حلوة كتير السيارة .. الجنوط و الأنوار الأمامية حلوة ..

شكلك تحب السيارة ... ليش ناوية تخبص و تبشع فيها بدون فايدة ؟؟

السيفيك التخشيبة مو لابقة فيها ابدا و لا لها علاقة بالسيفيك ... التخشيب للسيارات الكلاسيك و العائلية و الرسمية اوكي..بالأكورد اوكي ما عليها كلام ..

ياريت قبل ما تعدل تفكر للحظة واحدة بس .. " ايش فايدته ؟؟ ايش راح استفيد ؟؟ "

الهيدروليك ... ايش فايدته ؟؟ ايش راح تستفيد منه ؟؟

رفع الأبواب... ليش ؟؟؟ لمبورجيني مورشيلاجو ؟؟ كلها سيفيك 60 الف ريال ...(أنا عندي نفس السيارة على فكرة )

بالنسبة لستكر الميوجين ... ليش حاطه ؟؟ مركب شي من شركة ميوجين ؟؟ أتوقع لا و بالتالي فالستكر ماله اي معني و ماراح يعطيك 10 حصان عليه .......

بالنسبة للنيونات اللي تحت السيارة ... شخصيا مالي فيهم ... بس على راحتك خيار شخصي ..ركبت خلص..

حاول تفكر بتعديلات حلوة و مفيدة بنفس الوقت ... خليني اساعدك اذا تسمحلي ..

- Suspension و Camber kit ... حتى تهبط السيارة و تحافظ على الكفرات اللي يحكوا بزيادة اذا ما ركبت camber kit ... و بالتالي الحصول على تحكم و مرونة أفضل بالسيارة ..

و مو شرط تهبيط يعني تهبيطة مووت تكسر السيارة من تحت إذا كانت شوارعكم سيئة ..

ممكن تركب Eibach Pro kit تهبيطة خفيفة.. او Eibach Sportlines و تكون تهبيطة اكبر شوي ..

او حتى تركب HFP من هوندا .. تهبيطة بسيطة و لكن تعطيك تحكم كبير ..

- Intake .. ركب فلتر "رياضي" مثل ما تسموه .. يسحب هواء أكثر و يدوم للأبد ما يحتاج غير تنظيف بمادة خاصة كل فترة .. و يعطيك صوت حلو للماكينة بعد 3rpm ..

و احسن و ائمن شي هو K&N Typhoon shortram intake ...ركبته من عند هوندا نفسهم بألفين ريال..دفع السيارة و صوته كتيييير احسن ..

- Cat back .. ممكن تركب شكمان جديد مع البايبات كامل..يعطيك قوة و دفعة و بنفس الوقت صوت و شكل ..

- Body kit .. ممكن تركب بودي كيت كامل محترم .. مثل Mugen و لا Type R .. او حتى تركب بس سبايلر امامي تفصيل او من النت .. بيطلع شكله مرتب كتيير و مميز ..

- CF hood ... ممكن تركب بانة كاربون فايبر .. وزن خفيف و شكل حلو و تفصلها او تشتري من النت في كتييير موديلات حلوة ..

- عازل حراري ... ممكن تعمل عازل حراري غامق شوي .. يعطيك راحة بالسواقة و بنفس الوقت يعطي شكل راقي للسيارة ..

... و في غير هذا كتييييير تعديلات حلوة و بنفس الوقت مفيدة ..

ياريت تحاول تفكر بردي و ما تستعجل ... ليش ما تكون منطقي و ستايل و غير عن كل الناس اللي "يعدلوا" سيارات عندكم ...