سيارة اخوي ماادري وش اقول خانني التعبير

**دحوم** · 09-08-2006, 07:03 PM

السلام عليكم ياشباب بصراحة تفأجات قبل اسبوع عندما دخلت البيت يوم الاربعاء لقيت سيارة ضخمة في وجهي سيارة اول ماتشوفها يتملكك احساس بأنك تود امتلاكها او اي واحد منا لكن المثل (يقول مد رجليك على قد لحافك ) هذي سيارة اخوي اللي هي BMW 760

موديل (2006);) اول ماشفتها توقعت انه مستأجرة او ماخذها من احد زملائه لكن طلع كلامي كله خطا وقال هذي السيارة انا شاريها دفعة دفعة كبيرة لهم وقسط على راتبه لكن راتبه كم ياشباب يعني يقسط وهو مرتاح 20000ريال

يمديه على صيانتها وعلا مشاكلها الله يعنيه والله يعطيه من خيرها ويكفيه شرها السيارة بصراحة شكلها تحفة من الخارج ومن الداخل ايضا لكن سامحوني ياشباب لأني صورتها في عند قصر (نادي قوى الامن ) بالرياض حسيت ان المكان حلو ويستاهل التصوير لكن للأسف من الخارج فقط وبشكيل سريع عشان اللي طالعين من القصر مايقولون وش دعوة اول مرة يشوف BMW مايدرون انها ملك لأخوي اخليكم مع الصور :

حتى اللوحة ياشباب على نفس الفئة;) ماشاء الله عليه الله يعطيه من خيرها ويكفيه شرها وبصراحة كانت في راسه من زمان لكن ماتوقعت يخربها ويشتري 2006 لا وبعد 760 لكن للمعلومية ياشباب السيارة مستخدمة شوي يعني قرابة 30000كم عشان كذا طاح في سعرها كثير وانت ابخص بالألماني لما ينزل ينزل .

تحياتي ,,,, دحـــــــــــوم ,,, :d :d

**S T ! N G** · 09-08-2006, 07:25 PM

ما شاء الله
مبروك الف مبروك

ويستاهل اخوك

يا رجال خله يوسع صدره

هع هع

الله يعطيه خيرها ويكفيه شرها

ورى ما تمرنا ناخذ لفه

خخخخخخخخخخخخخخخخخخخخخخخخخخخخخخخخخخخخخخخخ

**الاخطبوط** · 09-08-2006, 07:35 PM

ماشاء الله

عسى الله يرزقنا بوحده مثلها عام 3154

البي ام تشكي الصراحه

يعطيه خيرها ويكفيه شرها

لاتنسى تخليه يقرا عليها ترا العين حق وانا اخوك

**Storm CiViC** · 09-08-2006, 07:50 PM

ما شاء الله تبارك الله

والله يستاهل اخو دحوم

وقله كلام الأخطبوط

لاتنسى تخليه يقرا عليها ترا العين حق وانا اخوك

وانا مستعد اقرى عليها القرآن بس خليه يمر علينا ونطلع فيها :d <<< مسوي ذكي ؟قول ابغى اركب معاه وخلاص :d

**دحوم** · 10-08-2006, 12:08 AM

الله يعطيكم العافية ياشباب بس ياشباب الرجال خايف عليها مافيه امل يعطيني بها لفه بس يحق له يعني لوه انا راح افرش الفراش جنبها وماراح افارقها ابد .

**S T ! N G** · 10-08-2006, 12:51 AM

هذا انت تفرش الفراش جنبها

انا الفراش في المرتبه الى ورى

خخخخخخخخخخخخخخخخخخخخخخخخخخخخخ

**BLK** · 10-08-2006, 01:00 AM

مـــــا شاء الله

الله يعطيه خيرها و يكفيه شرها ...

صحيح شعور غريب تدخل البيت تشوف فيه سيارة مثل ذي :d

**GoldenLion** · 10-08-2006, 01:18 AM

وعليكم السلام ورحمة الله وبركاته

ما شاء الله لا قوة الا بالله، تبارك الله
الله يعطيه خيرها ويكفيه شرها

مو كأنها تشبه سيارتي يا شباب :d

**اتــشـــــ** · 10-08-2006, 04:45 AM

الله يعطية خيرها ويكفية شرها
والله يعين اخوك على خرابات الـ bmw (وبذات هالشكل ) والله ان يشيب راسه من اعطال الكومبيوتر الي فيها وتذكر كلامي هذا يادحوم ;)

**BLK** · 10-08-2006, 04:45 AM

المشاركة الأصلية كتبت بواسطة GoldenLion

وعليكم السلام ورحمة الله وبركاته

ما شاء الله لا قوة الا بالله، تبارك الله
الله يعطيه خيرها ويكفيه شرها

مو كأنها تشبه سيارتي يا شباب :d

اي والله لا حظت الشبه ما شاء الله تبارك الله :p

أقول دحوم تراني أخوك خخخخخخخخ << مسوي ثقيل دم

أقول شباب وش رايكم في الأكورد الأبيض الي في الصورة الثانية ... مركب نسافات و شكله طالع روووعة

**الرويال** · 10-08-2006, 09:05 AM

مشاء الله تبارك الله

الله يعطيه خيرها ويكفيه شرها

زين مااختار ودامه مقتدر خله يطرب عمره الدنيا زوووووال

اصبر كم شهر ويبدا يقولك تبي تسوقها تكشخ فيها (اسأل مجرب )

وحسيت بالي انت تحسه وانت تصور ههههههههههه واحس شي انك صورت سيارتك معه

**دحوم** · 10-08-2006, 10:46 AM

يعطيكم العافية ياشباب على ردودكم , اخوي اتش بصراحة اهو يحب البي إم دبليو يعني مجرب قبل كذا وذبحت بالخرابات لكنها اللي زايدالطين بلة ان اللي معه اول كانت قديمة ومرقع فيها لكن ياجماعة اللي فاجاني انه كان في راسه 2002-2003 (745) هذا إذا خربها لكن ماشاء الله قال لي مدامني مقتدر فخلني اخربها مرة وحدة لدرجة ان زملائه قاموا يدقون عليه عشان يوفرون تاجير سيارة فخمة وياخذونها يركبون المعرس فيها .

**accord 06** · 10-08-2006, 10:52 AM

هاه دحوم فيها ازرار التحكم بالصوت و لا لا ؟ :d

ما شاء الله .. الله يعطيه من خيرها و يكفيه شرها و يرزقك وكل الاعضاء بمثلها

**اكورد الجنوب** · 10-08-2006, 03:37 PM

دحوم
الله يعطيه خيرها ويكفية شرها ويبعد أولاد الحرام عنها وتكون عون له على الطاعه يارب

**H @ Z ! M** · 10-08-2006, 04:35 PM

ماشاء الله الله يعطيه خيره ويكفيه شرها

والله يبعد عنه عيون الحساد

**أكورداوي** · 10-08-2006, 05:57 PM

سبحان الله ...

صورة الأكورد ورا البي أم ذكرتني بأيام المؤتمرات لما أحضرها .. دائما سيارتي تكون ورا سيارة سواقي... الله يهديه دايما يسبقني ,,:d

على العموم يادحوم الله يعطي أخوك خيرها ويكفيه شرها ويمنعها من شر الحاسدين ..

سالفتك ذكرتني بسالفه لي مع واحد من أخوياي .. الزبده هو ولد تاجر كبير معروف في الشرقيه ..

أول ماطلعت سيارتي فرحااااااااان متشقق عليها .. الرجال مرني معه لاند كروزر 95 ..

وأنا راز كأنها بي أم ,, وأركبها السياره مستانس وأوريه الفخامه المحدوده وهو يبارك وكأنه مستانس عليها .. طلع الرجال معطيني جوي .. وحطمني بكلمه وحده ..

قالي كلها أيام ان شاء الله وأطلع الرنج روفر ...

أنا قاعد أطالع في سيارتي ..

وش أطالع وأش أخلي .. مافي مسجل

.. مافي تحكم بالصوت

.. وقته ماكنت زينون

.. وهذا يقولي رنج .. الزبده مرت الأيام ولا طلع رنج ... طلع بي أم 750 موديل 2006 ..

لكن شوف الي تحتك واشكر بك لأنك لو بتشوف الي فوق بتنكسر رقبتك ..;)

**دحوم** · 10-08-2006, 07:32 PM

شاكرمروركم ياشباب بس ياشباب هل تعتقدون ان البي ام الجديد يعمر اكثر اقصد من حيث الخرابات لان كان عنده بي ام قديم بصراحة اقولها بهذله وسحب فلوسه سحب .

**اتــشـــــ** · 10-08-2006, 11:21 PM

المشاركة الأصلية كتبت بواسطة دحوم

شاكرمروركم ياشباب بس ياشباب هل تعتقدون ان البي ام الجديد يعمر اكثر اقصد من حيث الخرابات لان كان عنده بي ام قديم بصراحة اقولها بهذله وسحب فلوسه سحب .

الـ bmw من موديل 1995 الى موديل الـ 2001 خراباتة أقل بكثييييييييييير من موديلات الـ 2002 ونت طالع .
اذا فعلن تبي الفئة العملية والقليلة الخرابات عليك بلفئة الخامسة من الـ bmw ونت بكرامة حماااااااار شغل .