بسم الله الرحمن الرحيم
السلام عليكم ورحمه الله وبركاته
حبينا نوريكم صور سيارتي والله اني ناسيكم من كثر الدوران
ابشركم شريت اكورد 2008 فل كامل اللون اسود وكان لي الفخر
اني اول واحد يطلعها بالرياض طلعتها يوم الاحداللي راح الصباح اول ما وصلت
البطاقات الجمركيه اخذت البطاقه ورحت للمرور علشان خالي حاجز لي
لوحه ولاكن للاسف راحت والسبب ان خالي طلع لي وحطها عند واحد وقال بيجيك
واحد ياخذ اللوحه والملازم الله يهيديه جاه واحد وقال عندك لوحه ارقامها 2008
قال ايه حاجزها لك وراحت علي وكلمت خالي وقال افا وقال ترى ما فيه الا
ارقام قليله باقيه وكان اول يوم لتوزيع اللوحات الجديده وكان زحمه مره واخذت لوحه
مش ولا بد ا ا ر 3633 يجي منها صح الموهم اني ما صدقت اخذت اللوحه ورحت
على طول لهوندا وركبوا اللوحه ويوم جيت اطلع عيوا قالو ما احد يطلعها ما جت البطاقات
ما يدرون انه اول ما وصلت البطاقات رحت لواحد ونزلنا وسجل رقم الهيكل واعطاني البطاقه
سريع سريع وطلعتها صباح الاحد وقالوا لي مبروك اول واحد يطلعها بالرياض وقالوا فيه دفعه
بتطلع اليوم العصر والحمد لله سبقتهم وصارت لي مواقف كثيره منها اني قفطت ناس كثار
يصورون وانا معطيهم الحريه مسوي نفسي ما ادري وصارلي موقف بالتحليه واحد على
نياته وقف جنبي ويبارك وقال ماشاء الله الله يعطيك خيرها ويكفيك شرها وقال وش نوعها قلت
وشو قال السياره وشي قلت اكورد قال ماء شاء الله تبارك الله غيروها كامل ما شافها شكله
قبل كذا واممممممممم وش باقي بعد السياره الحين ماشيه حوالي 870 كيلو والله من الدوران
ولا تنسون الدعاء لي وعقبالكم كلكم وابغى نصاااااااااااااائح للحفاظ على اللون الاسود وكل
متى اغسلها والان مع الصور واعذروني على الانقطاع وحتى الان ما شفت الا وحده لؤلؤيه ووحده سوداء بس
الصوره الاولى:مع الجنب والخلفية
الصوره الثانيه :مع الخلف
الصوره الثالثه:الوجهيه
الصوره :الرابعه :الوجهيه و الكشافات شغاله
واول ما شريتها الحمد لله سميت وقريت عليها وولعت سوره البقره كامله
ولاتنسونا من الدعاء والرجاء اي واحد طلع اكورد يكتب متى لاني تحديت واحد
باحد المنتديات يقول انه اول من طلعها وطلع مطلعها الاثنين بعد العشاء:d
ومبروك لكل اللي شروها وعقبالكم
والموضوع اهداء لكل اعضاء المنتدى وخاصه الاخ م م و وتاخرنا عليك بالرد
ونبغى افضل النصائح للحفاظ على اللون الاسود واللي يبغى لفه فيها يدق علي ولا
خاص :d
تصدقون اول ما طلعتها حسيت اني شاري بانوراما:pكل العالم تناظرها والله يفكنا من العين
ونبغى اي واحد طلع موتره يسدح لنا الصورهنا ومع السلامه
رد مع اقتباس
مواقع النشر (المفضلة)