسبة للجنوط بركبها بعدين..حرام السيارة بعدها وكالة...اقعد اغير الكفرات ؟! - ما معاه فلوس بس يتحجج... -

شكرا على ردك حبيبي

**xHeartcoreboyx** · 29-12-2007, 08:47 PM

المشاركة الأصلية كتبت بواسطة beam

ماشاء الله عليها والله روعه
وقمة الحلاوة
وانت كذا

انت الأروع اخي بمرورك الجميل...ان شاء الله بعد كم شهر بتسير السياارة شيي =)

**أناقة أكورد2007** · 29-12-2007, 10:21 PM

وعليكم السلام ورحمة الله وبركاته:

مبروك عليك السيارة والله يعطيك خيرها ويكفيك شرها ويجعلها عونن على طاعته

مالي خبرة في السيارات لكن حبيت اباركلك على السيارة

وان شاء الله الاخوان ماراح يقصرون معك

أخوكم / أناقة أكورد2007

**xHeartcoreboyx** · 29-12-2007, 10:48 PM

المشاركة الأصلية كتبت بواسطة أناقة أكورد2007

وعليكم السلام ورحمة الله وبركاته:

مبروك عليك السيارة والله يعطيك خيرها ويكفيك شرها ويجعلها عونن على طاعته

مالي خبرة في السيارات لكن حبيت اباركلك على السيارة

وان شاء الله الاخوان ماراح يقصرون معك

أخوكم / أناقة أكورد2007

الله يبارك فيك أخي و يسلمك و أشكرك على هذه المبادرة فيك الخير و الله ،،،

**xHeartcoreboyx** · 30-12-2007, 08:30 PM

المشاركة الأصلية كتبت بواسطة الــمــســافــر

هلا والله فيك

انا اقترح عليك تركب : زينون + صبغ مسكات الابواب + تظليل خفيف + جنوط الوكاله

فل

جنوط الوكالة ؟؟

هل يطلع حلو ؟! نفس الكفرات الصغيرة و بس اركب جنوط الوكالة العادية عليهم ؟!

**الـمـسـافـر** · 30-12-2007, 08:55 PM

والله جنوط الوكاله حلووووووووه مره معجبتني عليها

جنط الوكاله مقاسه 16 ... انت شوف جنطك كم مقاسه

بعدين جنط الوكاله ما تمل منه مب زي جنوط الزينه فتره وتملها

**ادب يا هنادي** · 30-12-2007, 09:08 PM

اخوي المسافر معاهـ حق .. جنوط الوكاله اليمه صرآحه

وانا رايي من راي و د ا ( زينون من غير كشافات )

والله يعطيك خيرها ويكفيكـ شرها

.
.
.
.
.
.
.

تحياتي
السبيعي

**xHeartcoreboyx** · 30-12-2007, 09:35 PM

المسافر ...بصراحة رايك من راي اخوي....اخوي جرب الجنوط التجاري كثييير و تنكسر بسهولة بمجرد ضربة رصيف ...

و بصراحة بديت أقتنع برينجات الوكالة....

أشكرك ادب يا هنادي عالرد و إن شآء الله الزينون راح يركب بنهاية الأسبوع و بلا كشافات ..و الجنوط بسأل عنها بالوكالة ..

أشكركم جميعا عالردود !!

شباب هل في حد عنده صور أو أفكار لاصطبات السيفك الخلفية معدلة ؟! يعني بالورق الاسود - تفييم -

**o-k-r** · 30-12-2007, 10:28 PM

راسلني على الخاص
وان شالله افيدك اكثر

ويعطيك خيرها ويكفيك شرها

**الاخطبوط** · 30-12-2007, 11:40 PM

ماشاء الله

الله يعطيك من خيرها ويكفيك من شرها

ان شاء الله السيفيك بتطلع معك كذا

وانا اقترح انك تركب الكشافات افضل والزينون ممكن تركبه في النور الواطي والكشافات

**xHeartcoreboyx** · 31-12-2007, 11:29 PM

طيب شباب شرايكم بهالحركة بالإصطبات ؟؟ هل تحبوا تعدلوا شي فيها ؟؟

**ممتاز الممتاز** · 01-01-2008, 12:30 AM

اهلا باهل قط اقول اخوي خلها كذا اوكي ولا تركب زينون لان الزينون يعدم عليك المولد حق الكهرب وركب كشافات وركب لك جنط زينه على ذوقك وتطلع اوكي ويعطيك خيرها ويكفيك شرها معك اخوك احمد موزع معتمد لقطع غيار هوندا

**ACCoRD.SNiPER** · 01-01-2008, 04:05 AM

هلا وغلا بأهل قطر يمكن ردي يا متأخر

ومبروك عليك المورت ويعطيك خيره ويكفيك شره

شو ف اخوي انا نظرتي حق التعديل انها تكون السياره مميزه عن باقي السيايير
يعني هالتعديل ممكن تحصل غيرك مسويه

شوف اول شي بخصوص القبضات اصبغهن برع لانه مايفرق ..بس لو كان بتصبغ بودي السياره لا قدر لله فالوكاله لانه يفرق..
وثاني شي لو الكورات التحت يجن سود مثل الاكورد اصبغن بنفس لون السياره

وعندك بعد ركب كشافات لانهن يعطن شكل حق الموتر
وركب شمعات ليتات الحلقات مخصصه للسفك تحصل صوره لهن فالمنتدى يطلعت دماااااااار
وزنون طبعا مع منظم كهربه
- وحاول انك تخشب مثل الوكاله لاني ما شفت السفك فل اوبشن هل هي مخشبه
-وعليك بالجليد مب تلبيس تفصيل شوفلك محل محترم وفصل عنده نفس الوكاله بتحس بفرق
-ونصيحتي شل المسجل وركبلك شاشه مع سيدي ديفيدي وياها مخصصه للسفك بتطلع دمار
وآخر شي تواير ورنقات وخلاص الموتر بيكلع آخر دلع